ນ້ອງໄໝຄໍາ ທີ່ບໍ່ມີເງິນຊື້ສະບູເປັນຂອງຂັວນໃຫ້ຄູໃນວັນຄູ ຫຼ້າສຸດໄດ້ຮັບການສະໜັບສະໜູນຈາກສັງຄົມແລ້ວ

    0
    63

    ຄົນເຮົາເກີດມາຕົ້ນທຶນບໍ່ເທົ່າກັນ ບາງຄົນກໍ່ມີທຸກຢ່າງ ຮອດມື້ຮອດຍາມມາພໍ່ແມ່ຈັດໃຫ້ ເຮົາມີໜ້າທີ່ແຕ່ງຕົວງາມໆເພື່ອໄປຮ່ວມງານ ແຕ່ກັບອີກບາງຄົນຈົນບໍຈັກແນວຊິຫາ ເຫັນຫຍັງກໍຢາກຄວ້າມາ ຂໍພຽງໄດ້ປະກອບສ່ວນ ແລະບອກວ່ານັ້ນຄືຜົນງານເຮົາ.

    ປົກກະຕິແລ້ວວັນທີ 7 ຕຸລາວັນຄູແຫ່ງຊາດ ແຕ່ລະປີຢູ່ທຸກຫົນແຫ່ງໃນປະເທດລາວ ໂດຍສະເພາະຜູ້ຢູ່ຊັ້ນມັດທະຍົມຈະພາກັນໄປມອບຂອງຂວັນໃຫ້ຄູ ເຊິ່ງຄູກໍບໍໄດ້ຮຽກຮ້ອງຫຍັງດອກແຕ່ທຸກຄົນເຮັດມາຈົນເປັນປະເພນີແລ້ວທຸກປີຈິ່ງຕ້ອງມີແນວຕິດໄມ້ຕິດມືໄປ ຜູ້ບໍມີພໍ່ແມ່ບໍ່ພ້ອມກໍພໍຢາກຄຽດພຸ້ນລະນໍ!

    ສຳລັບວັນທີ 7 ຕຸລາ 2022 ວັນຄູແຫ່ງຊາດ ຈະຫມູນວຽນມາອີກຮອບຫນຶ່ງ ປີນີ້ກໍ່ປະຕິບັດເປັນຄືກັບທຸກປີຄືມີມອບຂອງຂວັນໃຫ້ຄູ ແລະນີ້ຄືຂອງຂວັນຈາກນ້ອງ ນາງຄຳໄຫມ ນ້ຳເອົາຫມາກຫຸ່ງ ແລະຜັກກູດ ມາມອບໃຫ້ນາຍຄູໂຮງຮຽນວັງຫມູ ເມືອງເຊໂປນ ແຂວງສະຫວັນນະເຂດ.

    ນາງຄຳໄຫມ ຢືນຢູ່ຫ້ອງຢູ່ດົນ ເພາະຢ້ານຄູບໍ່ຮັບຂອງຂວັນຈາກນາງ ເພາະນາງມີແຕ່ຫມາກຫຸ່ງກັບຜັກກູດເທົ່ານັ້ນ ທີສາມາດຊອກມາໃຫ້ນາຍຄູໄດ້ຍ້ອນຄອບຄົວນາງທຸກຍາກຂາດເຂີນ ແຕ່ຍ້ອນຄວາມຮັກ ແລະມີຄວາມກະຕັນຍູຕໍ່ນາຍຄູ ຈຶ່ງຊອກຫາຕາມກຳລັງມາໃຫ້ ແຕ່ສິ່ງນີ້ ບໍ່ຮູ້ຄວາມຮູ້ສຶກນາຍຄູຜູ້ຢູ່ເຫດການ ແຕ່ຄື ໄດ້ໃຈຜູ້ເຫັນພາບນ້ອງໄປເຕັມໆ 10 ບໍຫັກ ຖ້າເພີ່ມໄດ້ກໍຢາກຕື່ມເຕີມ.

    ຢາກໃຫ້ມີຄົນໃຈດີ ພ້ອມສົ່ງເສີມຊ່ວຍນ້ອງຈັກໜ້ອຍເດນໍ

    ປະຈຸບັນ, ໄດ້ມີການເປີດບໍລິຈາກໄປແລ້ວ ເຊິ່ງບັນດາຄູອາຈານ ແລະ ອຳນາດການປົກຄອງບ້ານ ໄດ້ນໍາເງິນບໍລິຈາກຈາກຜູ້ໃຈບຸນທີ່ເປີດຮັບບໍລິຈາກ ມາມອບໃຫ້ນ້ອງຄຳໄໝ ເປັນຈໍານວນເງິນທັງໝົດ 5.900.000 ກີບ ແລະ ຍັງມີເຄື່ອງນຸ່ງທີ່ບໍລິຈາກມາ ແຕ່ຍັງມາບໍ່ຮອດ ເຊິ່ງຈະມີການມອບໃຫ້ນ້ອງພາຍຫຼັງຕື່ມອີກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.