ເຈົ້າໜ້າທີ່ ປກສ ເມືອງນາຊາຍທອງ ສຸມໃສ່ແກ້ໄຂປະກົດການຫຍໍ້ທໍ້

    0
    113

    ໃນໄລຍະ 6 ເດືອນຕົ້ນປີ 2022, ເຈົ້າໜ້າທີ່ກອງບັນຊາຍການ ປກສ ເມືອງນາຊາທອງ ນະຄອນຫຼວງວຽງຈັນ ໄດ້ສຸມໃສ່ແກ້ໄຂບັນດາປະກົດການຫຍໍ້ທໍ້ທີ່ເກີດຂຶ້ນຢ່າງຕັ້ງໜ້າ ແລະ ເຂັ້ມງວດໂດຍສະເພາະແມ່ນສຸມໃສ່ປະຕິບັດຕາມ 4 ແຜນງານ 24 ໂຄງການ ເພື່ອພ້ອມກັນສະກັດກັ້ນ ແລະ ເລີກຮື້ບັນ ຫາດັ່ງກ່າວໃຫ້ນັບມື້ຫຼຸດໜ້ອຍຖອຍລົງຕາມລະດັບຄາດໝາຍ ເຊິ່ງຜ່ານການຈັດຕັ້ງປະຕິບັດ ສາມາດແກ້ຄະດີໄດ້ເຖິງ 64 ເລື່ອງ ຈາກຄະດີທີ່ເກີດຂຶ້ນທັງໝົດ 80 ກວ່າເລື່ອງ.

    ພັທ ບຸນສົງ ມຸນຕີ ຮອງຫົວໜ້າກອງບັນຊາການ ປກສ ເມືອງນາຊາຍທອງ ກ່າວໃນກອງປະຊຸມສະຫຼຸບວຽກງານປ້ອງກັນຄວາມສະຫງົບຮອບດ້ານ ປະຈໍາ 6 ເດືອນ ຕົ້ນປີ 2022 ແລະ ທິດທາງແຜນການ 6 ເດືອນທ້າຍປີ 2022 ໃນວັນທີ 22 ສິງຫາ ວ່າ: ໃນໄລຍະ 6 ເດືອນຕົ້ນປີຜ່ານມາ, ທົ່ວເມືອງ ນາຊາຍທອງ ມີສະພາບປະກົດການຫຍໍ້ທໍ້ເກີດຂຶ້ນທັງໝົດ 86 ເລື່ອງ.

    ໃນນັ້ນ, ສາມາດແກ້ໄຂສໍາເລັດ 64 ເລື່ອງ ແລະ ກັກຕົວຜູ້ຖືກຫາມາດໍາເນີນຄະດີໄດ້ 139 ຄົນ ຍິງ 61 ຄົນ ສະແດງອອກຄື: ຄະດີລັກຊັບຈໍານວນ 26 ເລື່ອງ, ຄ້າຂາຍປະເວນີ 11 ເລື່ອງ, ທໍາຮ້າຍຮ່າງກາຍ 9 ເລື່ອງ, ສໍ້ໂກງຊັບ 6 ເລື່ອງ, ທໍາມິດສະຈານ 4 ເລື່ອງ, ຊື້-ຂາຍຊັບ ຜິດກົດໝາຍ 2 ເລື່ອງ, ຂົ່ມຂື່ນທໍາ ຊໍາເລົາ 1 ເລື່ອງ, ຫຼົບໜີຈາກການໃຊ້ ທົດແທນໜີ້ສິນ 1 ເລື່ອງ, ສ້າງ ຄວາມເສຍຫາຍ-ເຜີຍແຜ່ສິ່ງລາ ມົກໃນຊື່ອອນລາຍ 2 ເລື່ອງ, ການ ບັງຄັບເອົາຊັບ 1 ເລື່ອງ ແລະ ນັກເລງອັນຕະພານອີກ 1 ເລື່ອງ; ໃນນັ້ນ, ໄດ້ສ້າງຄວາມເສຍຫາຍໃຫ້ ແກ່ຊັບສິນຂອງລັດ, ຂອງລວມໝູ່ ແລະ ຂອງພົນລະເມືອງ ສະເລ່ຍ ມູນຄ່າເປັນເງິນ 670.000.000 ກີບ, ຄຳ 13 ບາດ, ລົດຈັກ 46 ຄັນ, ລົດໃຫຍ່ 2 ຄັນ, ໂທລະສັບ ມືຖື 6 ໜ່ວຍ, ງົວ 2 ໂຕ,ແຜ່ນເຫຼັກ ກັ້ນທາງດ່ວນ 25 ແຜ່ນ,ໂທລະ ທັດ 1 ໜ່ວຍ, ໝໍ້ໄຟລົດໃຫຍ່ 4 ໜ່ວຍ, ເຫຼັກປະຕູຮົ້ວ 2 ແຜ່ນ ແລະ ເຄື່ອງອື່ນໆຈໍານວນໜຶ່ງ ພ້ອມນັ້ນ, ຍັງສົ່ງຜົນໃຫ້ມີຜູ້ເສຍຊີວິດອີກ 1 ຄົນ ແລະ ຈາກເຫດການທີ່ເກີດຂຶ້ນ ເຈົ້າໜ້າທີ່ສາມາດເກັບກູ້ເຄື່ອງ ຂອງກາງໄດ້ມີຄື: ລົດຈັກ 6 ຄັນ, ເງິນກີບ 500.000.000 ກີບ ແລະ ຄຳ 11 ບາດ.

