ໜ້າຊົມເຊີຍເອື້ອຍຄູ ຊ່ວຍເຫຼືອນັກຮຽນຍາກຈົນ

    0
    36

    ໜ້າຊົມເຊີຍເອື້ອຍຄູ ຊ່ວຍເຫຼືອນັກຮຽນຍາກຈົນ

    ໜ້າຊົມເຊີຍເອື້ອຍຄູ ນ້ອງໄອວີ່ ເດັກນ້ອຍຍາກຈົນບໍ່ມີໂທລະສັບຮຽນອອນລາຍ ຄູຊ່ວຍຫາໃຫ້ແຖມຊ່ວຍຄ່າເຊົ່າເຮືອນ ເປັນອີກໜຶ່ງເລື່ອງລາວໜ້າປະທັບໃຈສຳຫຼັບນັກຮຽນຍາກຈົນທີ່ບໍ່ມີໂທລະສັບ ແຕ່ຕ້ອງຮຽນອອນລາຍ ນາຍຄູປະຈຳຊັ້ນ ບໍ່ລໍຖ້າ ຮູ້ເລື່ອງຮີບເຂົ້າຕິດຕໍ່ຊ່ວຍເຫຼືອ ຫາໂທລະສັບ ຄອມພິວເຕີ ແຖມຊ່ວຍຈ່າຍຄ່າເຊົ່າເຮືອນ ຊ່ວຍເຫຼືອຄອບຄົວ ນັກຮຽນ ເຫັນແລ້ວໜ້າຊົມເຊີຍເອື້ອຍຄູ ແລະໜ້າດີໃຈແທນລູກສິດ ນ້ອງໄອວີ່ ນຳອີກດ້ວຍທີ່ໄດ້ມີຄູປະຈຳຊັ້ນດີໆ ແບບນີ້ ເລື່ອງລາວຂອງນ້ອງຈະເປັນແນວໃດໄປເບິ່ງກັນເລີຍ

    ເມື່ອບໍ່ດົນທີ່ຜ່ານມານີ້ ແຂວງພິດສະນຸໂລກ ປະເທດໄທ ໄດ້ອອກຄຳສັ່ງໃຫ້ປິດການຮຽນການສອນ ໂດຍໃຫ້ທຸກໂຮງຮຽນຮຽນອອນລາຍໄປ ແລະທີ່ຮູ້ກັນດີວ່າມີຫຼາຍຄອບຄົວທີ່ບໍ່ມີຄວາມພ້ອມດ້ານອຸປະກອນການຮຽນ ບໍ່ວ່າຈະເປັນຄອມພິວເຕີ ຫຼືແມ່ນແຕ່ໂທລະສັບມືຖື

    ນາງສາວທັດດາວ ລະອອງແກ້ວ ທີ່ເປັນຄູປະຈຳຫ້ອງ ໄດ້ອອກມາຍ້ຽມເຮືອນນັກຮຽນທີ່ຕົນເອງຜູ້ດູແລ ແລະໄດ້ພົບວ່າມີລູກສິດຄົນໜຶ່ງທີ່ທາງບ້ານມີບັນຫາເລື່ອງທຶນຮອນ ເຊິ່ງຊື່ວ່າ ນ້ອງໄອວີ່ ຫຼື ທ້າວຊານໄຊ ກຸນລະມາ ອາຍຸ 14 ປີ ທີ່ອາໄສຢູ່ກັບພໍ່ແມ່ໃນເຮືອນເຊົ່າ

    ນັບຕັ້ງແຕ່ທີ່ທາງແຂວງປະກາດໃຫ້ຢຸດຮຽນ ແລະຫັນໄປຮຽນອອນລາຍແທນ ນ້ອງໄອວີ່ ບໍ່ສາມາດຮຽນອອນລາຍຄືຫມູ່ເພື່ອນໄດ້ດົນແລ້ວ ເຊິ່ງຄູປະຈຳຊັ້ນກໍ່ຫາຮູ້ ເນື່ອງຈາກນັກຮຽນບໍ່ໄດ້ແຈ້ງຂໍ້ມູນໃຫ້ຊາບ

    ຫຼັງຈາກທີ່ຮູ້ເລື່ອງແລ້ວ ຄູປະຈຳຊັ້ນ ໄດ້ຮີບກັບເຮືອນແລະນຳໂນດບຸກຂອງຕົນເອງມາໃຫ້ຢືມໃຊ້ຊົ່ວຄາວ ຜ່ານໄປໜຶ່ງອາທິດກໍ່ໄດ້ກັບມາຍ້ຽມອີກ ເພື່ອຕິດຕາມຜົນການຮຽນ ແລະມອບເງິນໃຫ້ກັບຄອບຄົວນ້ອງໄອວີ່ອີກ 3.500 ບາດ ເພື່ອໃຫ້ຄອບຄົວໄດ້ນຳເງິນໄປຈ່າຍຄ່າເຊົ່າເຮືອນຄູໄດ້ບອກວ່າ ຮູ້ມາວ່າພໍ່ແມ່ຕົກງານ ແລະຄ້າງຄ່າເຊົ່າເຮືອນມາແລ້ວປະມານ 3 ເດືອນ ປະມານ 10.000 ບາດ ເຊິ່ງເຈົ້າຂອງເຮືອນແຈ້ງມາວ່າ ຫາກບໍ່ຍອມນຳເງິນມາຈ່າຍພາຍໃນ 3 ມື້ ກໍ່ໃຫ້ຍ້າຍອອກຈາກເຮືອນນີ້ໄປເລີຍ

    ນອກຈາກນີ້ ຄູຍັງຊ່ວຍຈັດການດ້ານເອກະສານ ເພື່ອຂໍທຶນຈາກກອງທຶນສະເໝີພາບໃຫ້ກັບນ້ອງໄອວີ່ ທີ່ຫາກຜ່ານການອະນຸມັດ ຈະໄດ້ຮັບທຶນຊ່ວຍເຫຼືອການສຶກສາເທີມລະ 2.000 ບາດຕໍ່ເນື່ອງໄປຈົນກ່ວາຈຳສຳເລັດການສຶກສາແມ່ຂອງນ້ອງໄດ້ບອກວ່າ ປົກກະຕິຕົນເອງເຮັດວຽກມີເງິນເດືອນ ເດືອນລະ 8.000 ບາດ ແລະສາມີໄດ້ຄ່າຈ້າງມື້ລະ 300 ບາດ ແຕ່ດ້ວຍສະຖານການໃນປັດຈຸບັນເຮັດໃຫ້ຕົກງານມາຫຼາຍເດືອນແລ້ວ ທີ່ຜ່ານມາ ລູກຊາຍບໍ່ໄດ້ຮຽນອອນລາຍຄືກັບຫມູ່ເພື່ອນຄົນອື່ນ ເພາະບໍ່ມີຄອມພິວເຕີແລະໂທລະສັບມືຖື