ແຂວງບໍ່ແກ້ວ ປິດການເຂົ້າອອກເມືອງຫ້ວຍຊາຍ 14 ວັນ

    0
    72

    ຍ້ອນສະພາບການລະບາດ ຂອງພະຍາດ COVID-19 ຢູ່ ສປປ ລາວ, ໂດຍສະເພາະຢູ່ແຂວງບໍ່ແກ້ວ ຂອງພວກເຮົາໃນປະຈຸບັນ, ເຊິ່ງພວມມີການແຜ່ລະບາດອອກເປັນວົງກ້ວາງ ຢູ່ໃນຫຼາຍບ້ານ ແລະ ຫຼາຍເມືອງຢ່າງໄວວາແລະ ມີແນວໂນ້ມທີ່ຈະຕິດເຊື້ອເພີ່ມ, ເນື່ອງຈາກຍັງມີເຊື້ອພະຍາດທີ່ບົ່ມຊ້ອນຢູ່ໃນຊຸມຊົນ ແລະ ການເດີນທາງເຂົ້າ-ອອກ ເຂດທີ່ມີການລະບາດພະຍາດໂຄວິດ-19.

    ສະນັ້ນ, ເພື່ອຫຼຸດຜ່ອນຄວາມສ່ຽງຕໍ່ການຕິດເຊື້ອ, ທັງເປັນການຕ້ານ​ ແລະ ສະກັດກັ້ນການແຜ່ລະບາດ ຂອງພະຍາດດັ່ງກ່າວ ບໍ່ໃຫ້ມີການແຜ່ລາມອອກເປັນວົງກວ້າງ ຈົນຍາກທີ່ຈະຄວບຄຸມໄວ້ໄດ້, ໃນວັນທີ​ 25​ ຕຸລາ​ 2021​ ຄະນະສະເພາະກິດ​ ໄດ້ຍົກລະດັບມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດ COVID-19​ ດ້ວຍຄວາມເປັນເອກະພາບ ແລະ ມີປະສິດທິຜົນສູງຄື:

    1.​ ໃຫ້ປິດການເຂົ້າ-ອອກ ບັນດາບ້ານທີ່ມີການແຜ່ລະບາດ ຂອງເຊື້ອພະຍາດ COVID-19 ໃນແຕ່ລະເມືອງແລະ ປີດການເຂົ້າ-ອອກ ເທດສະບານ ເມືອງຫ້ວຍຊາຍ ພາຍໃນ 14 ວັນ ຢ່າງເຂັ້ມງວດ.2. ໃຫ້ປີດຕະຫຼາດສີດອນມີ, ຕະຫຼາດວັງວິວ, ຕະຫຼາດສາຍມະນີ, ຕະຫຼາດກາງຄືນ ບໍລີເວນຕະຝັ່ງເຈື່ອນ ຄຸ້ມມີໄຊສະຫວ່າງ ແລະ ແຫ່ງອື່ນໆ ທີ່ນອນໃນເຂດພື້ນທີ່ໆມີການລະບາດ ( ພື້ນທີ່ສີແດງ ) ພ້ອມມາດຕະການອື່ນໆ