ສະພາບອາກາດ ໄລຍະວັນທີ ວັນທີ 19-25 ກັນຍາ ອາກາດເຢັນຢູ່ພາກເໜືອດ້ານຕາເວັນອອກ ແຂວງໄຊສົມບູນ ແລະ ເຂດພູພຽງ ບໍລະເວນຈະມີຝົນຕົກ ຟ້າຮ້ອງ ຟ້າເຫລື້ອມຄ່ອຍ ຫາ ປານກາງ

    0
    27

    ສະພາບອາກາດ ໄລຍະວັນທີ 12-18 ກັນຍາ 2022 ແລະ ຄາດຄະເນ ສະພາບອາກາດ ແຕ່ວັນທີ 19-25 ສິງຫາ 2022ຂປລ. ສະພາບອາກາດໂດຍທົ່ວໄປ ໃນໄລຍະວັນທີ 12-15 ກັນຍາ 2022 ຄວາມກົດດັນອາກາດຕໍ່າ ໄດ້ປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມ ເປັນສ່ວນໃຫຍ່ ຊຶ່ງໄດ້ເຮັດໃຫ້ມີຝົນຕົກ ຟ້າຮ້ອງ ຟ້າເຫລືອມໃນລະດັບ ຄ່ອຍ ຫາ ປານກາງຢູ່ບາງທ້ອງຖິ່ນໃນແຕ່ລະພາກ. ຈາກ

    ນັ້ນໃນໄລຍະວັນທີ 16-18 ກັນຍາ 2022 ຮ່ອງຄວາມກົດດັນອາກາດ ໄດ້ພາດຜ່ານຢູ່ແຂວງ ພາກເໜືອດ້ານຕາເວັນຕົກ ລົງຫາພາກກາງຂອງປະເທດລາວ ສົມທົບ ກັບລົມມໍລະສຸມຕາເວັນຕົກສ່ຽງໃຕ້ ພັດປົກຄຸມດ້ວຍກໍາລັງອ່ອນ ຊຶ່ງໄດ້ ເຮັດໃຫ້ອາກາດເຢັນໃນຕອນເຊົ້າ ໂດຍສະເພາະຢູ່ແຂວງພາກເໜືອ ດ້ານຕາເວັນອອກ, ແຂວງໄຊສົມບູນ,

    ເຂດພູພຽງບໍລະເວນ ແລະ ມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຕົກໜັກ ຫາ ໜັກຫລາຍຢູ່ບາງທ້ອງຖິ່ນແຂວງພາກໃຕ້.
    ສະພາບລະດັບນໍ້າແມ່ນໍ້າຂອງ ແລະແມ່ນໍ້າສາຂາໃນຂົງເຂດທົ່ວປະເທດ ແຕ່ວັນທີ 12-18 ກັນຍາ 2022 ພາກເໜືອເຫັນໄດ້ວ່າ ລະດັບນໍ້າ ແຕ່ລະສະຖານີແມ່ນຫລຸດລົງແຕ່
    ຕົ້ນຫາທ້າຍອາທິດ ຍົກເວັ້ນສະຖານີ ນໍ້າຊໍາ (ຊໍາເໜືອ) ລະດັບນໍ້າແມ່ນເພີ່ມຂຶ້ນໃນກາງຫາທ້າຍອາທິດ, ພາກກາງ ນໍ້າງື່ມ ເຫັນໄດ້ວ່າ ແຕ່ລະສະຖານີ ລະດັບນໍ້າແມ່ນ

    ຫລຸດລົງ ແຕ່ກາງຫາທ້າຍອາທິດ. ນໍ້າງຽບ (ມ.ໃໝ່) ລະດັບນໍ້າແມ່ນຫລຸດລົງໃນໄລຍະ ກາງອາທິດ. ນໍ້າຊັນ (ມ.ເກົ່າ) ລະດັບນໍ້າແມ່ນເພີ່ມຂຶ້ນໃນທ້າຍອາທິດເລັກ ໜ້ອຍ
    ແລະ ນໍ້າກະດິງ (ໂພນສີ) ລະດັບນໍ້າໄດ້ຫລຸດລົງ ແຕ່ຕົ້ນຫາທ້າຍ ອາທິດ. ເຊບັ້ງໄຟ ລະດັບນໍ້າແຕ່ລະສະຖານີແມ່ນເພີ່ມຂຶ້ນແຕ່ກາງຫາທ້າຍ ອາທິດ. ສໍາລັບພາກໃຕ້ ເຊໂດນ, ເຊບັ້ງຫຽງ ແລະ ເຊກອງ ແຕ່ລະສະຖານີ ລະດັບນໍ້າແມ່ນເພີ່ມຂຶ້ນໃນກາງຫາທ້າຍອາທິດ.ຄາດຄະເນສະພາບອາກາດ ໃນໄລຍະໜຶ່ງອາທິດຕໍ່ໜ້າ ວັນທີ 19-25 ກັນຍາ

    2022 ຄວາມກົດດັນອາກາດຕໍ່າຈະປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ ສົມທົບກັບລົມຕາເວັນອອກພັດປົກຄຸມ ເປັນສ່ວນໃຫຍ່ ຊຶ່ງຈະເຮັດໃຫ້ອາກາດເຢັນໃນຕອນເຊົ້າ ໂດຍສະເພາະຢູ່ ແຂວງພາກເໜືອດ້ານຕາເວັນອອກ, ແຂວງໄຊສົມບູນ ແລະ ເຂດພູພຽງ ບໍລະເວນ ແລະ ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.