ລັດແຈ້ງໃຫ້ ບໍລິສັດສຳປະທານ ຂົວນໍ້າງື່ມຈຸດເມືອງເກົ່າ-ປາກກະຍຸງ ເກັບຄ່າບໍລິການຜ່ານທາງໃນລາຄາເກົ່າ

    0
    193

    ລັດແຈ້ງໃຫ້! ບໍລິສັດສຳປະທານ ຂົວນໍ້າງື່ມຈຸດເມືອງເກົ່າ-ປາກກະຍຸງ ເກັບຄ່າບໍລິການຜ່ານທາງໃນລາຄາເກົ່າ.

    ກົມສົ່ງເສີມການລົງທຶນ ຫ້ອງການບໍລິການປະຕູດຽວ ໄດ້ມຫ້ຮູ້ວ່າ: ທາງກົມໄອ້ອອກແຈ້ງເຕືອນບໍລິສັດສຳປະທານຂົວນໍ້າງື່ມ ຈຸດເມືອງເກົ່າ-ປາກກະຍຸງ ວ່າ:

    ໂດຍອີງຕາມການລາຍງານຂອງອໍານາດການປົກຄອງແຂວງວຽງຈັນ ໃຫ້ຊາບວ່າບໍລິສັດໄດ້ດໍາເນີນການປັບອັດຕາການເກັບຄ່າບໍລິການຜ່ານຂົວຂຶ້ນໂດຍບໍ່ໄດ້ແຈ້ງໃຫ້ພາກລັດເພື່ອຄົ້ນຄວ້າກ່ອນໂດຍພະລະການ, ຕໍ່ກັບບັນຫາດັ່ງກ່າວກົມສົ່ງເສີມການລົງທຶນ ກະຊວງແຜນການ ແລະ ການລົງທຶນ ໄດ້ລາຍງານຂໍທິດຊີ້ນໍາຈາກຂັ້ນເທິງ ໂດຍໄດ້ມີແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ

    ສະບັບເລກທີ 992/ຫສນຍ, ລົງວັນທີ 11 ກໍລະກົດ 2020 ໃນຂໍ້ ຂ ວ່າ: “ໃຫ້ກະຊວງແຜນການ ແລະ ການລົງທຶນ ສົມທົບກັບກະຊວງໂຍທາທິການ ແລະ ຂົນສົ່ງ, ອົງການປົກຄອງແຂວງວຽງຈັນ ແລະ ພາກສ່ວນທີ່ກ່ຽວຂ້ອງແຈ້ງເຕືອນໃຫ້ບໍລິສັດມາລິນີ ຈໍາກັດ ຢຸດເຊົາ ແລະ ເກັບຄ່າບໍລິການຜ່ານຂົວໃນອັດຕາເກົ່າ ຈົນກວ່າຈະໄດ້ຮັບການອະນຸຍາດໃນການປັ້ບອັດຕາໃໝ່ທີ່ກະຊວງໂຍທາທິການ ແລະ ຂົນສົ່ງ ຮັບຮອງ”.

    ພ້ອມດຽວກັນການປະຕິບັດດັ່ງກ່າວຂອງບໍລິສັດກໍບໍ່ສອດຄ່ອງຕາມສັນຍາມາດຕາ 16 ຂໍ້ 16.4 ລະບຸວ່າ: “ການປ່ຽນແປງຄ່າບໍລິການຜ່ານຂົວຈະມີຂຶ້ນ ເມື່ອມີການປ່ຽນແປງ ຂຶ້ນ/ລົງ ຂອງຄ່າເງິນກີບ ຫຼື ມີການ ປ່ຽນແປງຂອງເສດຖະກິດໃນແຕ່ລະໄລຍະນັ້ນໆ (ຈະໄວກວ່າ ຫຼື ຊ້າກວ່າ) ຫຼື ປ່ຽນແປງເພື່ອໃຫ້ແທດເຫມາະກັບສະພາບ ເສດຖະກິດຕົວຈິງຂອງປະລິມານການສັນຈອນ ເພື່ອຮັກສາຜົນ

    ປະໂຫຍດອັນຊອບທໍາຂອງຜູ້ລົງທຶນສໍາປະທານໃຫ້ສາມາດດໍາເນີນກິດຈະການນີ້ໄດ້ປົກກະຕິ ຫຼື ເພື່ອກັນຄວາມສ່ຽງສູງຂອງຜູ້ລົງທຶນສໍາປະທານຢ່າງສົມເຫດສົມຜົນ ແລະ ການຈະປ່ຽນແປງໄດ້ນັ້ນ, ທັງຜູ້ລົງທຶນສໍາປະທານ ແລະ ລັດຖະບານຈະຕ້ອງໄດ້ມີການປຶກສາຫາລື ແລະ ຄົ້ນຄວ້ານໍາ ກັນຢ່າງລະອຽດ ແລະ ເລິກເຊິ່ງ”.

    ເຊິ່ງເຫັນວ່າການປັບປຸງອັດຕາຄ່າບໍລິການຜ່ານຂົວຂອງບໍລິສັດແມ່ນດໍາເນີນການປັບປຸງເລີຍໂດຍບໍ່ມີການປຶກສາຫາລືຮ່ວມກັນກັບພາກລັດແຕ່ຢ່າງໃດ.

    ສະນັ້ນ, ຕໍ່ກັບທິດຊີ້ນໍາຂອງແຈ້ງການ ສະບັບເລກທີ 992/ຫສນຍ, ລົງວັນທີ 11 ກໍລະກົດ 2012 ແລະ ການລະເມີດສັນຍາມາດຕາ 16 ຂໍ້ 16.4 ກົມສົ່ງເສີມການລົງທຶນຈຶ່ງ ແຈ້ງເຕືອນມາຍັງທ່ານໃຫ້ປັບປຸງການຈັດຕັ້ງປະຕິບັດການເກັບຄ່າບໍລິການຜ່ານຂົວມາໃຊ້ໃນອັດຕາເກົ່າຈົນກວ່າຈະມີການຄົ້ນຄວ້າປັບປຸງ ແລະ ຮັບຮອງຈາກກະຊວງໂຍທາທິການ ແລະ ຂົນສົ່ງ ໂດຍກໍານົດພາຍໃນ 190 ວັນ ນັບແຕ່ມືໄດ້ ຮັບແຈ້ງເຕືອນສະບັບນີ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.