ໜ້າສົງສານ! ແມ່ຕູ້ໄວ 81ປີ ປ່ວຍໜັກເປັນເບົາຫວານ ຕ້ອງນໍ້າຕາແຕກ ຫຼັງລູກສາວຄີງໆລັກຂາຍດິນ ແຖມກໍ່ໜີ້ໃຫ້ອີກ

    0
    114

    ເອີ້ນວ່າເປັນອີກເລື່ອງທີ່ສ້າງຄວາມສະເທືອນໃຈໃຫ້ກັບຜູ້ທີ່ຮັບຮູ້ເລື່ອງນີ້ບໍ່ໜ້ອຍ ໂດຍເລື່ອງມີຢູ່ວ່າ ລູກສາວຫຼ້າ ລູກຄີງໆ ລັກນໍາເອົາໃບຕາດິນໄປແບ່ງຂາຍ ຜານເງິນກໍ່ໜີ້ໃຫ້ແມ່ ສຸດທ້າຍຖືກນາຍທຶນຍຶດຊັບຂາຍອອກຕະຫຼາດ ທັ້ງທີ່ຕອນນີ້ແມ່ຕູ້ປ່ວຍໜັກເປັນເບົາຫວານ ໝາກໄຂ່ຫຼັງຊຸດໂຊມ ທັ້ງຕ້ອງລ່ຽງລູກສາວພິການອີກ 2ຄົນ.

    ໂດຍເຫດການນີ້ແມ່ນເກີດຂຶ້ນທີ່ປະເທດໄທ ເກີດຂຶ້ນກັບແມ່ຕູ້ຫງຸ່ນ ອາຍຸ 81ປີ  ເພິ່ນໄດ້ເລົ່າໃຫ້ຮູ້ວ່າ: ດິນ 18ໄລ່ທີ່ຕົນມີ ແລະ ລູກສາວລັກຂາຍນັ້ນ ເປັນສົມບັດທີ່ຕົນ ແລະ ສາມີ ໄດ້ມາຈາກການຊື້ນໍາເພື່ອນບ້ານ ຖືເປັນສິນສົມລົດທີ່ຊ່ວຍກັນຫາມາດ້ວຍເຫື່ອແຮງ ໃຊ້ປູກເຂົ້າ ເປັນມໍລະດົກທີໃຊ້ທໍາມາຫາກິນລ້ຽງລູກ 6ຄົນຈົນເຕີບໃຫຍ່.

    ໂດຍກ່ອນສາມີເສຍຊີວິດ ໄດ້ນໍາໃບຕາດິນໄປຈໍານໍາເປັນທຶນເຮັດນາ ແລະ ລ້ຽງລູກ ຫຼັງຈາກສາມີເສຍຊີວິດ ຈຶ່ງຕິດຄ້າງຊໍາລະທັງເງິນຕົ້ນ ແລະ ດອກເບ້ຍກັບແຫຼ່ງເງິນທຶນ, ໂດຍລູກສາວຫຼ້າຂໍດປັນຜູ້ຈັດການມໍລະດົກ ໂດຍຫາເງິນໄປໄຖ່ຖອນຈາກແຫຼ່ງເງິນທຶນ ເຊິ່ງຕົນກໍ່ຍິນຍອມ ເນື່ອງຈາກອາຍຸຫຼາຍ ສຸຂະພາບບໍ່ຄ່ອຍດີ ຂະນະທີ່ລູກອີກ 5ຄົນກໍ່ເຫັນດີນໍາ.

    ດ້ວຍຄວາມຮັກ ແລະ ເຊື່ອໃຈໃຫ້ລູກສາວເປັນຜູ້ຈັດການມໍລະດົກ ບໍ່ຄິດວ່າລູກສາວຄົນນີ້ ຈະລັກໂອນຊື່ຕົນເອງ ແລະ ແບ່ງຂາຍ ຕົນຮ້ອງໄຫ້ທຸກມື້ ຈົນນໍ້າຕາຕົກໃນ ນອກຈາກນີ້ບາງສ່ວນຍັງນໍາໄປຂາຍຝາກກັບນາຍທຶນ. ອີກທັງລູກສາວຫຼ້າຄົນນີ້ມີພຶດຕິກໍາຫຼອກລວງ ໄປແຈ້ງຄວາມວ່າໃບຕາດິນບາງຕອນ ເຊັ່ນຕອນທີ່ແບ່ງມາປຸກສ້າງບ້ານນັ້ນຫາຍໄປ ແລະ ຂໍອອກໃບແທນນກັບສໍານັກງານທີ່ດິນ.

    ຂະນະທີ່ໃບຕາດິນສະບັບແທ້ນັ້ນ ຕົນເປັນຜູ້ໃຫ້ແມ່ເກັບໄວ້ ເມື່ອຮູ້ວ່າລູກສາວຫຼ້າໄປກໍ່ໜີ້ ແລະ ກໍາລັງຈະຂາຍທີ່ດິນຂອງຕົນຢູ່ ຈຶ່ງຂໍຄວາມຊ່ວຍເຫຼືອຈາກກເພື່ອນບ້ານ ໃຫ້ພາໄປຮ້ອງຂໍຄວາມເປັນທໍາ ກັບສໍານັກງານຍຸຕິທໍາ ຈັງຫວັດກາລະສິນ.

    ເຊິ່ງຕອນນີ້ພາກສ່ວນກ່ຽວຂ້ອງກໍ່ກໍາລັງໃຫ່້ການຊ່ວຍເຫຼືອແມ່ຕູ້ຢູ່.