ຊ່ວງເຮືອທ່າວັດຈັນ 2022 ແຂ່ງທ້າຍອາທິດນີ້ ເຮືອຮ່ວມຊີງໄຊທັງໝົດ 30 ກວ່າລໍາ

    0
    76

    ການແຂ່ງຂັນຊ່ວງເຮືອ ໃນງານບຸນອອກພັນສາປະວໍລະນາ ແລະ ບຸນຊ່ວງເຮືອ ປະຈຳປີ 2022 ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈະເປີດສາກຂຶ້ນໃນວັນທີ 10 ຕຸລານີ້ ໂດຍມີການຊີງໄຊພຽງແຕ່ 3 ລາຍການ ເພາະປີນີ້ປີນີ້ບໍ່ມີເຮືອສູດ ໂດຍໃນເບື້ອງຕົ້ນມີພາກສ່ວນແຈ້ງເຈດຈຳນົງເຂົ້າຮ່ວມແຂ່ງຂັນເຖິງ 40 ລຳແລ້ວ, ໃນນີ້ເຮືອກິລາ ມີ 20 ລຳ ແລະ ເຮືອປະເພນີຍິງ-ຊາຍ ມີ 12 ລໍາ.

    ກ່ອນໜ້ານີ້ ທ່ານ ບຸນເຖິງ ສຸວັນນະສີ ຮອງເລຂາພັກເມືອງ, ປະທານກວດກາພັກ-ລັດເມືອງ ທັງເປັນຮອງປະທານຈັດງານ ຄະນະຮັບຜິດຊອບຈັດການແຂ່ງຂັນ ໄດ້ມີການລາຍງານໃນພິທີຖະແຫຼງຂ່າວຈັດການຂ່ງຂັນເຮືອເມື່ອບໍ່ດົນມານີ້ວ່າ: ພວກເຮົາໄດ້ມີການລົງຕິດຕາມ ແລະ ກວດກາແລວນໍ້າທີ່ຈະຈັດການແຂ່ງຂັນ ກໍສາມາດປະເມີນລວງເລິກຂອງນໍ້າຢູ່ປະມານ 3-4 ແມັດ.

    ຫຼ້າສຸດວັນທີ 5 ຕຸລາ 2022 ໄດ້ມີການຈັບສະຫຼາກຢ່າງເປັນທາງການ, ສ່ວນມື້ແຂ່ງຂັນແມ່ນກຳນົດວັນທີ 10 ຕຸລາ 2022 ຈະແຂ່ງຂັນເຮືອນກີລາ ປີນີ້ມີຈຳນວນ 21 ລຳເຂົ້າຮ່ວມ ແລະ ວັນທີ 11 ຕຸລາ 2022 ແຂ່ງຂັນເຮືອປະເພນີ ມີຈຳນວນ 12 ລຳ ( ຍິງ 5 ລຳເຂົ້າຮ່ວມ ) ໂດຍຜົນຈັບສະຫຼາກມີດັ່ງນີ້:

    +ເຮືອກີລາ ມີ 21 ລໍາຄື:
    -ສາຍ ກ: ພະຍານະຄະລາດ, ທິດາສາຍແວວ, BK ຮອນດ້າ, ບໍລິສັດ ອິນທະພອນ, ມາລິໂອ ພາລວຍ ແລະ ອົງສາຟາມ.
    -ສາຍ ຂ: ເທບພະພຸດເຕົ່າທອງ, ເຈົ້າແມ່ອໍລະໄທ, ນ້ອງໃໝ່ເທບພະນັນໄຊ, ທິດາສາຍແວວ ແລະ ພອນສະຫວັນ
    -ສາຍ ຄ: ພອນສະຫວັນ 2, ບ້ານ ຫາຍໂສກ, ບໍລິສັດ ອະພິມາ, ເທບພອນໄຊ ແລະ ສຸນຄົ້ນຄວ້າສາຍພັນເຂົ້າ
    -ສາຍ ງ: ໂຕໂນ ພາລວຍ, ບ້ານທ່າເດື່ອ, ເພັດມີໄຊ 2, ເພັດມີໄຊ 1 ແລະ ເຈົ້າແມ່ປະກາດສິດ.

    +ເຮືອປະເພນີຊາຍ ມີ 7 ລໍາຄື:
    -ສາຍ ກ: ນະຄອນຫຼວງອຸດສະຫະກໍາເຫຼັກ, ບ້ານຫາດສວນ, ບໍລິສັດ ແສງເພັດເກັບກູ້ລະເບີດ ແລະ ເມືອງໄຊທານີ
    -ສາຍ ຂ: ທິດາສາຍແວວ, ທິດາສ້ອຍຟ້າ ແລະ ສີຖານໃຕ້

    +ເຮືອປະເພນີຍິງ ມີ 5 ລໍາຄື:ສາຍ ກ: ບ້ານຫາດສ້ຽວ, ຫາດສວນ ແລະ ເມຶືອງໄຊທານີສາຍ ຂ: ບໍລິສັດ ດວງຕາຫີນ-ຊາຍ ແລະ ບ້ານທ່າພະ.

    ສໍາລັບ ປະເພດຂັນລາງວັນ ແລະ ເງິນສົດ ປະເພດເຮືອກິລາ 12 ສີພາຍ ລາງວັນທີ 1 ຂັນໂລ 1 ໜ່ວຍ ມູນຄ່າ 1.850.000 ກີບ ພ້ອມເງິນສົດ 10.000.000 ກີບ, ລາງວັນທີ 2 ຂັນໂລ 1 ໜ່ວຍ ມູນຄ່າ 1.850.000 ກີບ ພ້ອມເງິນສົດ: 8.000.000 ກີບ, ລາງວັນທີ 3 ຂັນໂລ 1 ໜ່ວຍ ມູນຄ່າ 1.850.000 ກີບ ພ້ອມເງິນສົດ 6.000.000 ກີບ ແລະ ລາງວັນທີ 4 ບໍ່ມີຂັນ ມີເງິນສົດ 4.000.000 ກີບ.

    ສ່ວນ ປະເພດເຮືອປະເພນີຍິງ ແລະ ເຮືອປະເພນີຊາຍ 55 ສີພາຍ ໄດ້ຮັບເທົ່າກັນ ລາງວັນທີ 1 ຂັນເງິນນ້ຳໜັກ 1 ກິໂລກຣາມ ມູນຄ່າ 19.700.000 ກີບ ພ້ອມເງິນສົດ 20.000.000 ກີບ, ລາງວັນທີ 2 ຂັນເງິນນ້ຳໜັກ 0,75 ກຣາມ ມູນຄ່າ 15.250.000 ກີບ ພ້ອມເງິນສົດ 15.000.000 ກີບ, ລາງວັນທີ 3 ຂັນເງິນນ້ຳໜັກ 0,5 ກຣາມ ມູນຄ່າ 12.000.000 ກີບ ພ້ອມເງິນສົດ 10.000.000 ກີບ ແລະ ລາງວັນທີ 4 ບໍ່ມີຂັນ ມີແຕ່ເງິນສົດ 6.000.000 ກີບ.
    ໂດຍ: Larh Creators

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.