ໂທດແຕ່ໂຈນ ຕໍ່ໄປຕ້ອງມີສືບກັນກ່ອນວ່າແທ້ຫຼືຕວົະ! ຄະດີນີ້ພິກ ເພາະຄວາມຈິງຄືຕວົະເມຍວ່າໂຈດລັດ

    0
    35

    ພິກລັອກ! ອ້າງວ່າໂຈນປຸ້ນເອົາເງິນ ແທ້ຈິງແມ່ນເລື່ອງປອມເພາະຢ້ານຄອບຄົວຮ້າຍ
    ຈາກກໍລະຜູ້ໃຊ້ເຟສບຸກ “ສາຍບົວ ແລ້ງນໍ້າ” ໂພສລາຍງານວ່າ: ສົດໆຮ້ອນໆ ເວລາປະມານ 23:30 ຂອງວັນທີ 6 ຕຸລາ 2022 ນີ້ ເກີດ ໂຈນໄດ້ເອົາຄ້ອນໄມ້ຟາດໃສ່ໜ້າລົດໃຫຍ່ຢູ່ທາງເຂົ້າບ້ານາຍາງ ເມືອງນາຊາຍທອງ ເຮັດໃຫ້ຜູ້ກ່ຽວກະຕົກໃຈແລ້ວເສຍຫລັກລົງຄອງນ້ຳ ຈາກນັ້ນໂຈນໄດ້ເອົາໄຟຟ້າຊັອດ ຜູ້ກ່ຽວແລ້ວເອົາຊັບສິນໄປຈົນໝົດ.

    ເລື່ອງນີ້ໄດ້ນຳສະເໜີເປັນກໍລະຕິເຕືອນສະຕິສັງຄົມ.
    ຕໍ່ກັບເຫດການດັ່ງກ່າວ, ວັນທີ 7 ຕຸລາ 2022, ເຈົ້າໜ້າທີ່ ປກສ ກຸ່ມນໍ້າກ້ຽງ ເມືອງນາຊາຍທອງ ນະຄອນຫຼວງວຽງຈັນ ໄດ້ລົງເກັບກຳຂໍ້ມູນຫລັກຖານລະອຽດ ໂດຍເຫດການດັ່ງກ່າວ ແມ່ນລົດເກີດອຸບັດເຫດ ບໍ່ແມ່ນຖືກໂຈນປຸ້ນເອົາຊັບສິນແຕ່ຢ່າງໃດ, ຜູ້ກ່ຽວໄປສັງສັນກັບໝູ່ຈົນເມົາແລ້ວຊັບສິນເສຍຫາຍເວລາໃດກໍບໍ່ຮູ້ ແລະ ບໍ່ຮູ້ຈະເຮັດແນວໃດກໍເລີຍຕົວະຄອບຄົວ ວ່າຖືກໂຈນປຸ້ນເພາະຢ້ານຄອບຄົວຮ້າຍ.

    ຕາມຄໍາໃຫ້ການຂອງຜູ້ກ່ຽວຕໍ່ເຈົ້າໜ້າທີ່ວ່າ: ວັນທີ 6 ຕຸລາ 2022 ຜູ້ກ່ຽວໄດ້ຂັບຂີ່ລົດກະບະມາສະດ້າ ສີຂາວ ໝາຍເລກທະບຽນ ກນ 2068 ນະຄອນຫຼວງວຽງຈັນ ອອກໄປດື່ມເບຍກັບໝູ່ຢູ່ເຂດບ້ານດອນໜູນ, ຮອດເວລາປະມານ 22:30 ໂມງ ຜູ້ກ່ຽວຊອກເງິນ ຈຳນວນ 2 ລ້ານກີບ ແລະ ໜຶ່ງໝື່ນໜຶ່ງພັນບາດ ໃນຖົງໂສ້ງບໍ່ເຫັນ ຖາມໝູ່ທີ່ໄປນຳກັນກໍບໍ່ມີໃຜເຫັນ.

