ແຂວງໄຊສົມບູນ ໄດ້ອະນຸມັດໂຄງການລົງທຶນພາຍໃນແຂວງ ທັງໝົດ 99 ໂຄງການ

    0
    36

    ທ່ານພອຍຄໍາ ຮຸ່ງບຸນຍວງ ເຈົ້າແຂວງໄຊສົມບູນ ໄດ້ລາຍງານ ເນື່ອງໃນໂອກາດທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ຜູ້ຊີ້ນໍາວຽກງານຂົງເຂດເສດຖະກິດ ພ້ອມດ້ວຍຄະນະ ໄດ້ເຄື່ອນໄຫວເຮັດວຽກ ຢູ່ແຂວງໄຊສົມບູນວັນທີ 5-6 ຕຸລາ 2022 ນີ້ວ່າ: ການນໍາພາ-ຊີ້ນໍາຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງ

    ຕິດພັນກັບການຈັດຕັ້ງປະຕິບັດ ດໍາລັດ 414/ລບ ຢ່າງຕັ້ງໜ້າ ແລະ ການຈັດຕັ້ງປະຕິບັດ 2 ວາລະແຫ່ງຊາດ ເຂົ້າສູ່ວຽກງານຕົວຈິງ ເຮັດໃຫ້ທົ່ວສັງຄົມ ມີຄວາມເປັນລະບຽບຮຽບຮ້ອຍ ແລະ ຮັບປະກັນໄດ້ຄວາມສະຫງົບປອດໄພໂດຍພື້ນຖານ ອັນໄດ້ສ້າງສະພາບແວດລ້ອມອັນດີ ແລະ ສ້າງເງື່ອນໄຂເອື້ອອໍານວຍໃຫ້ແກ່ການສ້າງສາພັດທະນາ

    ແຂວງ ຊຶ່ງຕະຫຼອດໄລຍະ 9 ເດືອນທີ່ຜ່ານ ອັນພົ້ນເດັ່ນແມ່ນ ເສດຖະກິດຂອງແຂວງ ສືບຕໍ່ມີບາດກ້າວຂະຫຍາຍຕົວຢ່າງຕໍ່ເນື່ອງ, ໝັ້ນທ່ຽງ ຕາມທິດຫັນເປັນອຸດສາຫະກໍາ-ທັນສະໄໝ ຢູ່ໃນລະດັບ 7%, ໃນນີ້ ສາມາດຈັດເກັບລາຍຮັບເຂົ້າງົບປະມານໄດ້ 423,39 ຕື້ກີບ, ເທົ່າກັບ 75,87% ຂອງແຜນປີ, ລາຍຈ່າຍປະຕິບັດໄດ້ 224,60 ຕື້ກີບ,

    ເທົ່າກັບ 62,15% ຂອງແຜນປີ; ໄດ້ເອົາໃຈໃສ່ໃນວຽກງານສົ່ງເສີມການລົງທຶນ ຕາມ 5 ທ່າແຮງ, ການບໍລິການເຊື່ອມໂຍງ-ເຊື່ອມຈອດ ແລະ ການຄຸ້ມຄອງວຽກງານງົບປະມານ-ການເງິນ ແລະ ກອງທຶນພັດທະນາແຂວງ ເພື່ອໃຫ້ມີປະສິດທິຜົນ ແລະ ເປັນຮູບປະທໍາດີຂຶ້ນເປັນກ້າວໆ; ການລົງທຶນພາຍໃນ ແລະ ຕ່າງປະເທດ ທຽບໃສ່ປີ 2020 ເພີ່ມຂຶ້ນ 244,39%, ມູນຄ່າການລົງທຶນ 463,09 ຕື້ກີບ.

