ເມືອງນ້ຳບາກ ແຂວງຫລວງພະບາງ ໄດ້ຮັບຜົນກະທົບຈາກນໍ້າບາກໄຫລຊຸ

    0
    101

    ເມືອງນ້ຳບາກ ແຂວງຫລວງພະບາງ ໄດ້ຮັບຜົນກະທົບຈາກນໍ້າບາກໄຫລຊຸ

    ຂປລ. ແຫລ່ງຂ່າວຈາກ ແຂວງຫລວງພະບາງ ໃຫ້ຮູ້ວ່າ: ໃນວັນທີ 26 ສິງຫາ 2022 ເກີດມີຝົນຕົກລິນຫລາຍຊົ່ວໂມງຕິດຕໍ່ກັນ ເຮັດໃຫ້ນ້ຳບາກ ໄຫລຊຸ ແລະ ລົ້ນຝັງ ໄຫລເຂົ້າຖ້ວມເຮືອນ, ພື້ນທີ່ທຳການຜະລິດຂອງປະຊາຊົນເສຍຫາຍຫລາຍສົມຄວນ.

    ມາໃນຕອນເຂົ້າວັນທີ 27 ສິງຫາ 2022 ນີ້, ການນໍາຂອງເມືອງນໍ້າບາກ ແລະ ຂະແໜງການກ່ຽວຂ້ອງໄດ້ລົງສຳຫລວດ, ປະເມີນຄວາມເສຍຫາຍເບື້ອງຕົ້ນ, ພົບເຫັນຜົນກະທົບມີ ດິນເຈື່ອນຢູ່ທາງເລກ 13 ເໜືອ ເຂດບ້ານຊົ່ງຈ່າ, ຂົວອູ່ຂ້າມນ້ຳບາກ ລະຫວ່າງບ້ານຟ້າຫາບ້ານໂຄ້ງ ເສຍຫາຍຢ່າງໜັກ ບໍ່ສາມາດປະເມີນມູນຄ່າໄດ້, ຂົວອູ່ຂ້າມນ້ຳ ຢູ່ຈຸດບ້ານແກ້ງເໝັ້ນ ເສຍຫາຍໜັກສົມຄວນ,

    ຂົວຂ້າມນ້ຳຂັນ ລະຫວ່າງ ບ້ານຂັ້ນລຸ່ມ ຫາບ້ານມົກກົກ ມີ 4 ຈຸດ ທີ່ມີການກໍ່ສ້າງໃໝ່, ທັງສອງສົ້ນຂອງຂົວຖືກຕັດຂາດບໍ່ສາມາດໄປມາໄດ້, ມີເນື້ອທີ່ນາຂອງປະຊາຊົນໄດ້ຮັບຜົນເສຍຫາຍ ປະມານ 25 ເຮັກຕາ, ສວນຜັກເສຍຫາຍ ປະມານ 17 ເຮັກຕາ, ສວນໝາກກກ້ຽງເສຍຫາຍ ປະມານ 100 ເຮັດຕາ, ສັດປີກ 2.000 ກວ່າໂຕ, ໜອງປາ 15 ໜອງ ປາເສຍປະມານ 45.000 ກວ່າ

    ໂຕ, ເຮືອນຂອງປະຊາຊົນ ໄດ້ຮັບຜົນກະທົບ ຈຳນວນ 3 ບ້ານ, ມີປະມານ 60 ຄອບຄົວ ໄດ້ຮັບຄວາມເສຍຫາຍເລັກນ້ອຍ. ສ່ວນລາຍລະອຽດມູນຄ່າຂອງການເສຍຫາຍທັງໝົດ ຍັງບໍ່ສາມາດປະເມີນໄດ້ເທື່ອ.ໂອກາດນີ້, ອົງການປົກຄອງເມືອງ ກໍໄດ້ນຳເອົານ້ຳດື່ມ ແລະ ອາຫານແຫ້ງ ຈຳນວນໜຶ່ງ ມອບໃຫ້ອົງການປົກຄອງບ້ານ ເພື່ອແຈກຢາຍໃຫ້ຄອບຄົວຂອງປະຊາຊົນທີ່ໄດ້ຮັບຜົນກະທົບ ໃນເບື້ອງຕົ້ນ ແລະ ຈະສືບຕໍ່ໃຫ້ການຊ່ວຍເຫລືອອີກໃນຕໍ່ໜ້າ.

    ຂ່າວ: ພອນສັກ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.