ແຕ່ງຕັ້ງຄະນະຮັບຜິດຊອບ ແລະ ເລັ່ງແກ້ໄຂຄະດີລັກພາຕົວ ແລະ ຄາຕະກຳ ອຳພາງສົບໃສ່ກະເປົາແລ້ວຖິ້ມລົງແມ່ນ້ຳຂອງ

    0
    49

    ເຈົ້າໜ້າທີ່ເລັ່ງແກ້ໄຂຄະດີລັກພາຕົວ ແລະ ຄາຕະກຳ ອຳພາງສົບໃສ່ກະເປົາແລ້ວຖິ້ມລົງແມ່ນ້ຳຂອງ

    ວັນທີ 7ຕຸລາ 2022 ນີ້ ເຈົ້າໜ້າທີ່ ປ້ອງກັນຄວາມສະຫງົບລາຍງານວ່າ: ຕໍ່ກັບເຫດການສະເທືອນໃຈ ເຈົ້າໜ້າທີ່ປະເທດໄທພົບສົບຜູ້ເສຍຊີວິດຖືກຈັບໃສ່ກະເປົາ ໄຫລຄ້າງຢູ່ແຄມນ້ຳຂອງເຂດເທສະບານເມືອງທາດພະນົມ ຈັງຫວັດນະຄອນພະນົມ ປະເທດໄທ ໃນວັນທີ 28 ກັນຍາ 2022 ເຈົ້າໜ້າທີ່ໄດ້ກວດກະເປົາພົບເຫັນຜູ້ເສຍຊີວິດເປັນເພດຍິງມີ

    ລວງສູງປະມານ 160 ຊັງຕີແມັດ ຜິວຂາວ ມີບາດແຜໃຫຍ່ຢູ່ໃບໜ້າ ເຊິ່່ງບໍ່ສາມາດລະບຸໄດ້ຮູບປະພັນສັນຖານລະອຽດໄດ້ ຈາກນັ້ນ ຈຶ່ງໄດ້ມີການເກັບກຳຂໍ້ມູນ ແລະ ສັນນະສູດສົບ ຜ່ານການເກັບກຳຂໍ້ມູນໃນເບື້ອງຕົ້ນຄາດວ່າຜູ້ເສຍຊີວິດອາດຈະເປັນຄົນລາວ.

    ດັ່ງນັ້ນເຈົ້າໜ້າທີ່ຕຳຫລວດລາວ ໄທ ໄດ້ປະສານສົມທົບກັນ ເພື່ອຊອກຫາຂ້ມູນທີ່ແທ້ຈິງກ່ຽວກັບຜູ້ເສຍຊີວິດ ແລະ ກໍໄດ້ຮັບຂໍ້ມູນລະອຽດຈາກຍາດພີ່ນ້ອງທີ່າເຂົ້າແຈ້ງຕໍ່ເຈົ້າໜ້າທີ່ຈຶ່ງຮູ້ວ່າຜູ້ເສຍຊີວິດ ຄືນາງ ວິພາພອນ ກອນສິນ ອາຍຸ 36 ປີ ພັກເຊົາຢູ່ບ້ານວຽງຈະເລີນ ເມືອງໄຊເຊດຖາ ນະຄອນຫລວງວຽງຈັນ ເຊິ່ງຜູ້ກ່ຽວໄດ້ຫາຍຕົວໄປຕັ້ງແຕ່ວັນທີ 10 ກັນຍາ 2022.

    ຫລ້າສຸດ ກົມໃຫຍ່ຕຳຫຼວດ ກະຊວງ ປກສ ອອກຂໍ້ຕົກລົງ ເລກທີ 421/ຕຫຼ ລົງວັນທີ 4 ຕຸລາ 2022 ວ່າດ້ວຍແຕ່ງຕັ້ງຄະນະສະເພາະກິດຮັບຜິດຊອບດຳເນີນຄະດີການລັກພາຕົວ ແລະ ຄາຕະກຳ ນາງ ວິພາພອນ ກອນສິນ ຜູ້ຖືກເຄາະຮ້າຍໃນລະຫວ່າງວັນທີ 10-28 ກັນຍາ 2022. ໃນນີ້ໄດ້ແຕ່ງຕັ້ງ:

    ພົຈວ ແກ່ນຈັນ ພົມມະຈັກ ຮອງຫົວໜ້າກົມໃຫຍ່ຕຳຫຼວດ ຫົວໜ້າກົມຕຳຫຼວດສືບສວນ-ສອບສວນ ເປັນຫົວໜ້າ. , ພັອ ປອ ດວງຈັນ ວົງວິໄຊ ຮອງຫົວໜ້າກົມຕຳຫຼວດສືບສວນ-ສອບສວນ ເປັນຮອງ.ພັອ ອຸບົນ ຈຸນລະມະນີ ຮອງຫົວໜ້າກອງບັນຊາການ ປກສມນະຄອນຫຼວງວຽງຈັນ ຄະນະ. , ພັອ ວຽງຄອນ ໄຊຍະສີ ຮອງຫົວໜ້າກົມຕຳຫຼວດນິຕິວິທະຍາຄະນະ.

    ເພື່ອສ້າງແຜນດຳເນີນຄະດີ ແລະ ດຳເນີນການສືບສວນ ຕາມລະບຽບກົດໝາຍ ເຊິ່ງປະຊາຊົນຫວັງວ່າ ເຫດການຄັ້ງນີ້ ຜູ້ປະສົບເຄາະຮ້າຍຈະບໍ່ສູນເສຍເປົ່າ.
    ສະແດງຄວາມເສຍໃຈກັບເຫດການທີ່ເກີດຂຶ້ນຄັ້ງນີ້ດ້ວຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.