ບ້ານນາຝາຍ ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ

    0
    45

    ບ້ານນາຝາຍ ເມືອງປາກງື່ມ ນະຄອນຫຼວງວຽງຈັນ ສຸມໃສ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໂດຍໄດ້ກໍານົດຂຶ້ນລາຍຊື່ເປົ້າໝາຍຜູ້ທີ່ເສບຢາເສບຕິດມາສຶກສາອົບຮົມ, ເຮັດບົດບັນທຶກກ່າວເຕືອນໃຫ້ຮູ້ໄດ້ຜົນຮ້າຍ, ຜົນເສຍຫາຍຂອງການພົວພັນກັບຢາເສບຕິດ; ໃນນັ້ນ, ສາມາດເກັບກຳເປົ້າໝາຍພົວພັນຢາເສບຕິດ ໄດ້ທັງໝົດ 36 ຄົນ ຍິງ 5 ຄົນ; ໃນນີ້, ເປົ້າໝາຍຄ້າຂາຍຢາເສບຕິດ 5 ຄົນ ຍິງ 2 ຄົນ.

    ທ່ານ ເອບ ວົງເມກ ນາຍບ້ານນາຝາຍ ໃຫ້ສໍາພາດຕໍ່ສື່ມວນຊົນ ປກສ ວ່າ: ບ້ານນາຝາຍ ແມ່ນບ້ານໜຶ່ງທີ່ຂຶ້ນກັບກຸ່ມ 4 ບ້ານນາຝາຍ ເມືອງປາກງື່ມ, ມີ 284 ຫຼັງຄາເຮືອນ, 292 ຄອບຄົວ, 19 ໜ່ວຍ, ມີພົນລະເມືອງທັງ ໝົດ 1.366 ຄົນ ຍິງ 659 ຄົນ, ເຊິ່ງບ້ານນາຝາຍ ໄດ້ສຸມໃສ່ຈັດຕັ້ງປະຕິບັດຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຢູ່ພາຍໃນບ້ານນັບແຕ່ວັນທີ 22 ກຸມພາ 2022, ມາຮອດປັດຈຸບັນ, ເຫັນໄດ້ວ່າມີການປ່ຽນແປງໄປໃນທາງທີ່ດີ ແລະ ສາມາດຂຶ້ນບັນຊີຄຸ້ມຄອງເປົ້າໝາຍພົວພັນຢາເສບຕິດໄດ້ທັງໝົດ 36 ຄົນ ຍິງ 5 ຄົນ, ເປົ້າໝາຍຄ້າຂາຍຢາເສບຕິດ 5 ຄົນ ຍິງ 2 ຄົນ; ໃນນີ້, ອົງການປົກຄອງບ້ານພ້ອມດ້ວຍເຈົ້າໜ້າທີ່ຕຳຫຼວດວິຊາສະເພາະ ໄດ້ຕິດຕາມກຸ່ມເປົ້າໝາຍຢ່າງໃກ້ຊິດ ແລະ ໄດ້ນໍາຕົວຜູ້ທີ່ພົວພັນກັບຢາເສບຕິດມາສຶກສາອົບຮົມ ເຮັດບົດບັນທຶກກ່າວເຕືອນໃຫ້ຮັບຮູ້ໄດ້ຜົນຮ້າຍ, ຜົນເສຍຫາຍຂອງການພົວພັນກັບຢາເສບຕິດ ເພື່ອແນໃສ່ປ້ອງກັນສະກັດກັ້ນ ແລະ ແກ້ໄຂບັນດາປະກົດການຫຍໍ້ທໍ້, ແກ້ໄຂບັນດາເປົ້າໝາຍທີ່ຈະສ້າງຄວາມບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍໃນສັງຄົມ ໃຫ້ໄດ້ຮັບການແກ້ໄຂຢ່າງຖືກຕ້ອງຕາມຂັ້ນຕອນຂອງລະບຽບກົດໝາຍ, ແນໃສ່ບັນດາເປົ້າໝາຍ ກໍ່ການກະທຳຜິດທາງອາຍາເປັນຕົ້ນ: ຂີ້ລັກງັດແງະ, ນັກເລງອັນຕະພານ, ປຸ້ນຈີ້, ຊິງຊັບໃຫ້ຫຼຸດໜ່ອຍລົງຢ່າງຈະແຈ້ງ ແລະ ເພື່ອສ້າງແນວຄິດຈິດສຳນຶກໃຫ້ຜູ້ທີ່ຖືກເຄາະຮ້າຍກາຍເປັນຄົນດີຂອງສັງຄົມ, ເປັນພົນລະເມືອງດີຂອງປະເທດຊາດ ແລະ ເປັນຄົນດີຂອງບ້ານກໍຄືຂອງຄອບຄົວ.

    ທິດທາງແຜນການໃນຕໍ່ໜ້າ, ອົງການປົກຄອງບ້ານໄດ້ກຳນົດຈຸດສຸມວຽກງານ ຄື: ສືບຕໍ່ສຶກສາອົບຮົມການເມືອງ-ແນວຄິດ ໃຫ້ອ້າຍນ້ອງກຳລັງກອງຫຼອນ-ປກສ ບ້ານ ໃຫ້ມີແນວຄິດ-ການເມືອງທີ່ໜັກແໜ້ນ ຊື່ຕົງຕໍ່ລະບຽບກົດໝາຍ, ປະຕິບັດໜ້າທີ່ໃຫ້ຖືກຕ້ອງໂປ່ງໃສ, ວ່ອງໄວ, ສ່ອງແສງລາຍງານການຈັດຕັ້ງຂັ້ນເທິງ, ພ້ອມກັນແກ້ໄຂທຸກກໍລະນີທີ່ອາດຈະເກີດຂຶ້ນໃຫ້ທັນກັບສະພາບການ, ສືບຕໍ່ເຮັດວຽກງານການເມືອງສຶກສາອົບຮົມຜູ້ເສບ, ຜູ້ຄ້າຂາຍໃຫ້ຕະໜັກເຖິງຜົນເສຍຫາຍ ແລະ ໂທດທາງກົດໝາຍ, ການກະທໍາຜິດທີ່ຂັດກັບລະບຽບກົດໝາຍວາງອອກ, ສືບຕໍ່ປະກາດໃຫ້ ຜູ້ເປັນພໍ່-ແມ່, ຍາດຕິພີ່ນ້ອງ, ປະຊາຊົນພາຍໃນບ້ານ ເປັນຜູ້ອົບຮົມບົ່ມສອນລູກຫຼານພາຍໃນເຮືອນຂອງຕົນໃຫ້ຮູ້ເຖິງຜົນຮ້າຍ, ຂອງຢາເສບຕິດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.