ຈັບລາຍໃຫຍ່ທີ່ບໍ່ແກ້ວອີກແລ້ວຂອງກາງລັອດໃຫຍ່

    0
    39

    ຈັບຜູ້ຂາຍຢາບ້າ 33,5 ລ້ານເມັດ ແລະ ຢາໄອສ໌ 500 ກິໂລ.

    ວັນທີ 23 ກັນຍາ 2022 ນີ້, ເຈົ້າໜ້າທີ່ ປກສ ແຂວງບໍ່ແກ້ວ ມ້າງຄະດີຢາເສບຕິດລາຍໃຫຍ່ໄດ້ ແລະ ສາມາດຈັບຜູ້ຖືກຫາ ໄດ້ 3 ຄົນ ລວມມີຂອງກາງ ຢາບ້າ 33.500.000 ເມັດ,ຢາໄອສ໌ 500 ກິໂລກຼາມ. ເຈົ້າໜ້າທີ່ ປກສ ແຂວງບໍ່ແກ້ວ ໃຫ້ຮູ້ວ່າ: ໃນເບື້ອງຕົ້ນ ເຈົ້າໜ້າທີ່ສາມາດຈັບ ທ້າວ ສົມຫວັງວ່າ ອາຍຸ 34 ປີ ແລະ ນາງ ເຢັງຢາງ ອາຍຸ 18 ປີ(ຜົວ- ເມຍ) ທັງສອງ ຢູ່ບ້ານຮົ່ມເຢັນ ເມືອງຕົ້ນເຜິ້ງ ແຂວງບໍ່ແກ້ວ ກວດຄົ້ນລົດກະບະຣີໂວ້ ພົບຂອງກາງ ຢາບ້າ 300.000 ເມັດ ຊຸກເຊື່ອງຢູ່ໃນທ້າຍລົດ.

    ຈາກນັ້ນ ຜິ້ກ່ຽວໄດ້ໃຫ້ການຊັດທອດຫາທ້າວ ດວງແກ້ວ ແລະ ທ້າວ ອາລຸນ ທັງສອງຢູ່ບ້ານ ສີບຸນເຮືອງ ເມືອງ ຕົ້ນເຜິ້ງ. ຕໍ່ມາເຈົ້າໜ້າທີ່ ກວດເຄຫາສະຖານ ທ້າວ ອາລຸນ ພົບເຫັນຢາບ້າ ຈຳນວນ 200.000 ເມັດ, ເຄຕາມິນ 1 ຖົງ ສ່ວນຜູ້ກ່ຽວ ໄດ້ຫຼົບໜີ .

    ຈາກນັ້ນ,ເຈົ້າໜ້າທີ່ ກໍໄດ້ເຂົ້າກວດຄົ້ນເຄຫະສະຖານຂອງທ້າວ ດວງແກ້ວ ພົບເຫັນຢາບ້າ ຈຳນວນ 33 ລ້ານເມັດ ແລະ ຢາໄອສ໌ 500 ກິໂລກຼາມ ຊຸກເຊື່ອງຢູ່ໃນສາງມ້ຽນເຄື່ອງ ຈຶ່ງໄດ້ກັກຕົວ ຊື່ ນາງ ບ້ຳ ອາຍຸ 41 ປີ ເມຍສ່ວນຜູ້ເປັນຜົວໄດ້ໄຫວຕົວທັນແລ້ວຫຼົບໜີ ກ່ອນເຈົ້າໜ້າທີ່ເຂົ້າກວດຄົ້ນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.