ການກໍ່ສ້າງຕະຫຼາດວັດທະນະທຳນາໆຊາດ ຢູ່ແຂວງບໍ່ແກ້ວຈະສໍາເລັດໃນປີນີ້

    0
    46

    ຄະນະກຳມະການໂຄງການຕະຫຼາດວັດທະນະທຳນາໆຊາດລາຍງານເມື່ອມໍ່ໆມານີ້ໃຫ້ຮູ້ວ່າ: ການກໍ່ສ້າງໂຄງການຕະຫຼາດວັດທະນະທຳນາໆຊາດ ຢູ່ເຂດເສດຖະກິດພິເສດສາມຫຼ່ຽມຄຳ ທີ່ ເມືອງຕົ້ນເຜິ້ງ ແຂວງ ບໍ່ແກ້ວ ຮອດປັດຈຸບັນນີ້ ສໍາເລັດແລ້ວຫຼາຍກວ່າ 50% ພາຍຫຼັງທີ່ເລີ່ມລົງມືກໍ່ສ້າງໃນປີ 2021 ແລະ ຄາດວ່າຈະສໍາເລັດພາຍໃນປີ 2022 ນີ້.

    ໂຄງການດັ່ງກ່າວໄດ້ລົງທຶນຫຼາຍກວ່າ 100 ລ້ານໂດລາ ໃນເນື້ອທີ່ 7 ເຮັກຕາ, ເປັນໂຄງການໜຶ່ງໃນຫຼາຍໂຄງການທີ່ມີຄວາມສຳຄັນຕໍ່ກັບການພັດທະນາເສດຖະກິດຂອງປະເທດລາວ ໂດຍສະເພາະພາຍໃນແຂວງບໍ່ແກ້ວ ເພາະໂຄງການນີ້ຈະກາຍເປັນສະຖານທີ່ທ່ອງທ່ຽວແຫ່ງໃໝ່ທີ່ປະກອບມີສິ່ງອໍານວຍຄວາມສະດວກຕ່າງໆ ເຊັ່ນ: ໂຮງແຮມ, ຕະຫຼາດນໍ້າ, ຮ້ານກາເຟ, ຮ້ານອາຫານ, ສະຖານບັນເທີງ ແລະ ກິດຈະກໍາອື່ນໆທີ່ເນັ້ນຮັກສາ ແລະ ອະນຸລັກປະເພນີອັນດີງາມຂອງປະເທດລາວ ປະສົມປະສານກັບຄວາມທັນສະໄໝ ເຊິ່ງຈະກາຍເປັນສູນກາງທີ່ຈະດຶງດູດກຸ່ມເປົ້າໝາຍນັກທ່ອງທ່ຽວທັງພາຍໃນ ແລະ ຕ່າງປະເທດຈາກທົ່ວທຸກມູມໂລກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.