ສະຫະພັນບານເຕະແຫ່ງຊາດລາວຂາຍປີ້ 10.000 ກີບ ເພື່ອເຂົ້າເບິ່ງບານເຕະຮອບຄັດເລືອກ ຊີງແຊ້ມອາຊີ ຮຸ່ນອາຍຸບໍ່ເກີນ 20 ປີ

    0
    76

    ສຳລັບການແຂ່ງຂັນບານເຕະ ຊີງແຊ້ມອາຊີ ຮຸ່ນອາຍຸບໍ່ເກີນ 20 ປີ ຮອບຄັດເລືອກດັ່ງກ່າວ ມີທັງໝົດ 43 ທີມ ເຂົ້າຮ່ວມ ໂດຍໄດ້ແບ່ງອອກເປັນ 10 ກຸ່ມ, ຊຶ່ງອັນດັບ 1 ຂອງແຕ່ລະກຸ່ມແມ່ນຈະໄດ້ຜ່ານເຂົ້າຮອບ ແລະ ອັນດັບ 2 ທີ່ມີຄະແນນດີທີ່ສຸດຈຳນວນ 5-6 ທີມ ຈະໄດ້ຜ່ານເຂົ້າຮອບສຸດທ້າຍ ທີ່ປະເທດອຸສະເບກິສຖານ ໃນປີ 2023.

    ສະຫະພັນບານເຕະແຫ່ງຊາດລາວ (ສຕລ) ຍັງໄດ້ເປັນຕົວແທນຈໍາໜ່າຍປີ້ ລາຄາພຽງແຕ່ 10.000 ກີບ ກໍສາມາດເຂົ້າຊົມການແຂ່ງຂັນບານເຕະ ຊີງແຊ້ມອາຊີ ຮຸ່ນອາຍຸບໍ່ເກີນ 20 ປີ ຮອບຄັດເລືອກກຸ່ມ C ໃນລະຫວ່າງວັນທີ 10-18 ກັນຍາ 2022 ທີ່ສະໜາມກິລາແຫ່ງຊາດຫຼັກ 16 ເຊິ່ງ ສປປ ລາວ ເປັນເຈົ້າພາບໃນການຈັດງານການແຂ່ງຂັນຄັ້ງນີ້ (ສາມາດຊຶ້ໄດ້ ໃນມື້ທີ່ມີການແຂ່ງຂັນ).

    ອີງຕາມຂໍ້ມູນຂອງສະຫະພັນບານເຕະແຫ່ງຊາດລາວ ໃຫ້ຮູ້ວ່າ: ທີມຊາດລາວເຮົາ ຢູ່ກຸ່ມ C ຮ່ວມກັບ ຍີ່ປຸ່ນ, ເຢເມນ, ປາແລສຕິນ ແລະ ກວມ ຊຶ່ງຕາຕະລາງ ການແຂ່ງຂັນຂອງທີມຊາດລາວ ປະກອບມີ ວັນທີ 10/09/2022 ເວລາ 19:00 ທີມຊາດລາວ ພົບກັບ ກວມ, ວັນທີ 12/09/2022 ເວລາ 19:00 ທີມຊາດລາວ ພົບກັບ ຍີ່ປຸ່ນ, ວັນທີ 14/09/2022 ເວລາ 19:00 ທີມຊາດລາວ ພົບກັບ ເຢເມນ ແລະ ວັນທີ 18/09/2022 ເວລາ 19:00 ທີມຊາດລາວ ພົບກັບ ປາແລສຕິນ. ໂດຍທຸກໆນັດ ແມ່ນແຂ່ງຂັນຢູ່ທີ່ສະໜາມກິລາແຫ່ງຊາດຫຼັກ 16 ແລະ ຖ້າໃຜຢາກເບິ່ງແບບອອນລາຍກໍມີຖ່າຍ​ທອດ​ສົດ​ ທາງ​ໂທ​ລະ​ພາບ​ແຫ່ງ​ຊາດ​ລາວ ຊ່ອງ 3.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.