ແຂວງຄຳມ່ວນ​ ອອກມາດຕະການສືບຕໍ່ປິດການເດີນທາງເຂົ້າ-ອອກ​ ຕື່ມອີກ​ 14​ ວັນ

    0
    63

    ຄະນະສະເພາະກິດ​ແຂວງຄຳມ່ວນ​ ອອກມາດຕະການສືບຕໍ່ປິດການເດີນທາງເຂົ້າ-ອອກ​ ຕື່ມອີກ​ 14​ ວັນ​ ເລີ່ມ​ 12-25​ ຕຸລາ​ ​2021.ໃນວັນທີ​ 11​ ຕຸລາ​ 2021​ ເຈົ້າ​ແຂວງຄຳມ່ວນ​ ໄດ້ອອກ​ຄຳສັ່ງ​ສືບຕໍ່ເພີ່ມວີມາດຕະການປ້ອງໂຄວິດ-19​ ໂດຍໃຫ້ປະຕິບັດດັ່ງນີ້.​

    1. ສືບຕໍ່ປີດການເດີນທາງ ເຂົ້າ-ອອກ ແຂວງຄໍາມ່ວນ ເປັນເວລາ 14 ວັນ ນັບແຕ່ວັນທີ 12​ ຫາ 25 ຕຸລາ 2021. ຫ້າມບຸກຄົນ, ນິຕິບຸກຄົນ ຈາກແຂວງອື່ນທີ່ມີການຕິດເຊື້ອຢູ່ຊຸມຊົນ ເດີນທາງເຂົ້າມາແຂວງຄໍາມ່ວນ ໂດຍເດັດຂາດ; ຖ້າມີຄວາມຈໍາເປັນຕ້ອງໄດ້ຮັບອະນຸຍາດຈາກຄະນະສະເພາະກິດແຂວງຄໍາມ່ວນ, ມີໃບຢັ້ງຢືນການສັກຢາວັກຊິນຄົບໂດສ໌, ໃບຢັ້ງຢືນກວດຫາເຊື້ອພະຍາດໂຄວິດ-19 ທີ່ມີກໍານົດບໍ່ເກີນ 72 ຊົ່ວໂມງ ແລະ ໜັງສືຢັ້ງຢືນຈາກຄະນະສະເພາະກິດຕົ້ນທາງ.

    2.​ ຫ້າມບຸກຄົນ, ນິຕິບຸກຄົນ ພາຍໃນແຂວງຄໍາມ່ວນເດີນທາງໄປຕ່າງແຂວງ ຍົກເວັ້ນຜູ້ທີ່ໄດ້ຮັບການແຕ່ງຕັ້ງມອບໝາຍໄປເຮັດວຽກທາງລັດຖະການ ຫຼື ຜູ້ທີ່ໄດ້ຮັບອະນຸຍາດຈາກຄະນະພະກິດຂັ້ນແຂວງ.

    3.​ ຫ້າມລົດຂົນສົ່ງສິນຄ້າ, ລົດໂດຍສານ, ລົດສ່ວນບຸກຄົນ ທີ່ເດີນທາງຜ່ານແຂວງຄໍາມ່ວນ ໄປແຂວງອື່ນຈອດເອົາຄົນ ແລະ ສິນຄ້າ ຂື້ນ-ລົງ ໂດຍເດັດຂາດ. ຖ້າມີການລະເມີດໃຫ້ເຈົ້າໜ້າທີ່ ທີ່ກ່ຽວຂ້ອງປະຕິບັດມາດຕະການທາງກົດໝາຍຢ່າງເຂັ້ມງວດ ໂດຍບໍ່ມີກໍລະນີຍົກເວັ້ນໃດໆ.

    4.​ ຫ້າມບຸກຄົນໃນຄອບຄົວ, ຍາດພີ່ນ້ອງ, ໝູ່ເພື່ອນ ທີ່ໄດ້ສໍາພັດໃກ້ຊິດກັບຜູ້ຕິດເຊື້ອໂຄວິດ-19​ (C1) ແລະ ຜູ້ທີ່ຮູ້ວ່າຕົນເອງມີການສໍາພັດໃກ້ຊິດກັບ C1 ໃຫ້ກັກຕົນເອງຢູ່ເຮືອນ.

    5. ສຳລັບບ້ານສີແດງ ໃຫ້ປິດທຸກກິດຈະການ ແລະ ຫ້າງຮ້ານຕ່າງໆພາຍໃນບ້ານ, ຍົກເວັ້ນ: ຫ້ອງການບ້ານ, ປກສ ກຸ່ມບ້ານ, ສຸກສາລາ, ຮ້ານຂາຍຢາ, ຫ້າມບຸກຄົນອອກຈາກບ້ານ ຍົກເວັ້ນ: ພະນັກງານລັດ, ເຈົ້າໜ້າທີ່ ທີ່ໄດ້ຮັບການແຕ່ງຕັ້ງມອບໝາຍໄປວຽກທາງລັດຖະການ ແລະ ປະຊາຊົນໄປໂຮງໝໍ, ໄປຮັບວັກຊິນ, ເຈັບເປັນ, ມີຜູ້ເສຍຊີວິດ, ໄປກວດຫາເຊື້ອພະຍາດໂຄວິດ-19.

    6. ຫ້າມຈັດປະຊຸມ, ໂຮມຊຸມນຸມ, ກິດຈະກໍາທາງສາສະໜາ, ງານບຸນປະເພນີ, ງານດອງ, ງານລ້ຽງສ້າງສັນ ແລະ ຊຸມແຊວຕ່າງໆ ຢ່າງເດັດຂາດ; ກໍລະນີຈຳເປັນ ເຊັ່ນ: ການຄົບງັນ ງານສົບ, ສົ່ງສະການ ທີ່ບໍ່ ແມ່ນຜູ້ທີ່ເສຍຊີວິດຈາກພະຍາດໂຄວິດ-19 ແລະ ບໍ່ແມ່ນພະຍາດລະບົບຫາຍໃຈຮຸນແຮງກະທັນຫັນ ແມ່ນ ໃຫ້ເຮັດແບບກະທັດຮັດ.7. ໃຫ້ສືບຕໍ່ປິດຕະຫຼາດຫຼັກ 2, ຫຼັກ 3, ຕະຫຼາດເພັດມະນີ, ຕະຫຼາດນາໂບ, ຕະຫຼາດກາງຄືນ,​ ຮ້ານກິນດື່ມ, ໂຮງແຮມ, ບ້ານພັກ, ຮ້ານບັນເທິງ, ສວນນໍ້າ, ຮ້ານຄະຣາໂອເກະ, ຮ້ານອິນເຕີເນັດ​