ເຈົ້າໜ້າທີ່ຕຳຫຼວດຈະລາຈອນ ປກສ ແຂວງວຽງຈັນ ມອບລົດຈັກຄືນໃຫ້ເຈົ້າຂອງເດີມ

    0
    122

    ໃນວັນທີ 18 ສິງຫາ 2022 ຜານມານີ້ ເຈົ້າໜ້າທີ່ພະແນກຕຳຫຼວດຈະລາຈອນ ຫ້ອງຕຳຫຼວດ ປກສ ແຂວງວຽງຈັນ ໄດ້ມອບລົດຈັກຄືນເຈົ້າຂອງເດີມ ເຊິ່ງລົດຄັນດັ່ງກ່າວແມ່ນລົດຂອງທ່ານ ທອງໄມ ອາຊີບກຳມະກອນ ຢູ່ບ້ານໜອງທາເໜືອ ເມືອງຈັນທະບູລີ ນະຄອນຫຼວງວຽງຈັນ ຖືກຄົນບໍ່ດີລັກໄປໃນວັນທີ 15 ສິງຫາ 2018 ຜ່ານມາ.

    ໃນວັນວັນທີ 28 ທັນວາ 2021 ເຈົ້າໜ້າທີ່ຕໍາຫຼວດຈະລາຈອນ ປກສ ແຂວງວຽງຈັນ ໄດ້ລົງປະຈໍາປ້ອມບ້ານດົງ ເມືອງທຸລະຄົມ ແຂວງວຽງຈັນ ເພື່ອກວດກາການສັນຈອນ ໃນນັ້ນໄດ້ກວດລັດລົດໃຫຍ່ປະເພດກະບະ ຍີ້ຫໍ້ຮຸນໃດ ສີຂາວບໍ່ຕິດປ້າຍທະບຽນ ແມ່ນໄດ້ບັນທຸກລົດຈັກຍີ່ຫໍ້ ຮອນດ້າລຸ້ນ ເວບ 100 ສີແດງດໍາ ໜາຍເລກທະບຽນ ຈຈ 4404 ວຽງຈັນ ທີ່ຂັບຂີ່ມາຈາກ ແຂວງໄຊສົມບູນ ກໍງລັງມູ່ງໜ້າໄປນະຄອນຫຼວງວຽງຈັນ ເຊີ່ງຂັບຂີ່ໂດຍ ທ້າວ ວ່າຕູ້ຊົງ ປະຊາຊົນ ຢູ່ບ້ານພູປ່າມັນ ເມືອງລ້ອງຊານ ແຂວງໄຊສົມບູນ ຜ່ານການກວດກາເອກະສານລົດຈັກໃນເບື້ອງຕົ້ນ ແລະ ພົບເຫັນການລະເມີດລະບຽບຈະລາຈອນບໍ່ມີເອກະສານຢັ້ງຢືນລົດຄັນດັ່ງກ່າວ ເຈົ້າໜ້າທີ່ຕຳຫຼວດໄດ້ກວດເຊັກຂໍ້ມູນປ້າຍທະບຽນ ຈຈ 4404 ວຽງຈັນ ປະເພດລົດຈັກ, ສີປອນແດງ, ຍີ້ຫໍ້ ຟິກກອນ ອອກຊື່ ທ້າວ ອານຸສອນ ບ້ານພູປ່າມັນ ເມືອງຮົ່ມ ແຂວງວຽງຈັນ (ໃນເມື່ອກ່ອນ) ເຫັນວ່າຂໍ້ມູນບໍ່ຖືກຕ້ອງຈາກນັ້ນເຈົ້າໜ້າທີ່ຕໍາຫຼວກຈະລາຈອນ ຈື່ງໄດ້ກັກລົດຈັກຄັນດັ່ງກ່າວມາຮັກສາໄວ້ທີ່ກອງບັນຊາການ ປກສ ແຂວງວຽງຈັນ, ຜ່ານການກວດກາເລກຈັກ, ເລກຖັງລົດຄັນດັ່ງກ່າວ ແມ່ນອອກຊື່ ນາງ ດ່ອນແກ້ວ ຢູ່ບ້ານສະພານທອງ ເມືອງສີສັດຕະນາກ ນະຄອນຫຼວງວຽງຈັນ

