ເມົາແລ້ວຂັບຂີ່ ເກີດອຸບັດຕິເຫດຕຳ 7 ຄັນຊ້ອນ

    0
    37

    ອຸບັດຕິເຫດລົດຟໍຈູນເນີ້ ຕຳລົດ 7 ຄັນຊ້ອນ ຢູ່ໄຟອຳນາດທາດຫຼວງ ເມືອງໄຊເສດຖາ ນະ ຄອນຫຼວງວຽງຈັນ. ໃນເບື້ອງຕົ້ນ, ຜູ້ຂັບຂີ່ອ້າງວ່າ ເບຼກລົດບໍ່ຢູ່, ແຕ່ເຈົ້າໜ້າທີ່ສືບສວນຢ່າງລະອຽດ ເປັນການເມົາແລ້ວຂັບຂີ່.

    ພັທ ອຳພອນ ຄຳອຸ່ນທອນ ຊີ້ນຳຈາລະຈອນເມືອງໄຊເສດຖາ ໃຫ້ຂໍ້ມູນວ່າ: ໃນເວລາ 15:00 ໂມງ ຂອງວັນທີ 16 ກັນຍາ 2022 ທີ່ຜ່ານມາ, ເກີດອຸບັດເຫດລົດຕໍາ 7 ຄັນຊ້ອນ ຢູ່ 4 ແຍກໄຟອຳນາດທາດຫຼວງ. ໃນນັ້ນ, ເປັນລົດຈັກ 5 ຄັນ ແລະ ລົດໃຫຍ່ 2 ຄັນ. ຕົ້ນເຫດຂອງອຸບັດເຫດແມ່ນລົດຈິບ ຟໍຈູນເນີ ທີ່ຂັບຂີ່ມາແຕ່ທາດຫຼວງ ພໍຮອດຈຸດເກີດເຫດຜູ້ກ່ຽວໄດ້ຕຳເອົາລົດຈັກຈອດຢູ່ໄຟແດງ 5 ຄັນ ແລ້ວໄປຕຳເອົາລົດໃຫຍ່ອີກ 2 ຄັນ ທີ່ພວມແລ່ນຜ່ານໄຟຂຽວ ເຮັດໃຫ້ພາຫະນະເພ່ເປ ແລະ ມີຄົນໄດ້ຮັບບາດເຈັບເລັກໜ້ອຍ.

    ຈາກການສອບສວນຂອງເຈົ້າໜ້າທີ່ພົບວ່າ: ສາເຫດຂອງ ການເກີດອຸບັດເຫດຄັ້ງນີ້ແມ່ນຜູ້ຂັບຂີ່ລົດຟໍຈູນເນີ ມີອາການມຶນເມົາ, ສ່ວນຜົນເສຍຫາຍທີ່ເກີດຂຶ້ນຜູ້ກ່ຽວຍອມຮັບຜິດຊອບ ສ້ອມແປງ ແລະ ປິ່ນປົວຄູ່ກໍລະນີທັງໝົດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.