ສິ່ງທີ່ຜູ້ຂັບຂີ່ຄວນປະຕິບັດໃນໄລຍະບຸນຊ່ວງເຮືອທ່າວັດຈັນ

    0
    29

    ງານບຸນອອກພັນສາປະວໍລະນາ ແລະ ງານບຸນຊ່ວງເຮືອທ່າວັດຈັນ ທີ່ຈະມີຂຶ້ນໃນລະຫວ່າງວັນທີ 8-11 ຕຸລາ 2022 ນີ້, ຄາດວ່າສະພາບການສັນ ຈອນອາດຈະມີຄວາມແອອັດ, ສັບສົນຢູ່ບາງຖະໜົນ ເຊັ່ນ: ຖະໜົນສຸພານຸວົງ, ຖະໜົນເສດຖາທິລາດ, ຖະໜົນສາມແສນໄທ, ຖະໜົນຄູວຽງ ແລະ ອື່ນໆ.

    ພັທ ວິລະພົງ ສະເໜ່ຫາ ຫົວໜ້າພະແນກຕໍາຫຼວດຈະລາຈອນ ນະຄອນຫຼວງວຽງຈັນ ກ່າວໃນວັນທີ 5 ຕຸລາ ຜ່ານມາວ່າ: ເພື່ອຮັບປະກັນໃຫ້ການ ສັນຈອນໃນງານບຸນອອກພັນສາປະວໍລະນາ ແລະ ງານບຸນຊ່ວງເຮືອທ່າວັດຈັນ ປີນີ້ ບໍ່ແອອັດຫຼາຍໄປ-ມາສະດວກບັນດາລົດປະເພດຕ່າງໆທີ່ມາແຕ່ລະ ທິດໃຫ້ປະຕິບັດ ດັ່ງນີ້:

