ເຂດເສດຖະກິດພິເສດ ສາມຫຼ່ຽມຄຳ ກຽມສ້າງສະໜາມກ໊ອບ ແລະ ຣີສອດ ເນື້ອທີ່ 130 ກວ່າເຮັກຕາ

    0
    75

    ວັນທີ 3 ກັນຍາ 2022 ນີ້ ເຂດເສດຖະກິດພິເສດ ສາມຫຼ່ຽມຄຳ, ແຂວງບໍ່ແກ້ວ ໄດ້ຈັດພິທີວາງສີລາລຶກ ຣີສອດ ແລະ ສະໜາມກ໊ອບສາກົນພູກິ່ວລົມ ພິທີດັງກ່າວ ໃຫ້ກຽດເຂົ້າຮ່ວມໂດຍ ທ່ານ ຄໍາຜະຫຍາ ພົມປັນຍາ ຮອງເຈົ້າແຂວງ ແຂວງບໍ່ແກ້ວ ຜູ້ຊີ້ນໍາວຽກງານວັດທະນະທໍາ-ສັງຄົມ, ທ່ານ ຈ້າວເຫວີຍ ປະທານສະພາບໍລິຫານເຂດເສດຖະກິດພິເສດ ສາມຫຼ່ຽມຄຳ, ຄຸ້ມຄອງເຂດເສດຖະກິດພິເສດ ແຂວງ ບໍ່ແກ້ວ, ມີຄະນະການນຳເມືອງ ແລະ ແຂກທີ່ຖືກເຊີນກໍ່ໄດ້ໃຫ້ກຽດເຂົ້າຮ່ວມ.

    ຣິສອດສະໜາມກ໊ອຟສາກົນພູກິ່ວລົມ ຫລື ຊື່ໃນພາສາສາກົນແມ່ນ Golden Dragon Mountains Golf Resort ເຊິ່ງຕັ້ງຢູ່ພາກໃຕ້ຂອງເຂດເສດຖະກິດພິເສດສາມຫຼ່ຽມຄຳ ຕິດກັບສາຍພູກິ່ວລົມ ບ້ານ ໃຫຍ່ສີເມືອງງານ ເມືອງ ຕົ້ນເຜິ້ງ ແຂວງ ບໍ່ແກ້ວ ເປັນສະຖານທີ່ທີ່ມີທິວທັດທີ່ສວຍງາມ.

    ເຊິ່ງໂຄງການດັ່ງກ່າວແມ່ນ ເພື່ອດູງດູດການທ່ອງທ່ຽວ ແລະ ຍຸດທະສາດການພັດທະນາພື້ນຖານໂຄງລ່າງ ຂອງເຂດເສດຖະກິດພິເສດ ສາມຫຼ່ຽມຄຳ. ພື້ນທີ່ໃນການກໍ່ສ້າງທັງໝົດແມ່ນ 133 ເຮັກຕາ ໃນຊ່ວງກໍ່ສ້າງໄລຍະທຳອິດແມ່ນໄດ້ວາງແຜນໃຫ້ມີສະໜາມກ໊ອຟລະດັບສາກົນ ມີ 18 ຂຸມ 72 ເສົາ, ສະຖານທີ່ເຝີກແອບ, ບ່ອນພັກຜ່ອນລະດັບ 5 ດາວ, ສະໜາມມ້າສາກົນ, ການວາງແຜນໃນໄລຍະຕໍ່ມາແມ່ນ: ບໍ່ນ້ຳພຸຮ້ອນ, ບ້ານພັກຕາກອາກາດ, ໂຮງແຮມ, ອາພາດເມັນ ແລະ ອື່ນໆອີກ. ໂຄງການດັ່ງກ່າວຄາດວ່າຈະສຳເລັດພາຍໃນເດືອນ ພຶດສະພາ 2023 ນີ້.

    ຂ່າວ: ຫ້ອງການໂຄສະນາເຜີ່ຍແຜ່ຂໍ້ມູນຂ່າວສານ ສະພາບໍລິຫານເຂດເຂດເສດຖະກິດພິເສດ ສາມຫຼ່ຽມຄຳ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.