ລາວ-ຈີນ ເຊັນບົດບັນທຶກຮ່ວມມືສ້າງໂຄງການ ໜຶ່ງທາງ ສອງເຂດ

    0
    113

    ຂປລ. ໃນວັນທີ 26 ສິງຫາ 2022 ນີ້, ໄດ້ມີພິທີເຊັນບົດບັນທຶກຄວາມເຂົ້າໃຈ ວ່າດ້ວຍການຮ່ວມມືສ້າງໂຄງການ “ໜຶ່ງທາງ ສອງເຂດ” ລະຫວ່າງ ກະຊວງກະສິກຳ ແລະ ປ່າໄມ້ ແຫ່ງ ສປປ ລາວ ແລະ ອົງການປົກຄອງປະຊາຊົນ ແຂວງຫູໜານ ສປ ຈີນ ຜ່ານລະບົບທາງໄກ ໂດຍມີພາກສ່ວນກ່ຽວຂ້ອງ ຂອງທັງສອງຝ່າຍ ເຂົ້າຮ່ວມເປັນສັກຂີພິຍານ ແບບເຊິ່ງໜ້າ ແລະ ແບບທາງໄກ.

    ໂຄງການ “ໜຶ່ງທາງ ສອງເຂດ” ມີເປົ້າໝາຍເພື່ອປະກອບສ່ວນສົ່ງເສີມການຄ້າ ແລະ ຜະລິດຕະພັນສິນຄ້າທີ່ມີຄຸນນະພາບສູງ ເຊິ່ງ “ໜຶ່ງທາງ” ໝາຍເຖິງການນໍາໃຊ້ເສັ້ນທາງລົດໄຟ ລາວ-ຈີນ ໃຫ້ມີປະສິດທິຜົນສູງ ແລະ “ສອງເຂດ” ໝາຍເຖິງການສ້າງເຂດພັດທະນາອຸດສາຫະກໍາ-ກະສິກຳທັນສະໄໝ ຢູ່ນະຄອນຫລວງວຽງຈັນ ຂອງ ສປປ ລາວ ແລະ ເຂດພັດທະນາເສດຖະກິດຈິນເຊຍ ນະຄອນຊາງຊາ ແຂວງຫູໜານ.

    ໂດຍສອງຝ່າຍ ເຫັນດີເປັນເອກະພາບກັນຖືເອົາ “ສອງເຂດ” ເປັນຈຸດສູນກາງ ຮ່ວມກັນສ້າງເວທີການຮ່ວມມືລະຫວ່າງສອງຊາດ ໃນດ້ານການບໍລິການທາງດ້ານການຄ້າ, ການຂົນສົ່ງ ແລະ ການເງິນ ທີ່ພົວພັນກັບວຽກງານການຜະລິດກະສິກຳ ແລະ ປຸງແຕ່ງກະສິກຳ ໂດຍອີງໃສ່ແລວທາງເສດຖະກິດລາວ-ຈີນ ແລະ ເສັ້ນທາງລົດໄຟລາວ-ຈີນ.

    ໃນນັ້ນ ທັງສອງກໍ່ຮ່ວມກັນຊຸກຍູ້ຄື:

    1.ເພີ່ມທະວີການພົວພັນປະສານງານດ້ານນະໂຍບາຍ ແລະ ຊຸກຍູ້ການເຂົ້າສູ່ລະບຽບການ, 2.ເພີ່ມທະວີການຮ່ວມມືຄົ້ນຄວ້າວິທະຍາສາດ ແລະ ຊຸກຍູ້ການຫັນເປັນກະສິກຳທັນສະໄໝ, 3.ເພີ່ມທະວີການຮ່ວມມືເພື່ອຫລຸດຜ່ອນຄວາມທຸກຍາກ ແລະ ຊຸກຍູ້ການພັດທະນາຊົນນະບົດ,

    4.ປັບປຸງສະພາບແວດລ້ອມໃນການລົງທຶນດ້ານກະສິກຳ ແລະ ຂະຫຍາຍການລົງທຶນ ຢ່າງມີປະສິດທິຜົນ, 5.ພ້ອມທັງສ້າງກົນໄກຮ່ວມມື ແລະ ອື່ນໆ.ໃນໂອກາດດຽວກັນ, ອົງການປົກຄອງປະຊາຊົນ ແຂວງ ຫູໜານ ສປ ຈີນ ຍັງໄດ້ ມອບເຄື່ອງກົນຈັກກະສິກຳໃຫ້ ກະຊວງກະສິກຳ ແລະ ປ່າໄມ້ ແຫ່ງ ສປປ ລາວ ຕື່ມອີກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.