ທ່ານຫົວໜ້າອົງການໄຈກາ ໄປໄວ້ອາໄລແກ່ດວງວິນຍານຜູ້ກ່ຽວຂ້ອງຢູ່ເຂື່ອນໄຟຟ້ານ້ຳງື່ມ1

    0
    201

    ເຂື່ອນໄຟຟ້ານໍ້າງື່ມ 1 ເປັນເຂື່ອນຂອງ ສປປ ລາວ ທີ່ມີປະຫວັດອັນຍາວນານໃນການພັັັັັັັັັັັັັັັັັັັ ດທະນາ ໂດຍສະເພາະກໍ່ແມ່ນການພັດທະນານະຄອນຫຼວງວຽງຈັນ. ນັບແຕ່ໄລຍະການກໍ່ສ້າງ (ປີ 1968-1971) ປະເທດຍີ່ປຸ່ນ ກໍ່ໄດ້ມີສ່ວນຮ່ວມໃນການປັບປຸງແລະເພີ່ມປະສິດທິພາບໃນການດໍາເນີນງານຂອງເຂື່ອນດັ່ງກ່າວ ໂດຍຜ່ານການບູລະນະຮັກສາແລະການຂະຫຍາຍສິ່ງອໍານວຍຄວາມສະດວກຕ່າງໆ.


    ນັບແຕ່ໄລຍະການກະກຽມການກໍ່ສ້າງເຂື່ອນແຫ່ງນີ້ ກໍ່ໄດ້ມີຄົນຍີ່ປຸ່ນ 3 ທ່ານ ທີ່ໄດ້ເສຍສະຫຼະຊີວິດ ເພື່ອປະກອບສ່ວນເຂົ້າໃນການກໍ່ສ້າງເຂື່ອນໄຟຟ້າ ທີ່ເປັນໜຶ່ງໃນສັນຍາລັກທາງປະຫວັດສາດແຫ່ງການພັດທະນາດັ່ງກ່າວ.


    ໃນລະຫວ່າງການຢ້ຽມຢາມເຂື່ອນນໍ້າງື່ມ 1 ໃນອາທິດທີ່ຜ່ານມາ, ທ່ານ ນາກາເຊະ ໂທະຊິໂອະ, ຫົວໜ້າຫ້ອງການໄຈກາ ປະຈໍາລາວ ໄດ້ໄປໄວ້ອາໄລຢູ່ທາດຂອງບັນດາຜູ້ເສຍສະຫຼະຊີວິດເຫຼົ່ານັ້ນ. ທ່ານ ນາກາເຊະ ຍັງໄດ້ໄປໄວ້ອາໄລ ເຖິງດວງວິນຍານຂອງຄອບຄົວຂອງທ່ານ ຈູມມະລີ ໄຊຍະສອນ, ອະດີດປະທານປະເທດ ທີ່ໄດ້ເສຍຊີວິດໄປໃນໂສກຄະນາດຕະກໍາ ຈາກເຮືອຫຼົ້ມ ໃນຕົ້ນປີທີ່ຜ່ານມານໍາອີກ.


    ປະຈຸບັນ ເຂື່ອນໄຟຟ້າ ນໍ້າງື່ມ 1 ພວມໄດ້ຮັບການຂະຫຍາຍເພີ່ມເຕີມ ໂດຍຈະຕິດຕັ້ງຈັກປັ່ນໄຟ ໜ່ວຍທີ 6 ພາຍໃຕ້ໂຄງການກູ້ຢືມຈາກອົງການໄຈກາ. ໃນອາທິດທີ່ຜ່ານມາ ທາງໂຄງການໄດ້ນິມົນເອົາພະສົງມາເຮັດພິທີທາງສາສະໜາ ເພື່ອຕິດຕັ້ງ ໂຣເຕີ ປັ່ນໄຟ ເຊິ່ງເປັນອຸປະກອນທີ່ໜັກກວ່າໝູ່ອັນສຸດທ້າຍ ໂດຍມີນໍ້າໜັກເຖິງ 130 ໂຕນ. ການກໍ່ສ້າງຈະຍັງຄົງດໍາເນີນຕໍ່ໄປ ໂດຍຄາດວ່າຈະສໍາເລັດໃນເດືອນ ມັງກອນ 2022.