    ທ້າວ ວ່າຕູ້ຊົງ ໄດ້ໃຫ້ການຕໍ່ເຈົ້າທີີ ວ່າ: ລົດຈັກຄັນກ່າວແມ່ນໄດ້ຊື້ນຳຄົນບໍ່ຊາບຊື່ຢູ່ເມືອງລ້ອງຊານ ແຂວງໄຊສົມບູນ ຊື້ໃນລາຄາ 5 ລ້ານກວ່າກີບ ບໍ່ມີເອກະສານ ສະນັ້ນຕົກມາ ວັນທີ 22 ກໍລະກົດ 2022 ຈື່ງຮູ້ວ່າລົດຈັກຄັນດັ່ງກ່າວແມ່ນລົດຂອງ ທ້າວ ທອງໄມ ບ້ານໜອງທາເໜືອ ເມືອງຈັນທະບູລີ ນະຄອນຫຼວງ ວຽງຈັນ ໄດ້ຊື້ນຳນາງ ດ່ອນແກ້ວ ຢູ່ບ້ານສະພານທອງ ເມືອງສີສັດຕະນາກ ນະຄອນຫຼວງວຽງຈັນ ໃນລາຄາ 13 ລ້ານກີບ,

    ສະນັ້ນມາໃນວັນທີ 18 ສິງຫາ 2022 ເຈົ້າໜ້າທີ່ພະແນກຕຳຫຼວດຈະລາຈອນ ປກສ ແຂວງວຽງຈັນ ຈຶ່ງໄດ້ນຳເອົາລົດຈັກຄັນດັ່ງກ່າວມາມອບຄືນໃຫ້ເຈົ້າຂອງເດີມ ຕາງໜ້າມອບລົດຈັກດັ່ງກ່າວໂດຍແມ່ນ ທ່ານ ພັທ ພູວັນນີ ຫຼິນວັນນະລາດ ຫົວໜ້າພະແນກຕໍາຫຼວດຈະລະຈອນ ຫ້ອງຕຳຫຼວດ ປກສ ແຂວງວຽງຈັນ ຕາງໜ້າຮັບໂດຍແມ່ນ ທ່ານ ທອງໄມ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມເປັນສັກຂີພະຍານ.

    ໂອກາດດຽວກັນນີ້ເຈົ້າຂອງຊັບກໍ່ໄດ້ສະແດງຄວາມຂອບອົກຂອບໃຈມາຍັງເຈົ້າໜ້າທີ່ ທີ່ໄດ້ເອົາໃຈໃສ່ປະຕິບັດໜ້າທີ່ວຽກງານຈົນສາມາດເກັບກູ້ລົດຈັກຄືນມາໄດ້ ແລະ ທ່ານ ພັທ ພູວັນນີ ຫຼິນວັນນະລາດ ຫົວໜ້າພະແນກຕໍາຫຼວດຈະລະຈອນ ຫ້ອງຕຳຫຼວດ ປກສ ແຂວງວຽງຈັນ ຍັງໄດ້ຮຽກຮ້ອງໃຫ້ເຈົ້າຂອງຊັບຈົ່ງເອົາໃຈໃສ່ໃນການປົກປັກຮັກສາວັດຖຸສິງຂອງທີ່ມີຄ່າໄວ້ໃຫ້ດີ ເພື່ອບໍ່ໃຫ້ຄົນບໍ່ດີສວຍໂອກາດລັກຊັບຂອງທ່ານ ພ້ອມນັ້ນຍັງໄດ້ຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າຈົ່ງຊ່ວຍກັນເປັນຫູເປັນຕາຊ່ວຍເຈົ້າໜ້າທີ່ ແລະ ບໍ່ຄວນຊື້-ຂາຍລົດຈັກທີ່ບໍ່ມີເອກະສານຄົບຖ້ວນຢ່າງເດັດຂາດ.

    ຂ່າວ ປກສ ແຂວງວຽງຈັນ: ຈັນດາລາ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.