ລາຍລະອຽດຜູ້ຕິດເຊື້ອໃໝ່ໃນຊຸມຊົນ 64 ຄົນ, ບາງກໍລະນີບໍ່ຮູ້ແຫຼ່ງທີ່ມາ ໜ້າຫ່ວງ

    0
    60

    ເປັນເລື່ອງທີ່ໜ້າເສົ້າອີກແລ້ວ ກັບຂ່າວໂຄວິດ 19 ມື້ນີ້ ວັນທີ 4 ກັນຍາ 2021 ຕາມການຖະແຫຼງຂອງຄະນະສະເພາະກິດ ດຣ. ລັດຕະນະໄຊ ເພັດສຸວັນ, ຫົວໜ້າກົມຄອບຄຸມ ພະຍາດຕິດຕໍ່, ກະຊວງສາທາລະນະສຸກ ຖະແຫຼງວ່າ
    ມື້ນີ້ພົບຜູ້ເສຍຊີວິດເພີ່ມ 1 ຄົນ, ຕິດເຊື້ອທັງໝົດ 156 ຄົນ, ຊຸມຊົນ 64 ຄົນ, ນຳເຂົ້າ 92 ຄົນ

    ເຊິ່ງລາຍລະອຽດຜູ້ຕິດເຊື້ອໃນຊຸມຊົນມີດັ່ງນີ້
    1 ນະຄອນຫລວງ ວຽງຈັນ 06 ຈາກ ຊຸມຊົນ ຊື່ງມີດັ່ງລຸ່ມນີ້: _04 ຄົນ ຈາກ ບ້ານຈອມເພັດເຫນືອ, ເມືອງ ສີສັດຕະນາກມີ (03 ຄົນ, ແມ່ນ ຄອບຄົວດຽວກັນ) ແລະ ອີກ 01 ຄົນ ກໍາມະກອນ ເຊື່ອມໂຍງກັບ ກຸ່ມ ບໍລິສັດຂົນສົ່ງ ທາງບົກທາງນ້ໍາ. 01 ຄົນ ຈາກ ບ້ານ ຫາດຊາຍຂາວ, ເມືອງ ຫາດຊາຍຟອງ, ພົວພັນ ກັບຜູ້ ຕິດເຊື້ອຜ່ານມາແລ້ວ 01 ຄົນ ຈາກ ບ້ານຫນອງແວງ ເມືອງຫາດຊາຍຟອງ (ອົງການ room to read)
    2 ສະຫວັນນະເຂດ: ຊຸມຊົນ 06ຄົນ, ພ້ອມດຽວກັນ ມີຜູ້ເສັຍຊີວິດຫນຶ່ງຄົນ; ບ້ານສະພານເຫນືອ ມິ 02 ຄົນ ທີ່ພົວພັນກັບກໍລະນີຕິດເຊື້ອຜ່ານມາ, ບ້ານຫນອງຜື ມີ 01 ກໍລະນີ ເປັນເມຍພະນັກງານແພດ ຢູ່ຕຶກເດັກໂຮງຫມໍແຂວງ, ບ້ານວຽງສະຫັວນ, ບ້ານໂພນສະຫວ່າງເຫນຶອ ແລະ ບ້ານລັດຕະນະລັງສີໃຕ້ ມີບ້ານລະ 01 ຄົນ ແຕ່ຍັງບໍ່ຮູ້ແຫລ່ງທີ່ມາຂອງການຕິດເຊື້ອ.

