ສ້າງແຕ່ເລື່ອງງາມໜ້າເນາະ! ຈັບແຮງງານລາວ 4 ຄົນ ຂໍ້ຫາລັກລອບຂົນອາຫານແຊ່ແຂງ ຂ້າມມາຝັ່ງລາວ

    0
    258

    ຕາມສຳນັກງານຂ່າວ ສະຫຍາມລັດ ລາຍງານ: ຕຳຫຼວດນະຄອນພະນົມ ປະເທດໄທ ວາງແຜນສະກັດກັ້ນຈັບຂະບວນການຂົນອາຫານແຊ່ແຂງ ສົ່ງຂ້າມລາວ ສວຍໂອກາດຊ່ວງດ່ານປິດ ສົ່ງອອກໃຫ້ພໍ່ຄ້າລາວ ຫວັງເອົາກຳໄລຊ່ວງຂາດຕະຫຼາດ ມູນຄ່າເກືອບແສນບາດ. ດັ່ງນັ້ນ, ເຈົ້າໜ້າທີ່ໄທ ຈິ່ງເພີ່ມມາດຕະການ ຄວບຄຸມ ເຂັ້ມງວດຊາຍແດງ 4 ເມືອງ ເພື່ອສະກັດກັ້ນຢາເສບຕິດ ໜີພາສີ ສິນຄ້າໜີພາສີ ທີ່ຈະສວຍໂອກາດຊ່ວງໂຄວິດ-19 ນີ້.


    ເຊິ່ງເຈົ້າໜ້າທີ່ສາມາດຈັບກຸມແຮງງານລາວໄດ້ 4 ຄົນ ມີ ທ້າວ ກົບ ອາຍຸ 40 ປີ, ທ້າວ ຕົ້ນ ອາຍຸ 21 ປີ, ທ້າວ ຊານ ອາຍຸ 18 ປີ ແລະ ທ້າວ ຖຶມ ອາຍຸ 19 ປີ ພ້ອມຂອງກາງອາຫານແຊ່ແຂງ ເຊັ່ນ ໂຄງໄກ່, ລູກຊີ້ນ ລວມນໍ້າໜັກ 1 ໂຕນ ລວມມູນຄ່າບໍ່ຕໍ່າກ່ວາໜຶ່ງແສນບາດ.

    ໂດຍຈັບໄດ້ ຂະນະທີ່ກຳລັງຂົນອາຫານລົງເຮືອຫາງຍາວ ບໍລະເວນແຄມຝັງນໍ້າຂອງ ໃນເຂດເທດສະບານທາດພະນົມ ເພື່ອກຽມຂົນສົ່ງໄປຂາຍ ສປປ ລາວ ໂດຍເຈົ້າໜ້າທີ່ ກໍໄດ້ຂະຫຍາຍຜົນຫາທີ່ໄປທີ່ມາຂອງອາຫານ ແລະສືບສວນດຳເນີນຄະດີ ຕາມກົດໝາຍຕໍ່ໄປ.