ເຈົ້າໜ້າທີ່ ປກສ ເມືອງກວັນ ຈັບເປົ້າໝາຍ ໄດ້ 2 ຄົນ ພ້ອມພົບເຫັນຂອງກາງ ປະເພດຢ າ ບ້ າ

    0
    49

    ເຈົ້າໜ້າທີ່ ແຂວງຫົວພັນ ສືບຮູ້ກຸ່ມຄົນຈໍານວນໜຶ່ງເຄື່ອນໄຫວຄ້າຂາຍຢາເສບຕິດຢູ່ຂອບເຂດບ້ານກໍຝູງ ແລະ ບ້ານຫ້ວຍໄຮ ເມືອງກວັນ. ຮອດເວລາ 13:00 ໂມງ ຂອງ ວັນທີ 25 ມີຖຸນາ 2022, ໄດ້ນໍາກໍາລັງເຂົ້າໄປກວດຄົ້ນຕົວເປົ້າໝາຍຊື່ທ້າວ ບຸນລຽງ ອາຍຸ 30 ປີ ຢູ່ບ້ານກໍຝູງ ຢູ່ເຮືອນນ້ອງຊາຍຂອງຜູ້ກ່ຽວ.

    ຜ່ານການກວດຄົ້ນຂອງເຈົ້າໜ້າທີ່, ພົບເຫັນຂອງກາງ ປະເພດຢາບ້າຈໍານວນ 1 ຖົງ ມີ 80 ເມັດຢູ່ໃນຖົງ ໂສ້ງຂອງຜູ້ກ່ຽວ, ລູກປືນຍິງຄອນກີດ 24 ລູກ. ຮອດເວລາ 14:00 ໂມງຂອງວັນດຽວກັນ: ເຈົ້າໜ້າທີ່ວິຊາສະເພາະ ໄດ້ເຂົ້າກວດຄົ້ນເຮືອນຂອງ ທ້າວ ຊົງໄຖ ອາຍຸ 50 ປີ ຢູ່ ບ້ານຫ້ວຍໄຮ ກຸ່ມບ້ານພັນທອງ ເມືອງກັວນ ແຂວງຫົວພັນ.

    ຜ່ານການກວດຄົ້ນຂອງເຈົ້າໜ້າທີ່ ໄດ້ພົບເຫັນຂອງກາງປະເພດຢາບ້າຈໍານວນ 14 ເມັດ ເງິນ 295.000 ກີບ ຢູ່ໃນຖົງໂສ້ງຂອງຜູ້ກ່ຽວ, ຝີ່ນ 1 ຈອກນ້ອຍ ແລະ ປືນແກັບ 2 ກະບອກ ຢູ່ໃນຫ້ອງນອນຜູ້ກ່ຽວ. ດັ່ງນັ້ນ, ເຈົ້າໜ້າທີ່ ປກສ ເມືອງກວັນ ຈຶ່ງຢຶດຂອງກາງຈໍານວນດັ່ງກ່າວ, ພ້ອມທັງຈັບຕົວ ພວກກ່ຽວທັງ 2 ຄົນ ມາດໍາເນີນຄະດີຕາມຂັ້ນຕອນຂອງກົດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.