ການສະກັດກັ້ນ ແລະ ຕ້ານການສໍ້ລາດບັງຫລວງ ເປັນວຽກຮີບດ່ວນຕ້ອງເຮັດແທ້

    0
    42

    ການສະກັດກັ້ນ ແລະ ຕ້ານການສໍ້ລາດບັງຫລວງ ເປັນວຽກຮີບດ່ວນຕ້ອງເຮັດແທ້

    ວັນທີ 9 ກັນຍາ 2022, ທ່ານ ຄຳພັນ ພົມມະທັດ ປະທານອົງການກວດກາແຫ່ງລັດ, ຫົວໜ້າອົງການຕ້ານສໍ້ລາດບັງຫລວງຂັ້ນສູນກາງໄດ້ເນັ້ນໃຫ້ອົງການປົກຄອງເມືອງຊະນະຄາມແຂວງວຽງຈັນເອົາໃຈໃສ່ຕໍ່ການກວດກາພັກ, ກວດກາລັດ, ສະກັດກັ້ນ ແລະ ຕ້ານການສໍ້ລາດບັງຫລວງເນື່ອງຈາກເປັນວຽກຮີບດ່ວນຊຶ່ງການກວດກາ ຄືເນື້ອໃນ

    ໜຶ່ງຂອງການນຳພາ, ແບບແຜນໜຶ່ງຂອງການປະຕິບັດໜ້າທີ່ຄຸ້ມຄອງລັດ, ຄຸ້ມ ຄອງສັງຄົມຕໍ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ສ້າງການຫັນປ່ຽນແຂງແຮງເລິກເຊິ່ງຮອບດ້ານ.

    ທ່ານ ຄໍາພັນ ເນັ້ນໃຫ້ເພີ່ມຄວາມພະຍາຍາມຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ເນື້ອໃນຈິດໃຈຂອງກອງປະຊຸມວຽກງານກວດກາທົ່ວປະເທດຄັ້ງທີ IV ຕິດພັນກັບການຈັດຕັ້ງຜັນຂະຫຍາຍ 2 ວາລະແຫ່ງຊາດທີ່ຄະນະເລຂາທິການສູນກາງພັກຊີ້ນຳໂດຍກົງ ໂດຍຄະນະພັກ ແລະ ຜູ້ນຳພາຄຸ້ມຄອງແຕ່ລະຂັ້ນຕ້ອງກຳແໜ້ນ ແລະ

    ເລັ່ງເພີ່ມທະວີການຕິດຕາມ, ກວດກາ ແລະ ແກ້ໄຂຜົນຂອງການກວດກາມາດຕະການໃນທາງປະຕິບັດຕົວຈິງ ຊຶ່ງເປັນສິ່ງສຳຄັນທີ່ສຸດທັງເປັນປັດໄຈຄໍ້າປະກັນໂດຍກົງ ຕໍ່ການຫັນ ປ່ຽນແບບບຸກທະລຸໃນການກໍ່ສ້າງ, ປັບປຸງພັກໃຫ້ປອດໃສ, ເຂັ້ມແຂງ, ໜັກແໜ້ນ; ສ້າງລະບົບການເມືອງໃຫ້ເຂັ້ມແຂງມີປະສິດທິພາບ ແລະ ປະສິດທິຜົນ; ຍົກ

    ລະດັບການກວດກາ, ການສ້າງຄວາມເຂົ້າໃຈຕໍ່ການປະຕິບັດໜ້າທີ່ຢ່າງແຂງແຮງເລິກເຊິ່ງຮອບດ້ານ ຕິດພັນກັບການແກ້ໄຂບັນຫາວິກິດ ກໍຄືຄວາມຮັບຜິດຊອບຕົວຈິງຂອງຄະນະພັກແຕ່ລະຂັ້ນ, ໃຫ້ເບິ່ງເປັນມາດຕະການຕົວຈິງ ແລະ ການເຄື່ອນໄຫວກວດກາການຈັດ ຕັ້ງປະຕິບັດກົດລະບຽບຂອງພັກ, ກົດໝາຍຂອງລັດໃນປັດຈຸບັນ ຕ້ອງຕິດ

    ພັນໂດຍກົງກັບການຕີຖອຍການສະກັດກັ້ນການສວຍໃຊ້ໜ້າທີ່ຕຳແໜ່ງ ເພື່ອຫາຜົນປະໂຫຍດໃຫ້ແກ່ຕົນເອງ ແລະ ພັກພວກ. ສະນັ້ນ, ຄະນະພັກຕ້ອງເຂັ້ມງວດ ແລະ ເປັນເອກະພາບຕັດສິນໃຈຕາມຄວາມຮັບຜິດຊອບ; ເບິ່ງຄືນການປັບປຸງພາລະບົດບາດການກວດກາວ່າ: ອັນໃດພາລະບົດບາດກວດກາພັກ, ອັນໃດພາລະບົດບາດກວດກາລັດ,

    ອັນໃດພາລະບົດບາດ ແລະ ຄວາມຮັບຜິດຊອບລະຫວ່າງຄະນະພັກກັບຄະນະກວດກາ ຕ້ອງໄດ້ຊີ້ນຳ ແລະ ປະ ສານງານກັນ, ຍົກລະດັບຄວາມຮູ້ຄວາມສາດມາດການກວດກາໃຫ້ຜູ້ທີ່ເຮັດວຽກງານໃຫ້ສູງຂຶ້ນກວ່າເກົ່າ.

    ທ່ານ ສະໝານ ວິເສດຍະພົງສ໌ ເຈົ້າເມືອງໆຊະນະຄາມ ກ່າວວ່າ: ການກວດກາພັກ, ກວດກາລັດ ແລະ ຕ້ານການສໍ້ລາດບັງຫລວງຜ່ານມາໄດ້ເພີ່ມຄວາມຮັບຜິດຊອບຕິດຕາມກວດກາ ໂດຍເລັ່ງໃສ່ກວດກາການ ນໍາພາຂອງຄະນະພັກທຸກຂັ້ນ, ຕິດຕາມ-ກວດກາການປະຕິບັດແຜນພັດທະນາເສດຖະກິດ-ສັງຄົມ ຄັ້ງທີ III ຂອງເມືອງ,

    ໂຄງການລົງທຶນ ແລະ ແຜນງົບປະມານແຫ່ງລັດ, ສະກັດກັ້ນ ແລະ ແກ້ໄຂປາກົດການຫຍໍ້ທໍ້ທີ່ເກີດຂຶ້ນພາຍໃນເມືອງ 29 ເທື່ອ ແລະ ກວດກາໂຄງການຕ່າງໆ 25 ເທື່ອ, ສຳເລັດການຮັບແຈ້ງຊັບສິນຂອງພະນັກງານ-ລັດຖະກອນ ຮອບ III ແລະ ວຽກງານອື່ນໆ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.