ກະຊວງສາທາ ມອບໃບອະນຸຍາດເຄື່ອນໄຫວວິຊາຊີບປິ່ນປົວ ໃຫ້ທ່ານໝໍ 337 ທ່ານ ເພື່ອຢັ້ງຢືນມາດຕະຖານຄວາມສາມາດຂອງຜູ້ປະກອບການວິຊາຊີບປິ່ນປົວ

    0
    34

    ກະຊວງສາທາລະນະສຸກ ມອບໃບອະນຸຍາດເຄື່ອນໄຫວວິຊາຊີບປິ່ນປົວ ໃຫ້ທ່ານໝໍ 337 ທ່ານ ເພື່ອຢັ້ງຢືນມາດຕະຖານຄວາມສາມາດຂອງຜູ້ປະກອບການວິຊາຊີບປິ່ນປົວ

    ພິທີມອບໃບອະນຸຍາດເຄື່ອນໄຫວວິຊາຊີບປິ່ນປົວໃຫ້ແກ່ທ່ານໝໍ, ທັນຕະແພດ, ພະຍາບານ ແລະ ພະດຸງຄັນ ໄດ້ມີຂຶ້ນໃນວັນທີ 29 ກັນຍາ 2022 ຜ່ານມາ ທີ່ໂຮງໝໍມິດຕະພາບ, ໂດຍການເຂົ້າຮ່ວມຂອງ ທ່ານ ສະໜອງ ທອງຊະນະ ຮອງລັດຖະມົນຕີກະຊວງສາທາລະນະສຸກ, ທ່ານ ປອນເມກ ດາລາລອຍ ປະທານສະພາຄຸ້ມຄອງວິຊາຊີບປິ່ນປົວ ແລະ ທ່ານ ສອນໄຊ ລາດຊະວົງ ຜູ້ອຳນວຍການໂຮງໝໍມິດຕະພາບ.

    ການມອບໃບອະນຸຍາດເຄື່ອນໄຫວວິຊາຊີບປິ່ນປົວຄັ້ງນີ້ ມີ 337 ທ່ານ, ໃນນັ້ນທ່ານໝໍ 167 ທ່ານ, ທັນຕະແພດ 18 ທ່ານ, ພະຍາບານ 141 ທ່ານ ແລະ ຜະດຸງຄັນ 11 ທ່ານ; ເພື່ອຢັ້ງຢືນມາດຕະຖານດ້ານຄວາມສາມາດຂອງຜູ້ປະກອບການວິຊາຊີບປິ່ນປົວ ແນໃສ່ຮັບປະກັນຄຸນນະພາບ ແລະ ຄວາມປອດໄພຂອງການບໍລິການສຸຂະພາບ

    ແລະ ມາດຕະຖານການປະຕິບັດງານດ້ານວິຊາຊີບປິ່ນປົວ. ສະນັ້ນ, ກະຊວງສາທາລະນະສຸກຈຶ່ງໄດ້ອອກໃບຢັ້ງຢືນຕາມເງື່ອນໄຂ, ຂອບເຂດ, ມາດຖານ, ຈັນຍາບັນຂອງແຕ່ລະສາຂາວິຊາຊີບວາງອອກຢ່າງເຂັ້ມງວດ ເຊິ່ງການໄດ້ຮັບໃບອະນຸຍາດດັ່ງກ່າວ ແມ່ນຂີດໝາຍສໍາຄັນທີ່ຢັ້ງຢືນວ່າບັນດາຜູ້ປະກອບວິຊາຊີບປິ່ນປົວໄດ້ພຽບພ້ອມໄປດ້ວຍເງື່ອນໄຂ ແລະ ມາດຖານຄວາມຮູ້, ຄວາມສາມາດ, ຄວາມຊໍານານ ສາມາດເຄື່ອນໄຫວວິຊາຊີບຂອງຕົນຖືກຕ້ອງຕາມລະບຽບກົດໝາຍຈັນຍາບັນ ແລະ ຈັນຍາທໍາ.

    ສໍາລັບໃບຢັ້ງຢືນນີ້ແມ່ນມີອາຍຸການນໍາໃຊ້ 5 ປີ ເມື່ອໄດ້ຮັບໃບ ອະນຸຍາດແລ້ວຜູ້ປະກອບວິຊາຊີບຈະໄດ້ເຄື່ອນໄຫວວຽກງານການປິ່ນປົວຖືກ ຕ້ອງຕາມລະບຽບກົດຫມາຍ ແລະ ຜູ້ປະກອບວິຊາຊີບປິ່ນປົວຈະໄດ້ສືບຕໍ່ຍົກລະດັບຄວາມຮູ້, ຄວາມສາມາດ, ປະສົບການຢູ່ຕະຫລອດເວລາ ສະສົມຄະແນນ ແລະ ຜົນງານຕາມຂະບວນການພັດທະນາ ວິຊາຊີບ

    ປິ່ນປົວຢ່າງຕໍ່ເນື່ອງ ເພື່ອຮັບປະກັນຄຸນນະພາບ ແລະ ຄວາມປອດໄພຂອງການບໍລິການສຸຂະພາບຕອບສະໜອງໄດ້ຕາມນະໂຍບາຍ 5 ດີ 1 ພໍໃຈ ທີ່ກະຊວງສາທາລະນະສຸກວາງອອກຢ່າງເຂັ້ມງວດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.