ຮອງລັດຖະມົນຕີ ກະຊວງ ປກສ ຢ້ຽມຢາມ ແລະ ໃຫ້ກໍາລັງໃຈນາຍຕໍາຫລວດ 2 ສະຫາຍທີ່ໄດ້ຮັບບາດເຈັບໃນຂະນະລົງແກ້ໄຂເປົ້າໝາຍຊື້ຂາຍຢາເສບຕິດ

    0
    69

    ວັນທີ 7 ກັນຍາ 2022 ນີ້, ພົທ ກົງທອງ ວົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ພ້ອມດ້ວຍຄະນະເຄື່ອນໄຫວຢ້ຽມຢາມ ແລະ ໃຫ້ກໍາລັງໃຈນາຍຕໍາຫລວດ 2 ສະຫາຍ ທີ່ກໍາລັງຕິດຕາມປິ່ນປົວຢູ່ໂຮງໝໍສູນກາງ 103 ກອງທັບປະຊາຊົນລາວ, ເນື່ອງຈາກໄດ້ຮັບບາດເຈັບໃນຂະນະລົງແກ້ໄຂເປົ້າໝາຍຊື້ຂາຍຢາເສບຕິດຢູ່ບ້ານຫ້ວຍເຈາະ ກຸ່ມສາມສຸມ, ເຊິ່ງເປົ້າໝາຍໄດ້ແກະລະເບີດໃສ່ ເຮັດໃຫ້ເຈົ້າໜ້າທີ່ເສຍ ຊີວິດ 3 ສະຫາຍ ແລະ ບາດເຈັບ 4 ສະຫາຍ.

    ເພື່ອສະແດງເຖິງຄວາມເປັນຫ່ວງເປັນໄຍ ແລະ ເອົາໃຈໃສ່ ຂອງພັກ-ລັດກໍຄືຄະນະພັກ-ຄະນະນໍາ ກະຊວງ ປກສ ທີ່ໄດ້ເອົາໃຈໃສ່ຕໍ່ຊີວິດການເປັນຢູ່ຂອງພະນັກງານ-ນັກຮົບ ໂດຍສະເພາະຜູ້ເສຍສະຫລະຊີວິດ, ເລືອດເນື້ອເພື່ອຊາດ ເພື່ອປະຊາຊົນ ແລະ ໄດ້ຮັບບາດເຈັບຂະນະປະຕິບັດໜ້າທີ່ວຽກງານວິຊາສະເພາະ. ພ້ອມນີ້, ທ່ານຮອງລັດຖະມົນຕີ ໄດ້

    ໃຫ້ກໍາລັງໃຈຕໍ່ຜູ້ໄດ້ຮັບບາດເຈັບ ແລະ ຄອບຄົວທີ່ກໍາລັງປິ່ນປົວມີສຸຂະພາບແຂງແຮງ ແລະ ດີຂຶ້ນໂດຍໄວ, ພ້ອມທັງຢືນຢັນວ່າກະຊວງ ປກສ ເວລາໃດກໍໃຫ້ຄວາມສໍາຄັນ ແລະ ເອົາໃຈໃສ່ເບິ່ງແຍງ, ຊ່ວຍເຫລືອ ແລະ ຊຸກຍູ້ຜູ້ທີ່ໄດ້ຮັບບາດເຈັບ ແລະ ເສຍຊີວິດຕາມຄວາມອາດສາມາດໃຫ້ດີທີ່ສຸດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.