ເຕືອນໄພ ມີກຸ່ມຄົນບໍ່ດີໃຊ້ໄມ້ ແລະ ເຄື່ອງຂອງມີຄົມລັດລົດຈັກຢູ່ເສັ້ນທາງສາຍນ້ຳເງິນ

    0
    52

    ພົນລະເມືອງດີ ໂພສເຕືອນໄພ ມີກຸ່ມຄົນບໍ່ດີໃຊ້ໄມ້ ແລະ ເຄື່ອງຂອງມີຄົມລັດລົດຈັກຢູ່ເສັ້ນທາງສາຍນ້ຳເງິນ

    ເວລາປະມານ 02:00 ວັນທີ 7 ຕຸລານີ້, ມີກຸ່ມຜູ້ຊາຍບໍ່ດີ 4 ຄົນຂີ່ລົດຈັກມາ 2 ຄັນໄດ້ໃຊ້ໄມ້ ແລະຂອງ ມີຄົມລັດລົດຈັກ Honda wave100 ຢູ່ເສັ້ນທາງສາຍນ້ຳເງິນ ທາງຊອດໃສ່ບ້ານຫ້ວຍຫົງ ຮ່ອມ 9. ຫລັງກໍ່ເຫດ ພວກກ່ຽວໄດ້ເອົາໂທລະສັບ, ລົດ ແລະ ເງິນຈຳນວນໜຶ່ງໃນກະເປົາໄປ. ສ່ວນເຈົ້າຂອງລົດຖືກເຈັບໜັກ ໂດຍມີບາດແຜຢູ່ໜ້າຜາກຈີກກວ້າງ ແລະ ບາດແຜຖືກປາດຢູ່ຂໍ້ມື ພ້ອມທັງບາດແຜຕາມຕົນໂຕອີກ.

    ຜູ້ເຄາະຮ້າຍເລົ່າວ່າ:ຫລັງເກີດເຫດການກໍມີພົນລະເມືອງດີຂີ່ລົດຈັກພາຕົນໄປຫ້ອງການບ້ານສາຍນ້ຳເງິນ, ແຕ່ຫ້ອງການບ້ານປິດ ແລະ ບໍ່ມີຄົນຢູ່ ຕົນຈຶ່ງໃຫ້ພົນລະເມືອງດີມາສົ່ງຢູ່ຮ່ອມບ້ານແລ້ວທັງຍ່າງທັງໄຫ້.

    ຈາກເຫດການດັ່ງກ່າວ, ຂໍເຕືອນຜູ້ທີ່ທຽວເສັ້ນທາງນີ້ໃຫ້ມີສະຕິລະມັດລະວັງ ແລະ ຫວັງວ່າເຫດການນີ້ເຈົ້າໜ້າທີ່ຈະສາມາດຈັບໂຈນມາລົງໂທດຕາມລະບຽບກົດໝາຍໄດ້ໂດຍໄວ.

    ພ້ອມທັງຮຽກຮ້ອງໃຫ້ເຈົ້າໜ້າທີ່ເລັ່ງແກ້ໄຂບັນຫາຫຍໍ້ທໍ້ດັ່ງກ່າວໃຫ້ໝົດໄປ ຕາມຄຳຂວັນ 6 ສ ທີ່ນະຄອນຫລວງວຽງຈັນວາງອອກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.