ຈັງແມ່ນແລ້ງນ້ຳໃຈເນາະ..!!!ແມ່ບໍ່ຮູ້ໜັງສື ກັບ ລູກສາວເປັນໄບ້ ໄປສັກວັກຊີນ ຂໍໃຫ້ຄົນອື່ນຂຽນຟອມໃຫ້ແຕ່ຖືກປະຕິເສດ

    0
    229

    ຈາກເຟສບຸກທ່ານໜຶ່ງໄດ້ໂພສລົງເຟສສ່ວນຕົວວ່າ ສັງຄົມນີ້ຢູ່ຍາກຂື້ນທຸກວັນຊີມາເລົ່າໃຫ້ຟັງ:ມື້ວານນີ້ຂ້ອຍກັບເອື້ອຍພາພໍ່ກັບແມ່ໄປສັກວັກຊີນJ &Jຢູ່ໂຮງຫມໍແຂວງໄຊສົມບູນ

    ຕອນທີ່ຂ້ອຍກັບເອື້ອຍນັ່ງຂຽນແບບຟອມໃຫ້ພໍ່ກັບແມ່ ລະຂ້ອຍເຫັນແມ່ເຖົ້າອາຍຸ70 ປີ ແລະ ລູກສາວລາວທີ່ເປັນໄບ້ ຈັບບັດຄີວທີ່ 41-42 ເລາະໄປໆມາໆລະພະຍາບານໄດ້ແນະນຳໃຫ້ແມ່ເຖົ້າຄົນນັ້ນເອົາໄປໃຫ້ຄົນອື່ນຊ່ວຍຂຽນແບບຟອມໃຫ້(ເນື່ອງຈາກວ່າແມ່ເຖົ້າບໍ່ຮູ້ຫນັງສື)ຄົນທີ່ມາຖ້າສັກວັກຊີນໃນເວລານັ້ນມີເປັນ60-70 ຄົນ, ແມ່ເຖົ້າໄດ້ຈັບບັດຄີວກັບແບບຟອມຫັ້ນຍ່າງໄປຫາກຸ່ມເດັກໄວໜຸ່ມ


    ຂໍເຂົາເຈົ້າຊ່ວຍຂຽນຊື່,ທີ່ຢູ່,ໃຫ້ລາວກັບລູກສາວແຕ່ກະຖືກກຸ່ມເດັກໄວຫນຸ່ມປະຕິເສດໄປ, ຈາກນັ້ນລາວກະເດີນໄປຫາຜູ້ຍີງຄົນ1 ແຕ່ກະຖືກປະຕິເສດ, ແລ້ວກະເດີນໄປຫາຜູ້ຊາຍສອງຄົນ ແຕ່ກະຖືກປະຕີເສດອີກ. ຈາກນັ້ນແມ່ເຖົ້າກະຢືນຈັບບັດ ບໍ່ຮູ້ຍ່າງໄປໃສຕໍ່ ຂ້ອຍຈື່ງຮີບລຸກຈາກໂຕະໄປດືງແຂນແມ່ເຖົ້າມານັ່ງຢູ່ໂຕະແລ້ວຂ້ອຍກະຖາມພະຍາບານວ່າ:

    – ຂ້ອຍ: ແມ່ເຖົ້າຄົນນີ້ແລະລູກສາວລາວບໍ່ຮູ້ຫນັງສືໃຫ້ຂ້ອຍຊ່ວຍຂຽນໃຫ້ໄດ້ບໍ ແຕ່ຂ້ອຍກະບໍ່ແມ່ນລູກ ຫລື ພີ່ນ້ອງລາວ.
    – ພະຍາບານຜູ້ໃຈດີນັ້ນ:ອໍ..ຊັ້ນດຽວຄ່ອຍຈ້ຳໂປ້ມືເອົາເນາະ ແບບຟອມຫັ້ນບໍ່ຂຽນກະໄດ້ໄວ້ຮອດຄີວລະເຂົ້າມາເລີຍ.
    ຈາກນັ້ນຂ້ອຍຈື່ງພາແມ່ເຖົ້າກັບລູກສາວ ໄປຫາທີ່ນັ່ງຖ້າ. ຜ່ານໄປ 2 ຊົ່ວໂມງ ຕອນໃກ້ຊີຮອດຄີວຂອງຜູ້ເຖົ້າຄົນນັ້ນ ຂ້ອຍຍ່າງໄປຫາແມ່ເຖົ້າກະຮີບບອກວ່າ:

    – ແມ່ເຖົ້າ: ລູກເອີຍຊ່ວຍແມ່ເຖົ້າອີກຄັ້ງເດີ ແມ່ເຖົ້າບໍ່ຮູ້ຊີເຮັດຈັງໃດ ບໍ່ຮູ້ຫນັງສື ຄັນບໍ່ສັກດຽວຊີກັບບ້ານບໍ່ໄດ້ໃນຕອນນັ້ນ(ແວວຕາຂອງລາວເຕັມໄປດ້ວຍຄວາມອ່ອນໂຍນ ແລະ ເໝືອນຈະມີນ້ຳຕາຊືມອອກມາ).

    ຂ້ອຍ: ບໍ່ຕ້ອງເປັນຫວ່ງເດີ ແມ່ເຖົ້ານັ່ງຢູ່ນີ້ຖ້າດຽວຮອດຄີວແມ່ເຖົ້າລະລູກຊີມາເອີ້ນເດີ .


    ແລ້ວຈັກນ້ອຍຮອດຄີວແມ່ເຖົ້າຂ້ອຍກະຮີບໄປພາເພີ່ນມານັ່ງໃຫ້ພະຍາບານກວດໂດຍມີຂ້ອຍເປັນຜູ້ແປພາສາໃຫ້ພະຍາບານໃຈດີຄົນນັ້ນ ຈາກນັ້ນພະຍາບານ ແລະ ທ່ານຫມໍກະໄດ້ດຳເນີນຕາມໜ້າທີ່ຂອງເຂົາ ສັກແລ້ວພັກຜ່ອນແລ້ວແມ່ເຖົ້າເດີນມາຊອກຂ້ອຍອີກລະໄດ້”ຂອບໃຈ”ອີກຄັ້ງແລ້ວກະເເຍກຍ້າຍກັນກັບບ້ານ.

    ເຈົ້າມີໂອກາດໄດ້ຮ່ຳໄດ້ຮຽນ,ເຈົ້າມີຄວາມຮູ້,ເຈົ້າຂຽນໜັງສືເປັນ,ເຈົ້າເກັ່ງ ແຕ່ນ້ຳໃຈເຈົ້າມັນຄືແຫ້ງແທ້

    ຂ້ອຍບໍ່ໄດ້ຫມາຍຄວາມວ່າຊີຊ່ວຍທຸກເທື່ອທີ່ມີຄົນຂໍແຕ່ເຮົາກະເບີ່ງວ່າຊ່ວຍເຫຼືອໄປແລ້ວຈະບໍ່ມີຄວາມເດືອດຮ້ອນກັບຕົວເອງກະຊ່ວຍໄປ.