ເຈົ້າໜ້າທີ່ຈັບຊາຍໜຸ່ມ ອາຍຸ 30 ປີ ລັກລອບຂາຍຢາເສບຕິດໄປດຳເນີນຄະດີ

    0
    68

    ວັນທີ 22 ກັນຍາ 2022 ຜ່ານມານີ້, ເຈົ້າໜ້າທີ່ ປກສ ເມືອງຫົວເມືອງ ແຂວງຫົວພັນ ຈັບຕົວເປົ້າໝາຍຄ້າ – ຂາຍຢາເສບຕິດ ຊື່ ທ້າວ ໂອນ ອາຍຸ 30 ປີ, ປະຊາຊົນ ຢູ່ບ້ານບວກໃຕ້ ເມືອງຫົວເມືອງ ແຂວງຫົວພັນ ພ້ອມດ້ວຍຂອງກາງຢາບ້າ ຈຳນວນ 197 ເມັດ ແລະ ລົດຈັກຮອນດາ 1 ຄັນ.

    ເຈົ້າໜ້າທີ່ ປກສ ເມືອງຫົວເມືອງ ໃຫ້ຮູ້ວ່າ: ພາຍຫຼັງສືບຮູ້ວ່າ ທ້າວ ໂອນ ມີການເຄື່ອນໄຫວຄ້າ-ຂາຍຢາເສບຕິດຢູ່ພາຍໃນບ້ານບວກໃຕ້ ແລະ ຂອບ ເຂດຂອງກຸ່ມປ່າຄາ-ນາແລ້ງ ຈຶ່ງນໍາກໍາລັງເຂົ້າຈັບຕົວຜູ້ກ່ຽວຢູ່ເຮືອນ ພ້ອມທັງກວດຄົ້ນຕົວພົບຂອງກາງຢາບ້າ 197 ເມັດ; ພ້ອມລົດຈັກຮອນດ້າ 1 ຄັນ. ຜ່ານການສອບສວນໃນເບື້ອງຕົ້ນ, ຜູ້ກ່ຽວໄດຮັບສາລະພາບວ່າ: ເຄື່ອງຂອງກາງດັ່ງກ່າວແມ່ນຂອງຜູ້ກ່ຽວແທ້ ແລະ ໄດ້ເຄື່ອນໄຫວຄ້າ-ຂາຍຢາເສບຕິດຢູ່ຂອບເຂດບໍລິເວນດັ່ງກ່າວແທ້ຢາບ້າດັ່ງກ່າວແມ່ນຊື້ມາຈາກຜູ້ຮ່ວມຂະບວນການດຽວກັນ.

    ປັດຈຸບັນ, ເຈົ້າໜ້າທີ ປກສ ເມືອງຫົວເມືອງ ໄດ້ປະກອບສຳນວນ-ສຳເນົາຄະດີມອບໃຫ້ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງຫົວພັນ ດຳເນີນຕາມຂັ້ນຕອນຂອງກົດໝາຍຕໍ່ໄປ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.