6 ເດືອນຕົ້ນປີ 2022 ກຳລັງ ປກສ ມ້າງຄະດີຢ າ ເ ສ ບ ຕ ິ ດ 2.000 ກວ່າເລື່ອງ

    0
    17

    ໃນກອງປະຊຸມຈັດຕັ້ງເຜີຍແຜ່ບົດແນະນໍາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃນວັນທີ 15 ກັນຍາ 2022, ເປັນປະທານໂດຍ ພົທ ກົງທອງ ພົງວິຈິດ ຮອງລັດຖະມົນຕີ ກະຊວງ ປກສ, ມີຮອງລັດຖະມົນຕີ, ຫົວໜ້າກົມໃຫຍ່, ຫ້ອງວ່າການ, ກອງບັນຊາການ ປກສ ແຂວງ-ນະຄອນຫຼວງວຽງຈັນ

    ເຂົ້າຮ່ວມ ໄດ້ຍົກໃຫ້ເຫັນຜົນງານໃນການສຸມໃສ່ແກ້ໄຂຢາເສບຕິດ; ເຊິ່ງໃນ 6 ເດືອນຕົ້ນປີ 2022, ເຈົ້າໜ້າທີ່ຕໍາຫຼວດໃນຂອບເຂດທົ່ວປະເທດ ສາມາດແກ້ໄຂມ້າງລາຍຄະດີໄດ້ 2.000 ກວ່າເລື່ອງ ແລະ ຈັບຜູ້ຖືກຫາໄດ້ 3.000 ກວ່າຄົນ.

    ພົຕ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດ ກະຊວງ ປກສ ໄດ້ຜ່ານບົດແນະນໍາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃຫ້ຮູ້ວ່າ: ການເຄື່ອນໄຫວຈັດຕັ້ງຜັນຂະຫຍາຍວາລະແຫ່ງຊາດ ໃນໄລຍະ 6 ເດືອນ ຕົ້ນປີ 2022, ກໍາລັງ ປກສ ຂັ້ນສູນກາງ ແລະ ທ້ອງຖິ່ນ ໄດ້ເປັນເຈົ້າການ

    ຍົກສູງຄວາມຮັບຜິດຊອບຂອງຕົນເຂົ້າໃນການເຄື່ອນໄຫວຕາມຫຼັກການ ແລະ ວິທີການວິຊາສະເພາະ ເປັນຕົ້ນແມ່ນຕິດຕາມເປົ້າໝາຍທີ່ເຄື່ອນໄຫວຄ້າຂາຍ, ຂົນສົ່ງຢາເສບຕິດ; ເຊິ່ງໃນໄລຍະ 6 ເດືອນຕົ້ນປີ 2022, ສາມາດແກ້ໄຂມ້າງລາຍຄະດີຢາເສບ ຕິດໃນຂອບເຂດທົ່ວປະເທດໄດ້ທັງໝົດ 2.253 ເລື່ອງ, ຈັບຜູ້ຖືກຫາໄດ້ 3.302 ຄົນ ຍິງ 393 ຄົນ.

    ໃນນີ້, ມີ ຄົນຕ່າງປະເທດ 70 ຄົນ ຍິງ 6 ຄົນ, ຢືດຢາບ້າ ໄດ້ 84.736.132 ເມັດ, ນໍ້າໜັກ 8.643,61 ກິໂລ; ຢາໄອສ໌ 1.281,42 ກິໂລ; ເຮໂຣອິນ 24,7 ກິໂລ; ຄັນຊາ 2.885,5 ກິໂລ, ຢາຝິ່ນ 82,26 ກິໂລ, ຢາອີ 1.670 ເມັດ, ແປ້ງຝຸ່ນປະສົມຢາເສບຕິດ 1.01 ກິໂລ, ໂຄເຄນ 3 ກິໂລ; ເຄຕາມິນ 29,7 ກຼາມ;

    ຄາເຟອິນ 168 ກຼາມ; ຢຶດລົດໃຫຍ່ໄດ້ 82 ຄັນ, ລົດຈັກ 385 ຄັນ; ໄດ້ລົງສໍາຫຼວດເນື້ອທີ່ລັກລອບປູກຝິ່ນ ປະຈໍາສົກປີ 2021-2022 ຢູ່ 8 ແຂວງພາກເໜືອ ມີເນື້ອທີ່ປະມານ 2.000 ກວ່າຕອນ ແລະ ໄດ້ລົງທໍາລາຍແລ້ວ ຈໍານວນ 617 ເຮັກຕາ; ໄດ້ສັງລວມສະຖິຕິຜູ້ຕິດຢາເສບຕິດເຂົ້າປິ່ນປົວຢູ່ສູນບໍາບັດປິ່ນປົວ ແລະ ຟື້ນຟູສຸຂະພາບຜູ້

