ຈັບກຸ່ມມົ້ວສຸມ ແລະ ຄ້າຂາຍນໍ້າກະທ່ອມ ຈຳນວນ 7 ຄົນ ພ້ອມຂອງກາງ ໃບກະທ່ອມດິບ 7 ກິໂລ

    0
    84

    ປກສ ນະຄອນປາກເຊ ຈັບກຸ່ມມົ້ວສຸມ ແລະ ຄ້າຂາຍນໍ້າກະທ່ອມ ຈຳນວນ 7 ຄົນ ພ້ອມຂອງກາງ ໃບກະທ່ອມດິບ 7 ກິໂລ

    ຂ່າວໜັງສືພິມຈຳປາໃໝ່ ລາຍງານວັນທີ 5 ກັນຍາ 2022 ນີ້ໃຫ້ຮູ້ວ່າ: ເຈົ້າໜ້າທີ່ ປກສ ນະຄອນປາກເຊ ແຂວງຈໍາປາສັກ ໃຫ້ການສຶກສາອົບຮົມກຸ່ມໄວລຸ້ນຈໍານວນ 7 ຄົນ ທີ່ຖືກກັກໂຕເນື່ອງຈາກມີການພົວພັນກັບການຄ້າ-ຂາຍ ແລະ ມົ້ວສຸມດື່ມນໍ້າໃບກະທ່ອມ.

    ການສຶກສາອົບຮົມມີຂຶ້ນໃນວັນທີ 5 ກັນຍາ 2022 ຢູ່ທີ່ກອງບັນຊາການ ປກສ ນະຄອນປາກເຊ, ໂດຍເຈົ້າໜ້າທີ່ ປກສ ໃຫ້ຮູ້ວ່າ: ຄະດີຄ້າ-ຂາຍ ນໍ້າກະທ່ອມທີ່ປຸງແຕ່ງແລ້ວ ແລະ ໃບກະທ້ອມ ແມ່ນເຈົ້າໜ້າທີ່ວິຊາສະເພາະພະແນກຕໍາຫຼວດ ປກສ ກຸ່ມ 4 ກອງບັນຊາການ ປກສ ນະຄອນປາກເຊ ໄດ້ເຄື່ອນໄຫວຕິດຕາມກຸ່ມເປົ້າໝາຍໄວລຸ້ນທີ່ມີພຶດຕິກໍາເຄື່ອນໄຫວຄ້າ-ຂາຍນໍ້າກະທ່ອມທີ່ປຸງແຕ່ງ

    ແລ້ວ ແລະ ໃບກະທ່ອມ ຢູ່ຂອບເຂດບ້ານແກ້ວສໍາພັນ ນະຄອນປາກເຊ ແລະ ໃນວັນທີ 1 ກັນຍາ 2022, ເວລາ 1: 00 ໂມງ ເຈົ້າໜ້າທີ່ ປກສ ກຸ່ມ 4 ໄດ້ປະສານສົມທົບກັບ ປກສ ນະຄອນປາກເຊ ແລະ ອໍານາດການປົກຄອງບ້ານແກ້ວສໍາພັນ ລົງມ້າງຈຸດມົ້ວສຸມຈຸດດັ່ງກ່າວ ສາມາດກັກຕົວເປົ້າໝາຍໄດ້ຈໍານວນ 7 ຄົນ, ຍິງ 3 ຄົນ.

    ເຄື່ອງຂອງກາງ: ນໍ້າກະທ່ອມ 20 ລິດ, ໃບກະທ້ອມດິບ 7 ກິໂລ, ສານຕັ້ງຕົ້ນ (ນໍ້າເຊື້ອມຢາດີໄອ) 34 ແກ້ວ, ນໍ້າຕານ 5 ແກັດ ແລະ ອຸປະກອນນໍາໃຊ້ໃນການປຸງແຕ່ງນໍ້າກະທ່ອມ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.