ໄທ ພົບຄົນເຈັບຕິດເຊື້ອພະຍາດໝາກສຸກລີງ ຄົນທີ 8 ເດີນທາງມາຈາກປະເທດກາຕາ

    0
    27

    ໄທ ພົບຄົນເຈັບຕິດເຊື້ອພະຍາດໝາກສຸກລີງ ຄົນທີ 8 ເດີນທາງມາຈາກປະເທດກາຕາ

    ໃນວັນທີ 16 ກັນຍາ 2022 ນີ້ ກົມຄວບຄຸມພະຍາດ ເຜີຍຄົບເຈັບຕິດເຊື້ອພະຍາດໝາກສຸກລີງ ຄົນທີ 8 ອາຍຸ 23 ປີ ບໍ່ມີພະຍາດປະຈຳຕົວ ປະກອບອາຊີບໃຫ້ບໍລິການທີ່ປະເທດກາຕາ ແລະ ເລີ່ມມີອາການ ຈຶ່ງເດີນທາງກັບມາປະເທດໄທ ແລະ ເຂົ້າຮັບການກວດເຊື້ອທີ່ ສະຖາບັນບຳຣາດນຣາດູ.

    ດຣ ໂອພາດ ການກະວີພົງ ອະທິບໍດີກົມຄວບຄຸມພະຍາດປະເທດໄທ ກ່າວວ່າ: ໄດ້ຮັບລາຍງານຈາກສະຖາບັນ ບຳຣາດນຣາດູ ກວດພົບຄົນເຈັບຕິດເຊື້ອພະຍາດໝາກສຸກລີງ ເປັນຄົນໄທ ອາຍຸ 23 ປີ ບໍ່ມີພະຍາດປະຈຳຕົວ ຈາກການກວດສອບເບື້ອງຕົ້ນພົບວ່າມີປະຫວັດການຮ່ວມເພດສຳພັນກັບຊາຍທີ່ມີຕຸ່ມບໍລິເວນຫລັງລັກສະນະຄ້າຍຄືສິວ, ເລີ່ມ

    ມີອາການ ໃນວັນທີ 5 ກັນຍາ 2022 ມີໄຂ້, ໜາວສັ່ນ, ອ່ອນເພຍ, ປວດເມື່ອຍກ້າມຊີ້ນ, ປວດຫລັງ, ເບື່ອອາຫານ ແລະ ມີຜື່ນບໍລິເວນຝ່າມືເບື້ອງຂວາ, ນີ້ວກາງເບື້ອງຊ້າຍ ແຂນຊ້າຍ, ຫລັງ ,ກົ້ນ ແລະ ຮູທະວານ.

    ຄົນເຈັບເດີນທາງກັບຈາກປະເທດກາຕາ ຮອດປະເທດໄທ ໃນວັນທີ 13 ກັນຍາ 2022 ຫລັງຈາກເດີນທາງເຂົ້າປະເທດໄທມີປະຫວັດສຳຜັດກັບໝູ່ 2 ຄົນ, ຕໍ່ມາ ວັນທີ 14

    ກັນຍາ ຈຶ່ງເຂົ້າໄປກວດ ແລະ ທ່ານໝໍເກັບຕົວຢ່າງສົ່ງກວດທາງຫ້ອງປະຕິບັດການ ແລະ ກົມວິທະຍາສາດການແພດ ຜົນກວດພົບເຊື້ອພະຍາດໝາກສຸກລີງ.
    ສະຖານະການພະຍາດໝາກສຸກລີງທົ່ວໂລກ ພົບຜູ້ຕິດເຊື້ອ ຈຳນວນ 54,709 ຄົນ ເສຍຊີວິດ 18 ຄົນ ໂດຍສ່ວນໃຫຍ່ແມ່ນຢູ່ໃນແຖບທະວີບຢູໂຣບ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.