ສປປ ລາວ ໄດ້ເປັນເຈົ້າພາບຈັດກອງປະຊຸມເຈົ້າໜ້າທີ່ອາວຸໂສແອັກແມັກ

    0
    98

    ສປປ ລາວ ໄດ້ເປັນເຈົ້າພາບຈັດກອງປະຊຸມເຈົ້າໜ້າທີ່ອາວຸໂສແອັກແມັກ

    ໃນວັນທີ 25 ສິງຫາ 2022, ທີ່ ໂຮງແຮມ ຄຣາວ ພາຊ້າ, ນະຄອນຫຼວງວຽງຈັນ.ໃນວັນທີ 25 ສິງຫາ 2022, ທີ່ ໂຮງແຮມ ຄຣາວ ພາຊ້າ, ນະຄອນຫຼວງວຽງຈັນ, ສປປ ລາວ ໄດ້ເປັນເຈົ້າພາບຈັດກອງປະຊຸມເຈົ້າໜ້າທີ່ອາວຸໂສ ຂອບຍຸດທະ ສາດການຮ່ວມມືດ້ານເສດຖະກິດ ແມ່ນໍ້າອິຣະວະດີ-ແມ່ນໍ້າເຈົ້າພະຍາ-ແມ່ນໍ້າຂອງ (ACMECS) ໂດຍການເປັນປະທານ ຂອງ ທ່ານ ກິ່ງໂພແກ້ວ ພົມ

    ມະຫາໄຊ, ຫົວໜ້າກົມເສດຖະກິດ, ກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສແອັກແມັກ ຂອງ ສປປ ລາວ, ໂດຍມີເຈົ້າໜ້າທີ່ອາວຸໂສຈາກ ກໍາປູເຈຍ, ມຽນມາ, ໄທ, ສສ.ຫວຽດນາມ ແລະ ຄະນະຕິດຕາມເຂົ້າຮ່ວມຢ່າງພ້ອມພຽງ.

    ກອງປະຊຸມເຈົ້າໜ້າທີ່ອາວຸໂສແອັກແມັກຄັ້ງນີ້ໄດ້ທົບທວນຄືນຜົນການຈັດຕັ້ງປະຕິບັດກອງປະຊຸມຄັ້ງກ່ອນ ແລະ ໄດ້ປຶກສາຫາລືການສ້າງຕັ້ງກອງທຶນພັດ ທະນາແອັກແມັກ, ການສ້າງຕັ້ງກອງເລຂາແອັກແມັກຊົ່ວຄາວ, ການກະກຽມກອງປະຊຸມລະຫວ່າງແອັກແມັກ ແລະ ຄູ່ຮ່ວມພັດທະນາ (ຍີ່ປຸ່ນ, ສ. ເກົາຫຼີ, ສປ.ຈີນ, ອົດສະຕາລີ, ອິນເດຍ ແລະ ອາເມລິກາ), ການທົບທວນຄືນການຈັດຕັ້ງ

    ປະຕິບັດແຜນແມ່ບົດ ACMECS (2019-2023) ແລະ ກະກຽມແຜນປະຕິບັດງານໃໝ່ ແລະ ການກະກຽມໃຫ້ກອງປະຊຸມສຸດຍອດແອັກແມັກ ຄັ້ງທີ 10 ທີ່ ສປປ ລາວຈະເປັນເຈົ້າພາບໃນທ້າຍປີ 2022 ທີ່ ນະຄອນຫຼວງວຽງຈັນ, ໂດຍສະເພາະແມ່ນການກະກຽມທາງດ້ານເນື້ອໃນເຊັ່ນ: ຮ່າງຖະແຫຼງການວຽງຈັນ, ການກໍານົດມື້ຈັດກອງປະຊຸມ ແລະ ການກະກຽມດ້ານພະລາທິການຕ່າງໆ ເພື່ອຮັບປະກັນໃຫ້ການນໍາຂັ້ນສູງຂອງປະເທດສະມາຊິກແອັກແມັກເຂົ້າຮ່ວມໄດ້ທຸກປະເທດ.

    ກອງປະຊຸມຄັ້ງນີ້ໄດ້ດໍາເນີນໄປບົນພື້ນຖານໄມຕີຈິດມີດຕະພາບ ແລະ ສາມາດບັນລຸຕາມຈຸດປະສົງເປົ້າ ໝາຍທີ່ວາງໄວ້ ແນ່ໃສ່ການກະກຽມໃຫ້ແກ່ການເປັນເຈົ້າພາບຈັດກອງປະຊຸມສຸດຍອດແອັກແມັກຄັ້ງທີ 10 ພາຍໃຕ້ການເປັນປະທານຂອງ ສປປ ລາວ ໃນທ້າຍປີ 2022 ປະສົບຜົນສໍາເລັດອັນຈົບງາມ.
    ຂ່າວ;ພາບ: ກົມການຂ່າວ ກະຊວງການຕ່າງປະເທດ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.