ໂລກ້າເລີ່ມເລັ່ງຂະຫຍາຍຕູ້ສາກລົດໄຟຟ້າແບບສາກໄວ ສາກ 10ນາທີ ໄປໄດ້160ກມ ໃຫ້ສາມາດເດີນທາງຕັ້ງແຕ່ ວັງວຽງເຖິງປາກເຊ ໂດຍບໍ່ຕ້ອງຄ້າງຄືນ

    0
    149

    ໂລກ້າເລີ່ມເລັ່ງຂະຫຍາຍຕູ້ສາກລົດໄຟຟ້າແບບສາກໄວ ສາກ 10ນາທີ ໄປໄດ້160ກມ ໃຫ້ສາມາດເດີນທາງຕັ້ງແຕ່ ວັງວຽງເຖິງປາກເຊ ໂດຍບໍ່ຕ້ອງຄ້າງຄືນ !!!

    ໂລກ້າເລີ່ມເລັ່ງຕິດຕັ້ງຕູ້ສາກແບບໄວແລ້ວ ເຊິ່ງຕອນນີ້ແມ່ນໄດ້ເພີ່ມຈຸດສາກແລ້ວທີ່ໂຮງແຮມອິນທິຣາວັງວຽງ (ວັງວຽງ) ແລະ ທີ່ຮ້ານອາຫານ The Kao ໃກ້ກັບລາວໄອເຕັກ ໂດຍຈະເລີ່ມຕິດຕັ້ງຢ່າງຕໍ່ເນື່ອງໄລ່ລົງໄປຈົນເຖິງປາກເຊ ເຮັດໃຫ້ຜູ້ໃຊ້ລົດໄຟຟ້າສາມາດເດີນທາງໄດ້ແບບບໍ່ສະດຸດແນ່ນອນ.

    ຕູ້ສາກລົດໄຟຟ້ານັ້ນ ແມ່ນເປັນຕູ້ທີ່ມີກໍາລັງໄຟສູງເຖິງ 120 ກິໂລວັດ ທີ່ສາມາດສາກລົດໄຟຟ້າພຽງ 10 ນາທີ ກໍສາມາດເດີນທາງໄປຕໍ່ໄດ້ອີກ 160 ກິໂລແມັດ* ກຽມພ້ອມທຸກການເດີນທາງ. ຕູ້ສາກ
    ໂລກ້າຍັງມີທັງຫົວສາກແບບ GB/T ທີ່ຮອງຮັບລົດໄຟຟ້າຈາກປະເທດຈີນ ແລະ ຫົວສາກ CCS Type 2 ທີ່ຮອງຮັບລົດໄຟຟ້າຈາກຢູໂຣບ ລວມທັງລົດໄຟຟ້າໃນອາຊຽນອີກດ້ວຍ ເຊິ່ງກໍຫມັ້ນໃຈໄດ້ເລີຍ

    ວ່າ ຕູ້ສາກລົດໄຟຟ້າແບບໄວຈາກໂລກ້າ ສາມາດຮອງຮັບລົດໄຟຟ້າໃນສ່ວນໃຫຍ່ເກືອບທຸກຍີ່ຫໍ້ຢ່າງແນ່ນອນ. ໂດຍໃນຕອນນີ້, ໂລກ້າແມ່ນມີຈຸດຕູ້ສາກລົດໄຟຟ້າແລ້ວທັງຫມົດ 3 ຈຸດ ເຊິ່ງປະກອບມີຢູ່ທີ່: ໂຮງແຮມວຽງຈັນພລາຊາ ນະຄອນຫລວງວຽງຈັນ, ຮ້ານອາຫານ The Kao ນະຄອນຫລວງວຽງຈັນ,

    ໂຮງແຮມອິນທິຣາວັງວຽງ ແລະ ໂລກ້າເອງກໍເລີ່ມເລັ່ງໃນການຕິດຕັ້ງຈຸດຕູ້ສາກບ່ອນອື່ນໆຢ່າງເຕັມທີ່ ໂດຍຈະມີສະຖານີຕັ້ງແຕ່ ວັງວຽງ, ວຽງຈັນ, ປາກຊັນ, ທາງແບ່ງຫຼັກ 20, ທ່າແຂກ, ສະຫວັນນະເຂດ, ທາງແບ່ງນາປົ່ງ ໄປຈົນເຖິງ ປາກເຊ ເຊິ່ງຜູ້ໃຊ້ລົດໄຟຟ້າເອງກໍສະບາຍໃຈໄດ້ເລີຍວ່າ ຕໍ່ໄປນີ້ຈະສາມາດຂັບລົດລົງແຕ່ເຫນືອຮອດໃຕ້ໄດ້ແລ້ວແບບສະບາຍໃຈ ເພາະມີຕູ້ສາກລົດໄຟຟ້າແບບໄວຈາກໂລກ້າ.

    ໃນການໃຊ້ງານຕູ້ສາກໂລກ້ານັ້ນ ແມ່ນສາມາດໃຊ້ງານໄດ້ງ່າຍໆຜ່ານແອັບ Loca EV ເຊິ່ງຈະຮວບຮວມເອົາທຸກການໃຊ້ງານຕູ້ສາກໂລກ້າໄວ້ທີ່ແອັບດຽວ ບໍ່ວ່າຈະເປັນການສາກລົດ, ຈ່າຍຄ່າສາກລົດຜ່ານລະບົບບັດ Credit ຫຼື ຈະເປັນການເຕີມເງິນຜ່ານ BCEL ONE, ຈອງຕູ້ສາກລົດກ່ອນໄປຮອດ ລວມທັງເບິ່ງຈຸດພິກັດຕູ້ສາກໂລກ້າໄດ້ທຸກຕູ້ທົ່ວປະເທດລາວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.