    1. ມາຈາກທິດເໜືອ ມີຈຸດປະສົງມາທ່ຽວງານບຸນຊ່ວງເຮືອ ແມ່ນອະນຸຍາດໃຫ້ເຂົ້າຈອດສະຖານທີ່ຈອດລົດທີ່ອະນຸກຳມະການອະນຸຍາດ ຫຼື ຈອດຕາມແຄມຖະໜົນສຸພານຸວົງ ແລະ ທາງຮ່ອມອື່ນໆ ທີ່ເຫັນວ່າ ມີຄວາມປອດໄພ ແລະ ບໍ່ເປັນການກີດຂວາງການສັນຈອນຂອງຍານພາຫະນະຄັນອື່ນ.
    2. ມາຈາກທິດໃຕ້ ອະນຸຍາດໃຫ້ຈອດລົດຢູ່ສະຖານທີ່ຈອດລົດຂອງພະແນກໂຍທາທິການ ແລະ ທາງຮ່ອມໂຮງຮຽນມັດທະຍົມຕອນປາຍ ເພຍວັດ ຫຼື ຈອດຕາມແຄມທາງຮ່ອມອື່ນໆທີ່ ເຫັນວ່າ ມີຄວາມປອດໄພ ແລະ ບໍ່ເປັນການກີດຂວາງການສັນຈອນຂອງຍານພາຫະນະຄັນອື່ນ.
    3. ມາຈາກຖະໜົນ 13 ໃຕ້ ອະນຸຍາດໃຫ້ຈອດຕາມສະຖານທີ່ຈອດລົດຕໍ່ໜ້າສະໜາມກິລາເຈົ້າອານຸວົງ, ຫໍວັດທະນະທຳ ແລະ ຕາມແຄມທາງຮ່ອມອື່ນໆທີ່ເຫັນວ່າມີຄວາມປອດໄພ ແລະ ບໍ່ເປັນການກີດຂວາງການສັນຈອນຂອງຍານພາຫະນະອື່ນ.
    4. ບັນດາລົດເກ໊ງ, ລົດກະບະ, ລົດຕຸກໆ, ຈຳໂບ້ ໃຫ້ຈອດຕາມສະຖານທີ່ຈອດລົດທີ່ອະນຸກຳມະການຈັດງານໄດ້ກໍານົດໄວ້ ແລະ ປະຕິບັດຕາມການແນະນໍາຂອງເຈົ້າໜ້າທີ່ຕຳຫຼວດຈະລາຈອນທີ່ກຳລັງປະຕິບັດໜ້າທີ່ຢູ່ແຕ່ລະຈຸດ, ຕາມປ້ອມຕ່າງໆ.
    5. ບັນດາລົດຈັກ, ລົດຖີບອະນຸຍາດໃຫ້ຈອດ ຕາມສະຖານທີ່ຈອດລົດທີ່ອະນຸກຳມະການຈັດງານກໍານົດໄວ້.
      ສ່ວນຜູ້ນຳໃຊ້ຍານພາຫະນະທຸກປະເພດທີ່ບໍ່ມີຈຸດປະສົງມາທ່ຽວງານບຸນຊ່ວງເຮືອແ ຕ່ຕ້ອງນຳໃຊ້ຖະໜົນຕ່າງໆໃຫ້ປະຕິບັດ ດັ່ງນີ້:
    6. ມາຈາກຖະໜົນ 13 ເໜືອ ມີຈຸດປະສົງ ໄປຖະໜົນ 13 ໃຕ້, ຖະໜົນທ່າເດື່ອໃຫ້ນຳໃຊ້ຖະໜົນອາຊຽນ, ຖະໜົນໜອງບຶກ ແລະ ຖະ ໜົນດົງໂດກ.
    7. ມາຈາກຖະໜົນ 13 ໃຕ້ ແລະ ຖະໜົນເລກ10 ມີຈຸດປະສົງໄປຖະໜົນ 13 ເໜືອໃຫ້ ນຳໃຊ້ຖະໜົນ 450 ປີ, ຖະໜົນກຳແພງເມືອງ ແລະ ຖະໜົນມິດຕະພາບ.
    8. ຫ້າມພາຫະນະທຸກປະເພດນຳໃຊ້ຖະ ໜົນເຈົ້າຟ້າງຸ່ມ (ແຄມຂອງ) ແຕ່ 3 ແຍກຄຣີນິກ ສາກົນເຖິງ 3 ແຍກປາກປ່າສັກ ເລີ່ມແຕ່ວັນທີ 8-11 ຕຸລາ 2022, ສະເພາະພາຫະນະທີ່ມີຈຸດປະສົງນຳເອົາສິນຄ້າເຂົ້າໄປຂາຍໃນງານບຸນແມ່ນອະນຸຍາດໃຫ້ເຂົ້າແຕ່ເວລາ 5 ຫາ 8 ໂມງ ເຊົ້າ ເມື່ອເອົາສິນຄ້າລົງແລ້ວໃຫ້ເອົາລົດອອກໄປຈອດຢູ່ບ່ອນອື່ນ ເພື່ອບໍ່ໃຫ້ກີດຂວາງການສັນຈອນໃນງານບຸນ.
    9. ພັທ ວິລະພົງ ສະເໜ່ຫາ ຍັງໄດ້ຮຽກຮ້ອງມາ ຍັງພໍ່ແມ່ປະຊາຊົນທຸກຊັ້ນຄົນທີ່ໃຊ້ລົດ-ໃຊ້ຖະໜົນມີຈຸດປະສົງຈະມາທ່ຽວງານບຸນດັ່ງກ່າວ ຕ້ອງປະຕິບັດຕາມແຈ້ງການ ແລະ ກົດລະບຽບຂອງງານບຸນຢ່າງເຂັ້ມງວດ ເພື່ອຮັບປະກັນບໍ່ໃຫ້ເກີດບຸນຫາລົດຕິດອັ່ງອໍຫຼາຍຊົ່ວໂມງ; ສ່ວນຜູ້ທີ່ບໍ່ມີຈຸດປະສົງທີ່ຈະມາທ່ຽວງານບຸນຍາກໃຫ້ນໍາໃຊ້ເສັ້ນທາງສາຍອື່ນໄປກ່ອນ ເພື່ອຫຼີກລ່ຽງບັນຫາລົດຕິດ ແລະ ທີ່ສໍາຄັນບັນດາທ່ານຜູ້ໃຊ້ລົດ-ໃຊ້ຖະໜົນຄວນເຮັດໃນເວລາຂັບຂີ່ນັ້ນຕ້ອງໃສ່ໃຈປະຕິບັດກົດລະບຽບການສັນຈອນຢ່າງເຂັ້ມງວດ ແນໃສ່ຮັບປະກັນບໍ່ໃຫ້ຕົວທ່ານເອງເກີດອຸບັດຕິເຫດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.