    ມາຮອດປັດຈຸບັນ ໄດ້ອະນຸມັດໂຄງການລົງທຶນທັງໝົດ 99 ໂຄງການ ຂັ້ນສູນກາງອະນຸຍາດ 34 ໂຄງການ; ຂັ້ນແຂວງ ອະນຸຍາດ 65 ໂຄງການ, ສະເພາະຂັ້ນແຂວງ ຂົງເຂດກະສິກໍາ ມີ 9 ໂຄງການ, ດ້ານບໍລິການ ແລະ ທ່ອງທ່ຽວ 7 ໂຄງການ, ດ້ານພະລັງງານໄຟຟ້າ 13 ໂຄງການ, ດ້ານບໍ່ແຮ່ 36 ໂຄງການ. ນອກຈາກນັ້ນ ການຜະລິດເປັນ

    ສິນຄ້າຂອງປະຊາຊົນ ຕົ້ນຕໍແມ່ນການປູກຝັງ-ລ້ຽງສັດ ໄດ້ຮັບການຊຸກຍູ້ສົ່ງເສີມ ເປັນຂະບວນກວ້າງຂວາງ ໂດຍສະເພາະແມ່ນ ການປູກຢາງພາລາ, ປູກພືດຜັກອິນຊີ, ໝາກນັດ, ມັນສະຄູ, ມັນຕົ້ນ, ສາລີ, ລ້ຽງງົວ, ໝູ ແລະ ອື່ນໆ; ໄດ້ສໍາເລັດການປະກາດຈົບຊັ້ນ ມ.ຕົ້ນ ບໍາລຸງທົ່ວແຂວງ ໃນເດືອນມັງກອນ ປີ 2022; ໄດ້ຂະຫຍາຍ

    ຕາໜ່າງສາທາລະນະສຸກ ລົງສູ່ບ້ານ, ກຸ່ມບ້ານ ຢ່າງກວ້າງຂວາງ ແລະ ມີຄຸນນະພາບດີຂຶ້ນເປັນກ້າວໆ, ປະຊາຊົນໄດ້ເຂົ້າເຖິງການບໍລິການດ້ານສາທາລະນະສຸກຢ່າງທົ່ວເຖິງ; ສຸມໃສ່ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ ຕິດພັນກັບວຽກງານ 3 ສ້າງ ແລະ ຍົກລະດັບຊີວິດການເປັນຢູ່ຂອງປະຊາຊົນໃຫ້ມີການປັບປຸງດີຂຶ້ນເທື່ອລະ

    ກ້າວ; ສຳລັບການຈັດຕັ້ງປະຕິບັດວາລະແຫ່ງຊາດ ເພື່ອແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ໄດ້ສຸມໃສ່ມາດຕະການ ຊຸກຍູ້ການຈັດເກັບລາຍຮັບເຂົ້າງົບປະມານ ດ້ວຍການກວດກາ, ຊອກຄົ້ນທຸກແຫຼ່ງລາຍຮັບທີ່ມີ, ການຄົ້ນຄວ້າສ້າງຖານລາຍຮັບໃໝ່ທີ່ຍືນຍົງ ເພີ່ມທະວີມາດຕະການອັດຊ່ອງຫວ່າງການຮົ່ວໄຫຼຂອງງົບປະມານ

    ໂດຍສະເພາະ ໄດ້ເພີ່ມປະສິດທິພາບການຈັດເກັບ ລາຍຮັບ-ຄຸ້ມຄອງລາຍຈ່າຍ ໄປສູ່ລະບົບທັນສະໄໝເທື່ອລະກ້າວ, ຊຸກຍູ້ສົ່ງເສີມທຸລະກິດຂະໜາດນ້ອຍ, ຂະໜາດກາງ, ສຸມໃສ່ມາດຕະການປະຢັດມັດທະຍັດ, ຫຼຸດຜ່ອນການໃຊ້ຈ່າຍເງິນບໍລິຫານຂອງລັດ ດ້ວຍການປັບປຸງກົງຈັກການຈັດຕັ້ງແຕ່ລະຂັ້ນ ໃຫ້ກະທັດຮັດ, ເໝາະສົມ ກັບສະພາບຕົວຈິງ

