ລິຊ່າ BLACKPINK ຕິດໂ ຄ ວ ິ ດ ສ່ວນສະມາຊິກໃນວົງອີກ 3 ຄົນຍັງພວມລໍຖ້າຜົນກວດ

    0
    37

    ວັນທີ 24 ພະຈິກ 2021 ນີ້, ທາງຄ້າຍເພງ YG Entertainment ໄດ້ລາຍງານວ່າ: ລາລິສາ ມະໂນບານ ຫລື ລິຊ່າ BLACKPINK ຕິດໂຄວິດ-19, ພາຍຫລັງຈາກພົບຜົນກວດຕິດເຊື້ອແລ້ວ ທາງຄ້າຍເພງ YG entertainment ກໍໃຫ້ສະມາຊິກໃນວົງ 3 ຄົນຄື: ຈີຊູ, ເຈນນີ່ ແລະ ໂຣເຊ ກວດແບບ PCR ທັນທີ ແລະ ກຳລັງລໍຖ້າຜົນກວດໃນຂະນະນີ້.

    ເຖິງແມ່ນວ່າທາງຄ້າຍເພງ YG ຈະໄດ້ແຈ້ງເພີ່ມເຕີມໃນຖະແຫລງການວ່າອີກ 3 ຄົນ ຂອງສະມາຊິກໃນວົງ ຈະບໍ່ໄດ້ຢູ່ໃນກຸ່ມຜູ້ສຳຜັດສ່ຽງສູງຂອງລິຊ່າໃນຂະນະນີ້, ແຕ່ທາງວົງຫາກໍລົງຮູບຮ່ວມກັນຄົບ 4 ຄົນ ຜ່ານInstagram story ເມື່ອວັນທີ 23 ພະຈິກນີ້ ເຊິ່ງກໍອາດເປັນໄປໄດ້ວ່າເປັນຮູບພາບເກົ່າທີ່ນຳມາລົງໃໝ່.

    ນອກຈາກນີ້, ໃນຖະແຫລງການຂອງ YG Entertainment ໄດ້ເຜີຍແຈ້ງຜູ້ກ່ຽວຂ້ອງ ແລະ ທີມງານຢ່າງໄວວາ ແລະ ຖີ່ຖ້ວນທີ່ສຸດເທົ່າທີ່ຈະເຮັດໄດ້ ແລະ ຈະໃຊ້ມາດຕະການປ້ອງກັນໂຄວິດ-19 ຢ່າງເຂັ້ມງວດທີ່ສຸດຕາມແນວທາງຂອງໜ່ວຍງານດ້ານສຸຂະພາບ ພ້ອມທັງຈະມອບການປິ່ນປົວທີ່ດີທີ່ສຸດໃຫ້ກັບສີລະປິນ ແລະ ທີມງານ ເພາະສຸຂະພາບຂອງພວກເຂົາເຈົ້າມີຄວາມສຳຄັນທີ່ສຸດ.