ແມ່ມານ ຈະໄດ້ໝັ້ນໃຈລະບາດນີ້ສັກວັກຊິນໄດ້ຄືຄົນທົ່ວໄປ

    0
    55

    ທີ່ຜ່ານມາການສັກວັກຊິນປ້ອງກັນໂຄວິດ-19 ແມ່ນສັກໄດ້ສະເພາະກຸ່ມຄົນທົ່ວໄປ ໃຫ້ບຸລິມະສິດກຸ່ມສ່ຽງເປັນພິເສດ ເຮັດໃຫ້ແມ່ລູກອ່ອນ ແລະແມ່ມານແອບນ້ອຍໃຈ ແລະຕ້ອງ ສັງລວມໂຕເອງໃຫ້ຫຼາຍກວ່າຄົນອື່ນໆ ເນື່ອງຈາກບໍ່ໄດ້ສັກວັກຊິນບໍ່ມີພູມໃນໂຕ ແຕ່ເມື່ອບໍ່ດົນມານີ້ແມ່ລູກອ່ອນທີ່ໃຫ້ນົມລູກກໍໄດ້ສັກວັກຊິນແລ້ວ ແລະ ແມ່ມານກຳລັງຈະໄດ້ສັກ ເພື່ອໃຫ້ປອດໄພທັງແມ່ ແລະເດັກໃນທ້ອງ.


    ໂດຍກະຊວງສາທາລະນະສຸກ ໄດ້ອອກແຈ້ງການເພື່ອປະຕິບັດຜ່ານເລກທີ 1079/ສທ ລົງວັນທີ 16 ກັນຍາ 2021 ກ່ຽວກັບການໃຫ້ບໍລິການ ວັກຊີນປ້ອງກັນພະຍາດໂຄວິດ-19 ແລະ ຫ້າມໃຫ້ບໍລິການວັກຊີນກັນພະຍາດໂຄວິດ-19 ເຂັ້ມ 3 (Booster).
    ຕາມແຈ້ງການໄດ້ລະບຸວ່າ: ປະຈຸບັນ ສປປ ລາວ ໄດ້ມີການລະບາດຂອງພະຍາດ ໂຄວິດ-19 ໃນຂອບເຂດທົ່ວປະເທດ ເຮັດໃຫ້ມີຜົນກະທົບດ້ານເສດຖະກິດ, ດ້ານສາທາລະນະສຸກ. ຕໍ່ການລະບາດຂອງພະຍາດດັ່ງກ່າວ ຈື່ງມີຂໍ້ແນະນໍາໃນ ການຈັດຕັ້ງປະຕິບັດ ການໃຫ້ບໍລິການ ວັກຊີນປ້ອງກັນພະຍາດໂຄວິດ-19 ດັ່ງນີ້:
    1. ໃຫ້ບໍລິການສັກວັກຊິນ ໃຫ້ນັກຮຽນທີ່ກໍາລັງຮຽນ ມ 7 ຫຼື ຜູ້ທີ່ມີອາຍຸ 17 ປີ ຂຶ້ນໄປ ທີ່ຈະເດີນທາງເພື່ອການສຶກສາ, ການກຽມສອບເສັງເຂົ້າ ມະຫາວິທະຍາໄລ ຫຼື ວິທະຍາໄລ ແລະ ສະຖາບັນການສຶກສາ ອື່ນໆ. ສໍາລັບຊະນິດວັກຊີນທີ່ແນະນໍາ ແມ່ນ ວັກຊິນ ໄຟເຊີ ຫລື ວັກຊິນ ຊີໂນຟາມ.
    2. ໃຫ້ບໍລິການສັກວັກຊີນປ້ອງກັນໂຄວິດ-19 ໃນແມ່ຍິງຖືພາທີ່ມີອາຍຸຄັນ 12 ອາທິດ ຂຶ້ນໄປ.
    3. ຫ້າມບໍ່ໃຫ້ພະນັກງານແພດເອົາວັກຊີນປ້ອງກັນພະຍາດໂຄວິດ-19 ທຸກຊະນິດໄປສັກເຂັມ 3 (Booster) ໃຫ້ຜູ້ທີ່ໄດ້ຮັບວັກຊີນ 2 ເຂັມຄົບມາແລ້ວ ຢ່າງເດັດຂາດ ຫາກພາກສ່ວນໃດ ຫຼື ບຸກຄົນແພດໃດສັກເຂັ້ມ 3 ໃຫ້ ຫາກເກີດກໍລະນີ ຫປພຊ ທາງການຈັດຕັ້ງຈະບໍ່ຮັບຜິດຊອບທຸກກໍລະນີ, ເນື່ອງຈາກປະຈຸບັນຈໍານວນວັກຊີນຍັງມີ ຈໍາກັດ, ບໍ່ມີຫຼັກຖານທາງວິທະຍາສາດ ອ້າງອີງ ແລະ ບໍ່ມີຄໍາແນະນໍາການຮັບຮອງຈາກອົງການອານາໄມໂລກວ່າ ໃຫ້ມີການສັກວັກຊິນເພີ່ມ ຈາກທີ່ໄດ້ກໍານົດໄວ້.

    ທັ້ງນີ້ສຳລັບແມ່ມານຫຼາຍຄົນທີ່ໄປສັກວັກຊິນໂດຍບໍ່ຮູ້ວ່າຖືພາ ແລ້ວຫຼັງຈາກສັກປະກົດວ່າມີລູກ ກໍ່ບໍ່ຕ້ອງຕົກໃຈອີກຕໍ່ໄປ ເມື່ອອາຍຸຄັນຄົບ 12 ອາທິດ ຫຼື ປະມານ 4 ເດືອນແມ່ນສາມາດສັກໄດ້ເລີຍ. ກ່ຽວກັນປະເດັນທີ່ມີລູກຫຼອນໂດຍບໍຮູ້ຕົວນັ້ນ ມີແມ່ຫຼາຍຄົນທີ່ບໍ່ຕິດຕາມຂໍ້ມູນຂ່າວສານມີຄວາມກັງວົນຫຼາຍ ແຕ່ທ່ານໝໍກໍໄດ້ມາໃຫ້ຄຳແນະນຳວ່າ ສັກວັກຊິນແລ້ວຈັ່ງຮູ້ວ່າຖືພາກໍ່ບໍ່ເປັນຫຍັງ ແລະໃຫ້ໄປສັກທັນທີຫຼັງຮອດກຳນົດອັນສົມຄວນ.