    3 ຈໍາປາສັກ: 20 ຄົນ ມາຈາກ ກຸ່ມ ທີ່ເຊື່ອມໂຍງ ກັບກຸ່ມ ໂຮງຫມໍ ຊຸມຊົນເມືອງ
    ປະທຸມພອນ ທີ່ລາຍງານໃນວັນ ສອງວັນຜ່ານມາ ມາດຕະການທີ່ໄດ້ຈັດຕັ້ງປະຕິບັດ
    ປິດໂຮງຫມໍ ເພື່ອຂ້າເຊື້ອ ແລະຈັດສັນພະນັກງານປະຈໍາການ ສືບຕໍ່ຄົ້ນຫາຜູ້ສໍາຜັດໃກຊິດ ເພື່ອສືບຕໍ່ເກັບຕົວຢ່າງ ແລະ ຈໍາກັດບໍລິເວນ ສືບຕໍ່ຕັ້ງຈຸດເກັບຕົວຢ່າງຢູ່ເມືອງປະທຸມພອນ ແລະ ເມືອງອື່ນ ປິດບ້ານທີ່ມີຜູ້ຕິດເຊື້ອໃຫມ່ ໂຄສະນາສຸຂະສຶກສາໃນບ້ານເຂດສ່ຽງ

    4 ຄໍາມ່ວນ: ຊຸມຊົນ 25 ຄົນ – 24 ຄົນ ຈາກຊຸມຊົນ ຫວຽດນາມ ຢູ່ ຕະຫລາດ ຫລັກ 2 ແລະ 3 (ເກັບຕົວຢ່າງທັງຫມົດ 120 ຕົວຢ່າງ) ແລະ ອີກ 1 ຄົນ ຈາກບ້ານ ບົງ ແມ່ນຜູ້ສໍາຜັດໃກ້ຊິດກ່ອນຫນ້ານີ້ກັບກໍລະນີຢູ່ເມືອງ ຫີນບູນ
    5 ບໍ່ແກ້ວ 2 ຄົນ; ຊື່ງເປັນ ກໍລະນີ ຊຸມຊົນ ຈາກບ້ານຂຸນບົງ, ເມືອງ ຕົ້ນເຜີ້ງ.

    6 ແຂວງຫລວງພະບາງ: ຊຸມຊົນ 05 ຄົນ – 03 ຄົນແມ່ນຄອບຄົວດງວກັນ (ພໍ່, ແມ່ ແລະ ລູກ) ຢູ່ບ້ານພູຊ້າງຄໍາ ນະຄອນຫລວງພະບາງ ທີ່ເປັນເຊື່ອມໂຍງກັບບ້ານ ໂຄມຂວາງ ທີ່ເຄີຍລາຍງານຜ່ານມາ, 01 ຄົນ ຈາກ ບ້ານປ່າໄຜ່ 01 ຄົນຈາກ ບ້ານນາຝາຍ ເມືອງນານ ປະຈຸບັນ ຜູ້ຕິດເຊື້ອໃຫມ່ທັງຫມົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່ສະຖານທີ່ປິ່ນປົວທີ່ຖືກກໍານົດໄວ້.

    ຜູ້ທີ່ມີຈຸດປະສົງຢາກກວດຊອກຫາເຊື້ອໂຄວິດ-19 ສໍາລັບ ນະຄອນຫຼວງວຽງຈັນ ນີ້ ແມ່ນ ຢູ່ຈຸດເກັບຕົວຢ່າງບຶງຂະຫຍອງ ເຊິ່ງເປີດໃຫ້ບໍລິການບັນດາທ່ານທຸກ ວັນ (ວັນຈັນ ຮອດ ວັນອາທິດ) ໃນຕອນເຊົ້າ ເວລາ 9:00-12:00 ໂມງ ແລະ ຍັງ ມີທີມງານເກັບຕົວຢ່າງເຄື່ອນທີ່ໄປເກັບໃນສະຖານທີ່ທີ່ມີລາຍງານຄົນເຈັບຕິດເຊື້ອ. • ສໍາລັບແຂວງອື່ນ ແມ່ນທ່ານສາມາດໄປກວດຊອກຫາເຊື້ອໄດ້ຢູ່ໂຮງຫມໍແຂວງ ຫຼື ສະຖານທີ່ທີ່ກໍານົດໄວ້.
    ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງຫມົດ 15,761 ຄົນ, ເສຍຊີວິດ ສະສົມ 16 ຄົນ (ໃຫມ່ 1 ຄົນ) ແລະ ຄົນເຈັບກໍາລັງປິ່ນປົວ ທັງຫມົດ 5,568 ຄົນ