ຄຳມ່ວນ ເລັງສັກວັກຊີນກັນໂຄວິດ-19 ໃຫ້ບັນລຸຕາມເປົ້າໝາຍ 80% ຂຶ້ນໄປ

    0
    26

    ຂປລ. ປັດຈຸບັນ, ແຂວງຄຳມ່ວນ ພວມເລັ່ງຈັດຕັ້ງປະຕິບັດວຽກງານ ສັກວັກຊີນກັນໂຄວິດ-19 ໃຫ້ບັນລຸຕາມເປົ້າໝາຍທີ່ວາງໄວ້ 80% ຂຶ້ນໄປ ໃນທ້າຍປີ 2022 ນີ້, ຂະນະທີ່ພະແນກສາທາລະນະສຸກແຂວງ ແລະ ຫ້ອງການສາທາລະນະສຸກ ຢູ່ບັນດາເມືອງອ້ອມຂ້າງແຂວງ ກໍໄດ້ສຸມໃສ່ປຸກລະດົມປະຊາຊົນຢູ່ພາຍໃນແຂວງ, ເມືອງ ໃຫ້ມາຮັບວັກຊີນກັນໂຄວິດ-19 ຢ່າງເປັນຂະບວນ ເພື່ອເຮັດໃຫ້ປະຊາຊົນພາຍໃນແຂວງ ຢູ່ກັບໂຄວິດ-19 ໄດ້ຢ່າງປອດໄພ.

    ທ່ານ ແສງທອງ ເສີມລຳວັນ ຮອງຫົວໜ້າພະແນກສາທາລະນະສຸກ ແຂວງຄຳມ່ວນ ລາຍງານໃຫ້ຮູ້ ເມື່ອບໍ່ດົນມານີ້ວ່າ: ມາຮອດປັດຈຸບັນ ແຂວງຄຳມ່ວນ ສາມາດຈັດຕັ້ງປະຕິບັດວຽກງານສັກວັກຊີນກັນໂຄວິດ-19 ເຂັມທີ 1 ໄດ້ທັງໝົດ 340.900 ກວ່າໂດສ ເທົ່າກັບ 77%, ເຂັມ 2 ໄດ້ 312.600 ກວ່າໂດສ, ເທົ່າກັບ 71% ແລະ ເຂັມ

    ກະຕຸ້ນ ໄດ້ 16%. ໃນໄລຍະຜ່ານມາສູນສື່ສານເພື່ອສຸຂະພາບ ແລະ ສຸຂະສຶກສາ ກະຊວງສາທາລະນະສຸກ ໄດ້ນຳເອົາໂທລະໂຄ່ງ, ແອວຊີດີ, ຕູ້ລຳໂພງເຄື່ອນທີໂດຍການສະໜັບສະໜູນຈາກອົງການອຸຍນີເຊບ ມອບໃຫ້ພະແນກສາທາລະນະສຸກ ແຂວງຄຳມ່ວນ ເພື່ອແຈກຢາຍໃຫ້ຫ້ອງການສາທາລະນະສຸກ, ໂຮງໝໍຊຸມຊົນ, ໂຮງໝໍນ້ອຍ ຢູ່

    ບັນດາເມືອງອ້ອມຂ້າງແຂວງ ເພື່ອໂຄສະນາເຜີຍແຜ່, ປຸກລະດົມປະຊາຊົນ ໃຫ້ພ້ອມໃຈກັນເຂົ້າມາຮັບວັກຊີນກັນໂຄວິດ-19. ຜ່ານການຈັດຕັ້ງປະຕິບັດຕົວຈິງ ເຫັນໄດ້ວ່າປະຊາຊົນມີຄວາມຮັບຮູ້, ເຂົ້າໃຈ ແລະ ພ້ອມພຽງກັນ ເຂົ້າມາຮັບວັກຊີນກັນໂຄວິດ-19 ເປັນຈຳນວນຫລາຍ.

    ທ່ານ ແສງທອງ ເສີມລຳວັນ ໃຫ້ຮູ້ອີກວ່າ: ໃນໄລຍະຜ່ານມາ ພະແນກສາທາລະນະສຸກ ແຂວງຄຳມ່ວນ ໄດ້ປະສານສົມທົບກັບຂະແໜງການຕ່າໆ ທີ່ກ່ຽວຂ້ອງ ເປັນຕົ້ນ ພະແນກ ຖວທ ແຂວງ, ແນວລາວສ້າງຊາດແຂວງ ນຳໃຊ້ລົດເຄື່ອນທີ່ ເພື່ອໂຄສະນາ ມາດຕະການປ້ອງກັນພະຍາດໂຄວິດ-19 ແລະ ປຸກລະດົມໃຫ້ປະຊາຊົນ ມາຮັບວັກຊີນ

    ກັນໂຄວິດ-19 ຢູ່ໃນຊຸມຊົນໃນ 10 ຕົວເມືອງ, ພ້ອມທັງ ໂຄສະນາຜ່ານສື່ທາງວິທະຍຸຂອງແຂວງ, ເມືອງ, ຜ່ານໂທລະໂຄ່ງຂອງບ້ານ, ຜະລິດແຜ່ນປ້າຍໂຄສະນາ (ການໃສ່ຜ້າອັດປາກ-ດັງ, ການເວັ້ນໄລຍະຫ່າງ, ການລ້າງມື) ແລະ ຜະລິດສະປອດໂຄສະນາກ່ຽວກັບການປ້ອງກັນ ແລະ ການປຸກລະດົມປະຊາຊົນ ມາຮັບການສັກວັກຊີນປ້ອງກັນໂຄ

    ວິດ-19, ພ້ອມທັງ ຈັດສົ່ງສື່ໂຄສະ ນາຕ່າງໆ ທີ່ໄດ້ຮັບຈາກສູນສື່ສານໃຫ້ແຕ່ລະເມືອງ ແລະ ເມືອງສົ່ງຕໍ່ໃຫ້ໂຮງໝໍນ້ອຍ ແລະ ບ້ານ.
    ຂ່າວ-ພາບ: ທະນູທອງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.