ຜູ້ປະກອບການ ໃນສາມຫຼ່ຽມຄຳ ຕ້ອງເບີ່ງແຍງ ສຸຂະພາບ, ກິນຢູ່ຂອງພະນັກງານ ໃນຊ່ວງທີ່ມີແຈ້ງການລ໋ອກດາວ 14 ວັນ

    0
    220

    ແຈ້ງການ! ຜູ້ປະກອບການ ໃນສາມຫຼ່ຽມຄຳ ຕ້ອງເບີ່ງແຍງ ສຸຂະພາບ, ກິນຢູ່ຂອງພະນັກງານ ໃນຊ່ວງທີ່ມີແຈ້ງການລ໋ອກດາວ 14 ວັນຄະນະຄຸ້ມຄອງ ເຂດເສດຖະກິດພິເສດ ແຂວງບໍ່ແກ້ວ ໄດ້ອອກແຈ້ງການເຖິງ: ບັນດາຫົວໜ່ວຍທຸລະກິດ, ຜູ້ປະກອບການລາຍຍ່ອຍ, ທີ່ເຄື່ອນໄຫວກິດຈະການຢູ່ພາຍໃນ ເຂດເສດ ຖະກິດພິເສດສາມຫຼ່ຽມຄໍາເລື່ອງ: ການຄຸ້ມຄອງແຮງງານທີ່ຢູ່ໃນເຂດເສດຖະກິດພິເສດ ສາມຫຼ່ຽມຄຳ ໃນຊວງທີ່ມີການລ໋ອກດາວ 14 ວັນ ( 02-15 ສິງຫາ 2021 )ເພື່ອເຮັດໃຫ້ການຄຸ້ມຄອງແຮງງານ ທັງພາຍໃນ ແລະ ຕ່າງປະເທດ ໃຫ້ໄດ້ຮັບການຄຸ້ມຄອງໃຫ້ຖືກຕ້ອງຕາມລະບຽບກົດໝາຍ, ແລະ ການຊ່ວຍເຫຼືອໃຫ້ຖ່ວງທັນກັບສະພາບການໃນຊວງທີ່ມີການລ໋ອກ

    ດາວ 14 ວັນ ທີ່ທາງຄະນະສະເພາະກິດຂອງ ແຂວງບໍ່ແກ້ວ ມີແຈ້ງການລ໋ອກດາວ ຂພສ ສາມຫຼ່ຽມຄໍາ ໃນລະຫວ່າງວັນທີ 02-15 ສິງຫາ 2021ຄະນະຄຸ້ມຄອງ ເຂດເສດຖະກິດພິເສດ ແຂວງບໍ່ແກ້ວ ຂໍອອກແຈ້ງການດັ່ງນີ້:1. ບໍລິສັດ, ຜູ້ປະກອບການ ທີ່ດຳເນີນທຸລະກິດຢູ່ພາຍໃນ ເຂດເສດຖະກິດພິເສດ ສາມຫຼ່ຽມຄໍາ ຕ້ອງມີຄວາມຮັບຜິດຊອບໃນການເບີ່ງແຍງດູແລດ້ານສຸຂະພາບ, ການກິນຢູ່ພັກເຊົາ ຂອງພະນັກງານ, ກໍາມະກອນຂອງຕົນໃນຊວງທີ່ມີແຈ້ງການລ໋ອກດາວ 14 ວັນ2. ພະນັກງານ, ກໍາມະກອນຕ້ອງໄດ້ມີສະຕິຕໍ່ການປະຕິບັດໜ້າທີ່ຕາມລະບຽບການຕ່າງໆຂອງບໍລິສັດ ແລະ ຜູ້ປະກອບການ ວາງອອກ

    3. ກໍລະນີຫາກບໍລິສັດ, ຜູ້ປະກອບການ ບໍ່ມີຄວາມຮັບຜິດຊອບຕໍ່ຊີວິດການເປັນຢູ່ຂອງພະນັກງານ, ກຳມະກອນຂອງຕົນ ໃນຊ່ວງທີ່ມີການລ໋ອກຖາວນີ້ ຈະຖືກປະຕິບັດມາດຕະການຕໍ່ຜູ້ລະເມີດສິດໃນການນໍາໃຊ້ແຮງງານ, ຕາມລະບຽບກົດໝາຍທີ່ວາງອອກ4. ສໍາລັບແຮງງານ, ກໍາມະກອນ ຫາກມີຄວາມຂາດເຂີນທາງດ້ານອາຫານການກິນ, ແຮງງານບໍ່ໄດ້ຮັບການປົກປ້ອງສິດ, ຂາດການເບີ່ງແຍງດູແລ, ຂາດຄວາມຮັບຜິດຊອບຂອງບໍລິສັດ ໃຫ້ປະສານຫາໜ່ວຍສະເພາະກິດ ຕາມເບີໂທປະສານ, ດັ່ງນີ້:• ໜ່ວຍງານຄຸ້ມຄອງແຮງງານ (ສະໜອງສະບຽງອາຫານ)

    1) ທ່ານ ຄໍາສະຫວາດ ແກ້ວປັນຍາ 020 23653656: , 2) ທ່ານ ບຸນເຖິງ ແກ້ວຄໍາເພັງ 020 55787983 , 3) ທ່ານ ໂຕກຽວ ແກ້ວ ກຸນນະບຸດ 020 22381221; 4) ທ່ານ ນ. ອາລິສາ ກັນສະນິດ 020 55400666

    • ໜ່ວຍໄກ່ເກຍ1) ທ່ານ ສົມພອນ ສຸທໍາ 020 59353656 , 2) ທ່ານ ພູທົງ ນິລັນດອນ 020 55539810 , 3) ທ່ານ ວິລະສອນ ທອງສະຫວັດ 020 55783009 , 4) ທ່ານ ວັນນະໄຊ ທຳມະເຈດີ 020 22380972 ດັ່ງນັ້ນ, ຄະນະຄຸ້ມຄອງ ເຂດເສດຖະກິດພິເສດ ແຂວງບໍ່ແກ້ວ ຈຶ່ງແຈ້ງມາຍັງບັນດາບໍລິສັດ, ຜູ້ປະກອບການ,ພະນັກງານ, ກໍາມະກອນ ທີ່ອາໃສຢູ່ພາຍໃນເຂດເສດຖະກິດພິເສດ ສາມຫຼ່ຽມຄໍາ ເພື່ອຊາບ ແລະ ພ້ອມກັນຈັດຕັ້ງປະຕິບັດ ຕາມເນື້ອໃນແຈ້ງການສະບັບນີ້ຢ່າງເຂັ້ມງວດ.