    ຈາກນັ້ນ ຜູ້ກ່ຽວກໍໄປສົ່ງໝູ່ທີ່ໄປນຳກັນຢູ່ເຮືອນ. ຮອດເວລາ 23 ໂມງ ຜູ້ກ້ຽວຈິ່ງຂັບລົດກັບບ້ານ ແຕ່ພໍຂັບຂີ່ຮອດທາງໂຄ້ງບ້ານນາຍາງ ເມືອງນາຊາຍທອງ ໄດ້ມີລົດຈັກຂີ່ສວນທາງມາເປີດໄຟຕາສູງໃສ່ເຮັດໃຫ້ຜູ້ກ່ຽວເຫລື້ອມຕາ ລົດຈິ່ງເສຍຫລັກຕົກລົງຂ້າງທາງ.
    ຜູ້ກ່ຽວລົງຈາກລົດກວດເບິ່ງເຫັນວ່າເປເພສົມຄວນ, ບໍ່ຮູ້ຈະເຮັດແນວໃດ ຢ້ານເມຍຮ້າຍດ່າ ຈິ່ງໄປນັ່ງຢູ່ໃນລົດ ແລ້ວໂທຫາເມຍ ຈາກນັ້ນ ໂທລະສັບກໍແບັດໝົດ ຜູ້ກ່ຽວນອນຫຼັບບໍ່ຮູ້ສຶກຕົວ ຮູ້ສຶກອີກຄັ້ງແມ່ນຢູ່ໂຮງຫມໍ 150 ຕຽງ ຈົນຮອດ 4 ໂມງເຊົ້າຂອງວັນທີ 7 ຕຸລາ ຈິ່ງໄດ້ອອກໂຮງໝໍກັບບ້ານ.

    .
    ໃນຂະນະທີ່ກຳລັງກັບບ້ານນັ້ນ ຜູ້ກ່ຽວກໍໄດ້ເລົ່າສູ່ເມຍຟັງວ່າ ຖືກໂຈນສອງຄົນ ລັດຕີລົດ ແລະ ເອົາໄມ້ຄ້ອນຕີໃສ່ການຄໍຈົນສະຫຼົບ ແລະ ໂຈນກໍໄດ້ເອົາຊັບສິນໄປໝົດ. ພໍຮອດເຮືອນ ກໍມີໝູ່ຄູ່ພີ່ນ້ອງໄປຢາມ ກໍໄດ້ເລົ່າສູ່ຄົນທີ່ໄປຢາມວ່າ ຖືກໂຈນປຸ້ນເອົາຊັບສິນໄປໝົດ. ຈາກນັ້ນ ຫມູ່ຂອງຜູ້ກ່ຽວກໍເອົາເລື່ອງດັ່ງກ່າວໄປໂພສລົງເຟສບຸກ ຈົນກາຍເປັນກະແສສັງຄົມ ເຮັດສັງຄົມແຕກຕື່ນ ວ່າໂຈນອອກອາລະວາດຫລາຍ.

    .
    ກໍລະນີດັ່ງກ່າວນີ້ເປັນການສ້າງຄວາມປັ່ນປ່ວນສັງຄົມ ເຮັດສັງຄົມບໍ່ມີຄວາມສະຫງົບ, ປະຊາຊົນຢ້ານກວາ ໂດຍສະເພາະຜູ້ທີ່ເດີນທາງຜ່ານເສັ້ນທາງດັ່ງກ່າວ. ເຈົ້າໜ້າທີ່ຈິ່ງຝາກເຕື່ອນປະຊາຊົນ ຢ່າສ້າງເລື່ອງທີ່ບໍ່ມີມູນຄວາມຈິງ ເພາະເຮັດໃຫ້ສັງຄົມສັບສົນ ແລະ ຮຽກຮ້ອງມາຍັງພໍ່ແມ່ປະຊາຊົນ ພ້ອມກັນຍົກສູງສະຕິລະວັງຕົວ ແລະ ປະກອບສ່ວນສ້າງສັງຄົມໃຫ້ມີຄວາມສະຫງົບສຸກ. ພົບເຫັນເຫດການບໍ່ດີໃຫ້ຮີບໂທແຈ້ງຕໍ່ເຈົ້າໜ້າທີ່ໂດຍດ່ວນ.
    ຂ່າວຈາກ: ໜັງສືພິມຄວາມສະຫງົບ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.