ຈັບໄດ້ແລ້ວ 2 ຄົນ ເຄື່ອນໄຫວລັກລົດຈັກ ຢູ່ແຂວງຫຼວງນ້ຳທາ ແລະ ແຂວງອູດົມໄຊ

    0
    103

    ຫ້ອງການ ປກສ ກຸ່ມບ້ານນາເຕີຍ ເມືອງ ແລະ ແຂວງຫຼວງນ້ຳທາ ສາມາດຈັບຕົວເປົ້າໝາຍລັກຊັບພົນລະເມືອງ ໄດ້ 2 ຄົນ, ເຄື່ອນໄຫວລັກລົດຈັກຢູ່ຫຼາຍບ້ານຂອງເມືອງ ແລະ ແຂວງຫຼວງນ້ຳທາ ແລະ ເມືອງນາໝໍ້ ແຂວງອຸດົມໄຊ ໃນຕົ້ນເດືອນກໍລະກົດຜ່ານມານີ້.

    ຜູ້ຖືກຫາທັງ 2 ຊື່ ທ້າວ ບຸນສິງ ອາຍຸ 23 ປີ ຢູ່ບ້ານບວມພຽງ ເມືອງ ແລະ ແຂວງຫຼວງນ້ຳທາ ແລະ ທ້າວ ຮຽງ ອາຍຸ 40 ປີ ຢູ່ບ້ານນາໝໍ້ໃຕ້ ເມືອງນາໝໍ້ ແຂວງອຸດົມໄຊ ພ້ອມຂອງກາງລົດຈັກ 1 ຄັນ.

    ຜ່ານການສອບສວນ ທັງສອງຮັບສາລະພາບວ່າ: ຜ່ານມາໄດ້ເຄື່ອນໄຫວລັກຊັບພົນລະເມືອງປະເພດລົດຈັກມາແລ້ວຫຼາຍຄັ້ງ. ໃນນັ້ນ, ໄດ້ລັກຢູ່ເຂດບ້ານຫ້ວຍຊ່າງ ເມືອງນາໝໍ້ ແຂວງອຸດົມໄຊ, ເຂດບ້ານຕາວານ, ບ້ານຈະເລີນສຸກ, ບ້ານນ້ຳແດງກາງ, ໂຮງງານຢາສູບເຂດບ້ານບໍ່ປຽດ ເມືອງ ແລະ ແຂວງຫຼວງນ້ຳທາ. ພາຍຫຼັງລັກໄດ້ແລ້ວກໍນຳໄປເລາະຂາຍໃຫ້ບັນດາຮ້ານສ້ອມແປງລົດ ແລະ ຄົນທີ່ຮູ້ຈັກ ໄດ້ເງິນມາກໍນຳໄປໃຊ້ຈ່າຍຫຼິ້ນກິນຟຸມເຟືອຍຈົນໝົດ.

    ຄະດີດັ່ງກ່າວນີ້, ເຈົ້າໜ້າທີ່ຕຳຫຼວດ ປກສ ເມືອງຫຼວງນ້ຳທາ ສາມາດເກັບກູ້ລົດຈັກທີ່ ທ້າວ ບຸນສິງ ແລະ ທ້າວ ຮຽງ ລັກໄປຂາຍນັ້ນໄດ້ຄືນ ທັງໝົດ 6 ຄັນ.

    ປັດຈຸບັນ, ເຈົ້າໜ້າທີ່ກໍາລັງເລັ່ງຕິດຕາມຈັບຜູ້ທີ່ຖືກຊັດທອດທີ່ຮ່ວມຂະບວນການດຽວກັນ ມາດຳເນີນຄະດີຕາມກົດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.