ລະວັງພາຍຸ! ທີ່ກຳລັງເຄື່ອນທີ່ເຂົ້າມາ ສປປ ລາວ

    0
    130

    ລະວັງພາຍຸ! ທີ່ກຳລັງເຄື່ອນທີ່ເຂົ້າມາ ສປປ ລາວກົມອຸຕຸນິຍົມ ແລະ ອຸທົກກະສາດ. ໄດ້ໃຫ້ຮູ້ວ່າ: ໃນໄລຍະວັນທີ 11 ຫາ 12 ຕຸລານີ້ ລົມພາຍຸໝຸນເຂດຮ້ອນ ກົມປາສຸ (KOMPASU) ຫົວທີ 18 ປະຈໍາປີ 2021 ທີ່ມີຈຸດທີ່ຕັ້ງຢູ່ເຂດມະຫາສະມຸດປາຊີຟິກ ຄາດວ່າຈະເຄື່ອນທີ່ຜ່ານທະເລຈີນໃຕ້ຕອນເທິງ ໃນວັນທີ 12 ຫາ 13 ຕຸລາ, ເຊິ່ງພາຍຸຫົວນີ້ຈະເຄື່ອນທີ່ຜ່ານເກາະໄຮໜານ ແລະ ສືບຕໍ່ເຄື່ອນຂຶ້ນຝັ່ງຂອງປະເທດຫວຽດນາມ ໃນໄລຍະວັນທີ 14 ຫາ 15 ຕຸລາ, ຫຼັງຈາກນັ້ນຈະອ່ອນກໍາລັງລົງກາຍເປັນ ລົມພາຍຸດີເປຼຊັນເຄື່ອນທີ່ຜ່ານພາກກາງຂອງປະເທດລາວ ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບປານກາງ ຫາ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ ແຂວງພາກເໜືອດ້ານຕາເວັນອອກ, ພາກກາງ ແລະ ພາກໃຕ້ ຂອງປະເທດລາວ