    ສໍາລັບວຽກງານແກ້ໄຂບັນຫາຢາເສບຕິດໃນ 6 ເດືອນຜ່ານມາ ແມ່ນສາມາດແກ້ໄຂໄດ້ 64 ເລື່ອງ ແລະ ກັກຕົວມາດຳເນີນຄະດີໄດ້ 142 ຄົນ ຍິງ 19 ຄົນ;ໃນນັ້ນ, ເປັນ ການຄ້າ-ຂາຍຢາເສບຕິດ ຈໍານວນ 37 ເລື່ອງມີຜູ້ຖືກຫາ 74 ຄົນ ຍິງ 13 ຄົນ ແລະເປັນການຄອບຄອງ ຢາເສບຕິດ ຈໍານວນ 27 ເລື່ອງມີຜູ້ ຖືກຫາ 68 ຄົນ ຍິງ 6 ຄົນ; ຢຶດ ຂອງກາງປະເພດຢາບ້າໄດ້ທັງໝົດ 1.041.095 ເມັດ ແລະ ລົດໃຫຍ່ 1 ຄັນ. ນອກນັ້ນ, ເຈົ້າໜ້າທີ່ວິຊາສະ ເພາະ ປກສ ເມືອງນາຊາຍທອງ ຍັງ ໄດ້ນໍາກໍາລັງເຂົ້າແກ້ໄຂຈຸດມົ້ວສຸມຈໍານວນ 8 ຄັ້ງ ແລະ ກັກຕົວມາ ສຶກສາອົບຮົມ-ດໍາເນີນຄະດີ ໄດ້ 64 ຄົນ ຍິງ 4 ຄົນ.

    ກອງປະຊຸມດັ່ງກ່າວ, ໂດຍ ການເຂົ້າຮ່ວມເປັນປະທານຂອງ ທ່ານ ວຽງຄໍາ ສີຫາໂຄດ ເຈົ້າເມືອງ ນາຊາຍທອງ, ມີ ພັອ ພິມມະສອນ ທໍາມະວົງ ຮອງຫົວໜ້າກອງບັນ ຊາການ ປກສ ນວ ແລະ ພັທ ກົງ ຄະນະລັງສຸກ ຫົວໜ້າກອງບັນ ຊາການ ປກສ ເມືອງນາຊາຍທອງ ພ້ອມດ້ວຍພະນັກງານ-ນັກຮົບ ແລະ ແຂກຮັບເຊີນເຂົ້າຮ່ວມ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.