    ຂອງແຂວງ; ສຳລັບການແກ້ໄຂບັນຫາຢາເສບຕິດ ໄດ້ສ້າງແຜນດໍາເນີນງານ, ກໍານົດເປົ້າໝາຍ ໃນການແກ້ໄຂ ຢ່າງລະອຽດ ແລະ ໄດ້ຈັດຕັ້ງປະຕິບັດຢ່າງເຂັ້ມງວດ. ພ້ອມກັນນີ້ ໄດ້ສືບຕໍ່ຫັນລົງຮາກຖານປະຈໍາຢູ່ຈຸດຕ່າງໆ ເພື່ອແກ້ໄຂບັນຫາການເຄື່ອນ ໄຫວຂອງພົນລະເມືອງຢູ່ຕາມຊາຍແດນ; ແກ້ໄຂບັນຫາການລັກລອບການປູກຝິ່ນ, ຈັດ

    ກຳລັງປະຈໍາປ້ອງກັນຕາມຈຸດຕ່າງໆ; ສໍາລັບການສະເຫຼີມສະຫຼອງ 2 ວັນປະຫວັດສາດ ສອງຊາດ ລາວ-ຫວຽດນາມ ໄດ້ສ້າງແຜນການເຄື່ອນໄຫວ ແລະ ເຂົ້າຮ່ວມແລກປ່ຽນບັນດາກິດຈະກໍາປິ່ນອ້ອມ.

    ໃນໂອກາດນີ້, ທ່ານ ສອນໄຊ ສີພັນດອນ ໄດ້ໃຫ້ກຽດມີຄຳເຫັນໂອ້ລົມ ແລະ ມີທິດຊີ້ນໍາ ຕໍ່ການນໍາຫຼັກແຫຼ່ງ, ກ່ອນອື່ນ ທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຄວາມພະຍາຍາມຂອງອໍານາດການປົກຄອງແຂວງ ຊຶ່ງມີຜົນສໍາເລັດຫຼາຍດ້ານ. ອັນສຳຄັນ ທ່ານໄດ້ມີຄໍາເຫັນຊີ້ນໍາພະນັກງານຫຼັກແຫຼ່ງ ພາຍໃນອໍານາດການປົກຄອງແຂວງ ເອົາໃສ່ຕື່ມບາງ

    ດ້ານ ເປັນຕົ້ນສືບຕໍ່ເອົາໃຈໃສ່ສຶກສາອົບຮົມແນວຄິດໃຫ້ສະມາຊິກພັກ, ພະນັກງານ-ລັດຖະກອນ ເພື່ອເສີມຂະຫຍາຍມູນເຊື້ອປະຕິວັດ, ມູນເຊື້ອດຸໝັ່ນຂະຫຍັນພຽນ, ມີຄວາມສາມັກຄີ ເປັນປຶກແຜ່ນ ແລະ ເດັດດ່ຽວເອກະພາບ ໃນການປະຕິບັດແນວທາງນະໂຍບາຍຂອງພັກ ແລະ ລັດຖະບານ; ຍົກສູງສະຕິລະວັງຕົວ ຕ້ານປະກົດການທີ່ບໍ່

    ຖືກຕ້ອງ; ມີສະຕິຕໍ່ອິດທິກໍາລັງປໍລະປັກ ແລະ ຄົນທີ່ບໍ່ຫວັງດີຕໍ່ພັກ-ລັດ, ກໍາໄດ້ຫາງສຽງສັງຄົມ, ບໍລິໂພກຂໍ້ມູນຂ່າວສານຜ່ານສື່ອອນລາຍຕ່າງໆຢ່າງມີສະຕິ; ສືບຕໍ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຕິດພັນກັບການປະຕິບັດສອງວາລະແຫ່ງຊາດ ແລະ ການຈັດຕັ້ງປະຕິບັດດໍາລັດ 414/ລບ ເປັນຕົ້ນແມ່ນ ການສຸມໃສ່ຈັດເກັບ

