ອ່ານແລ້ວນ້ຳຕາໄຫຼ! ຢ່າປ່ອຍໃຫ້ດວງວິນຍານ ຂອງພໍ່ແມ່ຕ້ອງເຫຫງົາ ເພື່ອມານັ່ງລໍຄອຍຖ້າກິນຫໍ່ເຂົ້າຂອງລູກໆ

    0
    155

    ມາບາດນີ້ ມາກ່າວເຖິງວິນຍານເຈົ້າ ມາຄອຍເອົາເຂົ້າຫໍ່ລໍຫາລູກແລະເຕົ້າ ສິນຳເຂົ້າມາສົ່ງບຸນ ຫຼຽວຫາລູກພີ້ພຸ້ນ ຈົນວ່າທົ່ວອາຣາມ ຖາມໝູ່ມານຳກັນ ວ່າບໍ່ເຫັນລູກຫຼານເຈົ້າ
    ຫຼືລູກເມົາມົວຫຼີ້ນ ກາງຄືນບໍ່ຮູ້ຕື່ນ ຊັ້ນບໍ ມາບໍ່ຄິດຮ່ຳຮູ້ ຄຸນແກ້ວພໍ່ແມ່ຕົນ

    ມື້ນີ້ເພີ່ນທຳບຸນກັນຈົ້ນໆ ເບິດສູ່ຄົນທົ່ວທ້ອງຖິ່ນ ເດີຄຳເດີ ທຳບຸນເຂົ້າປະດັບດິນ ເດືອນ9ມາແຕ່ລະຄັ້ງ ແມ່ພາສ້າງແຕ່ເມື່ອຍັງ ລູກແມ່ເອີ່ຍ ສຽງກອງດັງຢູ່ຕຶ້ງຕັ້ງ ສຽງກອງດັງຢູ່ຕຶ້ງຕັ້ງ ລູກໄປນັ່ງຢູ່ທາງໃດ ເດນໍ ໝູ່ເພີ່ນມານຳກັນ ແມ່ເພີ່ນເຫັນລູກຫຼານແລ້ວ ລູກແມ່ຍັງຂັດຂ້ອງ ຈຳເປັນອີ່ຫຍັງນໍ່ ອີ່ຫຍັງນໍ່

    ໂອ່ຍ ຫຼືລູກຄິດບໍ່ພໍ້ ລືມແລ້ວແມ່ຜູ້ຕາຍ ຄຳເອີ່ຍ ໝູ່ເພີ່ນຍ່າງຢູ່ລ້າຍໆ ຫອບເອົາສິ່ງເອົາຂອງ ທັງເງິນທອງຂອງທານ ໝາກຢາປາປີ້ງແມ່ຢືນອີງຢູ່ເສົາຮົ້ວ ຟັງສຽງຫົວເພີ່ນຫ້າວຊື່ນ ເພີ່ນຫ້າວຊື່ນ ແມ່ນີ້ນາ ຄອຍຖ້າລູກຢູ່ເບິດຄືນ ຈົນຮອດຍາມມື້ເຊົ້າ

    ບໍ່ເຫັນເຈົ້າ ແມ່ອ່ອນໃຈ ຄຳເອີ່ຍ ລູກແມ່ເອີ່ຍ ແມ່ເຄີຍສັ່ງລູກໄວ້ ເຈົ້າມາສ່າງລືມຫຼົງ ແທ້ນໍ ເຈົ້າສັງລືມບຸນຄຸນ ພໍ່ແມ່ຕົນຖະໜອມລ້ຽງ ລູກສັງໄລລືມຖີ້ມ ປະເພນີປີລະເທື່ອ ປີລະເທື່ອ ເສຍໃຈເດ ແມ່ສິໄດ້ກັບເມືອ ຄອຍຜົນທານລູກບໍ່ໄດ້ ແມ່ຢືນໃຫ້ ກອງນ້ຳຕາຄຳເອີຍ

    ອອກວັດມາ ແມ່ກະໄດ້ແຕ່ຈ້ອງ ໝອບສ່ອງຫຼຽວຫາ ພາຍນ້ຳຕາຫຼຽວມອງ ສ່ອງຢູ່ແຄມຫຼັງຕ້າຍ ເສຍໃຈຫຼາຍເດຄາວນີ້ ແມ່ມາດາຍສິເມືອເປົ່າລະນໍ

    ໂອ່ຍໝາກພູຢາ ປາຫໍ່ເຂົ້າ ພຽງປັ້ນບໍ່ໄດ້ກິນ ລູກເອີ່ຍ ໝູ່ເພີ່ນໄດ້ລາບຊີ້ນ ກອງຈານຜ່ານຫວານຄາວ ແມ່ນີ້ນາຊາວຫໍ່ຕອງມາເລຍ ເພື່ອປະທັງຮອງທ້ອງ

    ແມ່ໄດ້ຄອງຄອຍຖ້າ ເຖິງເວລາເພີ່ນເອີ້ນຕ່າວ.ພວກເປດອະສຸລະກາຍທັງຫຼາຍຟັງທາງນີ້ໄດ້ເວລາພວກເຈົ້າ ຕ້ອງກັບຄືນນາລົກແລ້ວ


    ຍາຍເຖົ້ານັ້ນ..! ຍັງຖ້າອີຫຍັງອີກ ບໍ່ທັນອີ່ມຊັ້ນບໍ້..? ກັບຄືນ ໆ “ ຂ້ານ້ອຍ ຍັງບໍ່ທັນ ໄດ້ກິນ ອີ່ຫຍັງເລີຍ “
    ຄັດລອກພາສາລາວ
    Sabaiydee Khouamsouk