ລະວັງ ຊາຍໃສ່ຊຸດຄືເຈົ້າໜ້າທີ່ຕຳຫຼວດ ບຸກເຂົ້າເຮືອນປະຊາຊົນ ພ້ອມຂູ່ຫວັງເອົາຊັບສິນ

    0
    88

    ເກີດເຫດ! ມີບຸກຄົນໃສ່ຊຸດຄືເຈົ້າໜ້າທີ່ຕຳຫຼວດ ບຸກດ່ຽວເຂົ້າເຮືອນປະຊາຊົນ ພ້ອມນາບຂູ່ຫວັງເອົາຊັບສິນ

    ວັນທີ 29 ສິງຫາ 2022 ນີ້ ມີຜູ້ໃຊ້ເຟສບຸກທ່ານໜຶ່ງ ຢູ່ບ້ານສຸນນັນທາ ນະຄອນໄກສອນພົມວິຫານ ແຂວງສະຫວັນນະເຂດ ໂພສເຖິງເຫດການຊາຍນຸ່ງຊຸດຄ້າຍຄືຕຳຫລວດບຸກດ່ຽວເຂົ້າເຮືອນ ແລ້ວໄປນາບຂູ່ເອົາລົດ ແຕ່ບໍ່ສຳເລັດ ໂດຍຜູ້ຢູ່ໃນເຫດການເລົ່າວ່າ: ໃນເວລາ 7:15 ນາທີ ຂອງວັນ ອາທິດ ທີ 28 /8/2022 ບຸກຄົນດັ່ງກ່າວໄດ້ຍ່າງເຂົ້າມາທີ່ເຮືອນຂອງຂ້ອຍ ເບື້ອງຕົ້ນລາວຍົກມືນົບ

    ສະບາຍດີ ນຳແມ່ເຖົ້າຂ້ອຍທີ່ກຳລັງປັດໃບໄມ້ຢູ່ຫນ້າບ້ານແລ້ວເວົ້າ “ສະບາຍດີ ຂ້ອຍເປັນເຈົ້າໜ້າທີ່ຕຳຫລວດ ເພິ່ນໃຫ້ຂ້ອຍມາເອົາລົດ (ລົດໃຫຍ່)ໃຫ້ໄປເອົາກຸນແຈມາໃຫ້ແນ່ ແມ່ເຖົ້າຕອບວ່າ ເພິ່ນຍັງບໍ່ລົງມາແຕ່ເທິງເຮືອນ ແຕ່ລາວກະຍັງຈັ້ນຈໍ້ໃຫ້ໄປເອົາມາໃຫ້, ແມ່ເຖົ້າເລີຍບອກໃຫ້ລາວໂທເວົ້ານຳເພິ່ນເອງເຈົ້າມີເບີໂທເພິ່ນບໍ ລາວບໍ່ຕອບ ພ້ອມທັງຍ່າງໄປດຶງປະຕູລົດໃຫຍ່ ແລ້ວຍ່າງມາຈຶ້ງຕາໃສ່

    ແມ່ເຖົ້າ, ແມ່ເຖ້າກໍເລີຍຄິດວ່າມັນບໍ່ແມ່ນຄົນດີແລ້ວ ລາວເລີຍຍ່າງເຂົ້າປະຕູຂ້າງເຮືອນແລ້ວໃສ່ກອນ ບຸກຄົນດັ່ງກ່າວຍັງຍ່າງມານຳແລ້ວດຶງປະຕູ ແລະ ຍ່າງຂ້າມທາງໄປມາພ້ອມທັງໄປດຶງປະຕູລົດແລ້ວ

    ກັບມາດຶງປະຕູຂ້າເຮືອນມັນຢາກຮ້າຍຢູ່ຫັ້ນປະມານເກືອບເຄິ່ງຊົ່ວໂມງແລ້ວຍ່າງຂ້າມໄປອີກຟາກທາງກົງກັນຂ້າມກັບເຮືອນຂ້ອຍ ຖ້າແມ່ເຖົ້າບໍ່ມີສະຕິແມ່ນລົດຂອງຂ້ອຍມັນຕ້ອງໄດ້ໄປແນ່ນອນ”
    ພ້ອມນີ້ ຜູ້ໂພສໄດ້ອອກມາເຕືອນສະຕິທຸກຄົນວ່າ ຫາກພົບເຫດການດັ່ງກ່າວນີ້ ແມ່ນໃຫ້ມີສະຕິ ບໍ່ໃຫ້ເຊື່ອໂດຍເດັດຂາດ.

    ຢ່າງໃດກໍຕາມເລື່ອງນີ້ຍັງບໍ່ມີຂໍ້ມູນລະອຽດວ່າເປັນບຸກຄົນນທີ່ແອບອ້າງ ຫລື ແມ່ນແທ້ແຕ່ຢ່າງໃດ ແຕ່ທຸກຄົນກໍຄວນມີສະຕິ.ປັດຈຸບັນ, ນັກຂ່າວພວກເຮົາພວມປະສານຫາເຈົ້າໜ້າທີ່ກ່ຽວຂ້ອງຂອງແຂວງຢູ່ ຫາກມີຄວາມຄືບໜ້າແນວໃດຈະມາລາຍງານໃຫ້ໄດ້ຮັບຊາບຕື່ມ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.