ເຂົ້າລາວ ເຂົ້າຈໍາປາຫອມກຽມສົ່ງອອກ ຈໍານວນ 1.000 ໂຕນ ມູນຄ່າ 1,2 ລ້ານໂດລາ ໄປໄກຮອດຝຣັ່ງ

    0
    41

    ເຂົ້າລາວໄປໄກຮອດຝຣັ່ງ!ບໍລິສັດ ຈໍາປາຫອມການຄ້າ ຂາອອກ-ຂາເຂົ້າ ຈໍາກັດຜູ້ດຽວ ກຽມສົ່ງອອກເຂົ້າສານໜຽວ ຈໍານວນ 1.000 ໂຕນ ມູນຄ່າ 1,2 ລ້ານໂດລາສະຫະລັດ ໄປປະເທດຝຮັ່ງພາຍໃນທ້າຍປີ 2022 ຫຼື ຕົ້ນປີ 2023 ພາຍຫຼັງໄດ້ເຊັນສັນຍາກັບກັບ ບໍລິສັດ WECH GROS import-export ຢູ່ນະຄອນຫລວງວຽງຈັນ ເມື່ອບໍ່ດົນມານີ້.

    ​ທ່ານ ນາງ ບຸນຮຽງ ພົມມີໄຊ, ບໍລິສັດຈໍາປາຫອມການຄ້າ ຂາອອກ-ຂາເຂົ້າ ຈໍາກັດຜູ້ດຽວ ໃຫ້ຮູ້ວ່າ: ບໍລິສັດຄູ່ຮ່ວມສັນຍາຈະຈະນໍາເຂົ້າຈາກລາວໄປວາງຈໍາໜ່າຍຢູ່ຫ້າງຊັບພະສິນຄ້າຢູ່ປະເທດຝຮັ່ງຕາມທີ່ໄດ້ຕົກລົງກັນ ເຊີ່ງບໍລິສັດຂອງຕົນມີຄວາມພ້ອມໃນການສະໜອງທັງໃນດ້ານປະລິມານ ແລະ ຄຸນນະພາບ ກໍຄື ມາດຕະຖານໃນການຜະລິດ ນັບ

    ແຕ່ການປູກຈົນຮອດຂອດການປຸງແຕ່ງ, ພ້ອມນີ້ ຈະປັບປຸງຕົນເອງຕື່ມ ໂດຍສະເພາະການສົ່ງເສີມກຸ່ມຊາວນາປູກເຂົ້າເພີ່ມຂຶ້ນ ແລະ ການນຳໃຊ້ເຄື່ອງມືທັນສະໄໝເຂົ້າໃນຂະບວນການຜະລິດ ເນື່ອງຈາກປັດຈຸບັນ ບໍລິສັດໄດ້ສົ່ງເສີມຊາວ ນາປູກເຂົ້າ ຈໍານວນ 600 ຄອບຄົວ, ມີເນື້ອທີ່ນາທັງໝົດ 600 ກວ່າເຮັກຕາ.

    ທ່ານໃຫ້ຮູ້ຕື່ມວ່າ: ໃນໄລຍະຜ່ານມາບໍລິສັດຂອງຕົນ ໄດ້ສົ່ງເຂົ້າໄປປະເທດແບນຊິກ ມາແລ້ວ 2 ຄັ້ງ ຄື: ຄັ້ງທໍາອິດ ຈໍານວນ 50 ໂຕນ ແລະ ຄັ້ງທີ 2 ຈໍານວນ 200 ໂຕນ ແລະ ຈະມີຄັ້ງທີ 3 ໃນໄວໆນີ້ ເນື່ອງຈາກຄວາມຕ້ອງການມີເພີ່ມຂຶ້ນ ຄາດຄະເນປະມານ 200 ໂຕນ. ສ່ວນການສົ່ງອອກເຂົ້າສານໜຽວ ຈໍານວນ 1.000 ໂຕນ ໄປປະເທດຝຮັ່ງຕາມທີ່ໄດ້ເຊັນສັນຍາກັນ ຄາດວ່າຈະມີຂຶ້ນໃນທ້າຍປີ 2022 ຫຼື ຕົ້ນປີ 2023.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.