    ຕິດຢາເສບຕິດ 13 ແຫ່ງ ໃນໄລຍະ 6 ເດືອນຕົ້ນປີ 2022 ມີຜູ້ປິ່ນປົ່ວ 3.802 ຍິງ 106 ຄົນ, ປິ່ນປົວດີແລ້ວ 1.222 ຍິງ 32 ຄົນ, ສືບຕໍ່ປິ່ນປົວ 2.580 ຍິງ 74 ຄົນ; ໄດ້ອອກໃບຢັ້ງຢືນຮັບຮອງ ບໍລິສັດເຂົ້າຮ່ວມໂຄງການປູກພືດ ທົດແທນການປູກຝິ່ນ ປະຈໍາປີ 2022 ຢູ່ 6 ແຂວງມີ 43 ບໍລິສັດ; ໄດ້ສົ່ງອອກກາເຟຂອງໂຄງການ ປູກ

    ພືດທົດແທນການປູກຝິ່ນ (LAOZ49) ແຂວງຫົວພັນ ໃຫ້ ແກ່ ບໍລິສັດມາລອງໂກ ປະເທດ ຝຣັ່ງ ຈໍານວນ 19.200 ກິໂລ ກຼາມ, ມູນຄ່າ 105.600 ໂດລາ ສະຫະລັດ ແລະ ໄດ້ຂາຍຢູ່ພາຍໃນ ປະເທດ ຈໍານວນ 16.280 ກິໂລ ກຼາມ, ມູນຄ່າ 434.650.000 ກີບ.

    ທິດທາງແຜນການໃນຕໍ່ໜ້າ, ສືບສ້າງຄວາມຮັບຮູ້ໃນທົ່ວສັງຄົມດ້ວຍການສຶກສາອົບຮົມ, ໂຄສະນາເຜີຍແຜ່ລະບຽບກົດໝາຍ ແລະ ຜົນຮ້າຍຂອງຢາເສບຕິດ ຈັດພິມປຶ້ມກົດໝາຍ, ປຶ້ມວາລະແຫ່ງຊາດ, ປຶ້ມຄູ່ມືໂຄສະນາ, ປ້າຍຄໍາຂວັນ, ຮູບພາບປ້າຍໂຄສະນາ ແລະ ປຶ້ມສັງລວມບັນດານິຕິກໍາຕ່າງໆທີ່ກ່ຽວຂ້ອງກັບວາລະແຫ່ງຊາດ ເພື່ອນໍາໄປ

    ແຈກຢາຍໃຫ້ສໍານັກງານອົງການ, ຂະແໜງການຕ່າງໆ ທັງຢູ່ຂັ້ນສູນກາງ ແລະ ທ້ອງຖິ່ນ; ສືບ ຕໍ່ຊຸກຍູ້ຕິດ ຕາມການເຜີຍແຜ່ວາ ລະແຫ່ງຊາດຢູ່ຂະແໜງການສາຍຕັ້ງຂອງບັນດາກະຊວງ-ອົງການ ແລະ ທ້ອງຖິ່ນຮາກຖານ ໂດຍເລັ່ງໃສ່ເປົ້າໝາຍກຸ່ມສ່ຽງ ເປັນຕົ້ນແມ່ນກຸ່ມໃຊ້ແຮງງານ ແລະ ຜູ້ອອກແຮງງານ, ນັກຮຽນ-ນັກສຶກສາ, ຖັນແຖວ

    ໄວໜຸ່ມ ຕະຫຼອດຮອດປະຊາຊົນບັນດາເຜົ່າໃນເຂດຫ່າງໄກສອກຫຼີກທີ່ມີຊີວິດການເປັນຢູ່ພົບຄວາມຫຍຸ້ງຍາກ; ຄົ້ນຄວ້າສ້າງຫຼັກສູດຕໍາລາການຮຽນ-ການສອນກ່ຽວກັບວິທີປ້ອງກັນຢາເສບຕິດຢູ່ຊັ້ນປະຖົມ, ຊັ້ນມັດທະ ຍົມຕອນຕົ້ນ ແລະ ຕອນປາຍ; ເພີ່ມທະວີຄວາມເອົາໃຈໃສ່ໃນການຈັດຕັ້ງປະຕິບັດວາລະແຫ່ງຊາດໃຫ້ສໍາເລັດຕາມຄາດໝາຍທີ່ວາງໄວ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.