ມອບຈັກກັອບປີ້ ມູນຄ່າ 60 ລ້ານດົງ ໃຫ້ ປກສ ເມືອງວຽງໄຊ

    0
    33

    ກອງບັນຊາການຕຳຫຼວດ ແຂວງແທ່ງຮ່ວາ ສສ ຫວຽດນາມ ໄດ້ມອບຈັກກັອບປີ້ 1 ເຄື່ອງ ມູນຄ່າ 60 ລ້ານດົງ ໃຫ້ກອງບັນຊາການ ປກສ ເມືອງວຽງໄຊ ແຂວງຫົວພັນ ສປປ ລາວ ໃນວັນທີ 14 ກັນຍາ 2022, ກ່າວມອບໂດຍ ພັທ ເລດີ້ງ ແອັງ ຮອງຫ້ອງ PC 04 ກອງບັນຊາການຕຳຫຼວດແຂວງແທ່ງຮ່ວາ ສສ ຫວຽດນາມ, ກ່າວຮັບ ໂດຍ ພັທ ທອນມີ ແກ້ວຈິນດາ ຫົວໜ້າກອງບັນຊາການ ປກສ ເມືອງວຽງໄຊ ມີຄະນະທັງສອງຝ່າຍ ເຂົ້າຮ່ວມເປັນສັກຂິພະຍານ.

    ພັທ ເລດິ້ງ ແອັງ ກ່າວວ່າ: ການນຳເອົາເຄື່ອງກັອບປີ້ມາມອບໃຫ້ໃນຄັ້ງນີ້ ຍ້ອນເຫັນໄດ້ຄວາມໝາຍຄວາມສຳຄັນຂອງວຽກງານການຈັດຕັ້ງວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຢູ່ເມືອງວຽງໄຊ ເພື່ອປະກອບສ່ວນເຂົ້າໃນວຽກງານວິຊາສະເພາະໃຫ້ໄດ້ຕາມຈຸດປະສົງຄາດໝາຍ ແລະ ໄດ້ຮັບໝາກຜົນດີຂຶ້ນກ່ວາເກົ່າ.

    ໃນໂອກາດດັ່ງກ່າວ, ພັທ ທອນມີ ແກ້ວຈິນດາ ກ່າວສະແດງຄວາມຂອບໃຈມາຍັງ ພັທ ເລດີ້ງ ແອັງ ພ້ອມດ້ວຍຄະນະທີ່ມອບຈັກກັອບປີ້ມາໃຫ້ຄັ້ງນີ້, ພ້ອມທັງອວຍພອນໄຊໃຫ້ທ່ານຈົ່ງປະສົບຜົນສຳເລັດໃນໜ້າທີ່ວຽກງານ, ມີຄວາມເຂັ້ມແຂງເຕີບໃຫ່ຍຍິ່ງຂຶ້ນເລື້ອຍໆພ້ອມກັນຊ່ວຍເຫຼືອປະກອບສ່ວນເຂົ້າໃນວຽກງານການຈັດຈັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແລະ ຈະນຳໃຊ້ອຸປະກອນດັ່ງກ່າວເພື່ອໝູນໃຊ້ເຂົ້າໃນວຽກງານວິຊາສະເພາະໃຫ້ເກີດປະໂຫຍດສູງສູດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.