    ລາຍຮັບ ໃຫ້ດີກວ່າເກົ່າ ພ້ອມທັງຄຸ້ມຄອງລາຍຈ່າຍຢ່າງຮັດ ກຸມ, ມີປະສິດທິຜົນຕາມທິດປະຢັດ ໂດຍສະເພາະປະຕິບັດຄໍາສັ່ງຂອງນາຍົກລັດຖະມົນຕີ ວ່າດ້ວຍການເພີີີ່ມທະວີການຄຸ້ມຄອງ ແລະ ຕ້ານການຮົ່ວໄຫຼຂອງງົບປະມານຂອງລັດ, ດໍາລັດ ວ່າດ້ວຍການປະຢັດ ແລະ ຕ້ານການຟຸ່ມເຟືອຍ; ດໍາລັດ ວ່າດ້ວຍລົດຂອງລັດ; ການແກ້ໄຂບັນຫານຳ

    ເຂົ້າ ແລະ ນຳໃຊ້ພາຫະນະທີ່ບໍ່ຖືກຕ້ອງ ແລະ ເອົາໃຈໃສ່ການປະຕິບັດບັນດານິຕິກໍາລຸ່ມກົດໝາຍທີີີ່ກ່ຽວຂ້ອງໃຫ້ເຂັ້ມງວດ, ເປັນຮູບປະທໍາຫຼາຍຂຶ້ນ; ເອົາໃຈໃສ່ແກ້ໄຂບັນຫາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ ຕິດພັນກັບການປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ທີ່ເປັນສາເຫດຂອງການເກີດ

    ປະກົດການຫຍໍ້ທໍ້ຕ່າງໆໃນສັງຄົມ ໂດຍມີມາດຕະການແກ້ໄຂຢ່າງເດັດຂາດ ແລະ ສອດຄ່ອງຕາມກົດໝາຍກ່ຽວຂ້ອງ; ສືບຕໍ່ຊຸກຍູ້ສົ່ງເສີມການປູກ, ການລ້ຽງ ທີ່ປະຊາຊົນແຕ່ລະທ້ອງຖິ່ນມີທ່າແຮງໃຫ້ຫຼາຍຂຶ້ນ ເພື່ອທົດແທນການນຳເຂົ້າ ລວມທັງຄຸ້ມຄອງລາຄາສິນຄ້າຢ່າງເໝາະສົມ; ປະສານສົມທົບກັບຂະແໜງການທີ່ກ່ຽວຂ້ອງ ເພື່ອສືບຕໍ່ກວດ

    ກາ ແລະ ປັບປຸງປະສິດທິຜົນໂຄງການລົງທຶນຂອງລັດໃຫ້ດີຂຶ້ນ, ຢຸດການຈັດສັນທຶນໃສ່ໂຄງການໃໝ່ ທີ່ບໍ່ມີປະສິດທິຜົນ ແລະ ສຸມໃສ່ໂຄງການລົງທຶນ ເພື່ອແກ້ໄຂຄວາມທຸກຍາກເປັນບຸລິມະສິດ; ສືບຕໍ່ສົມທົບກັບພາກສ່ວນກ່ຽວຂ້ອງຂອງສູນກາງ ແລະ ທ້ອງຖິ່ນ ໃນການປະຕິບັດກິດຈະກຳ ສະເຫຼີມສະຫຼອງສອງວັນປະຫວັດສາດຂອງສອງຊາດ

    ລາວ-ຫວຽດນາມ ໃຫ້ມີເນື້ອໃນເລິກເຊິ່ງຮອບດ້ານ, ເປັນຂະບວນຟົດຟື້ນ ແລະ ຊຸກຍູ້ການຈັດຕັ້ງປະຕິບັດໂຄງການຮ່ວມມືຂອງສອງຝ່າຍໃຫ້ມີຜົນສຳເລັດຕາມຄາດໝາຍທີ່ກຳນົດໄວ້.

    ໃນໄລຍະການເຄື່ອນໄຫວເຮັດວຽກຢູ່ແຂວງໄຊສົມບູນ ໃນຄັ້ງນີ້, ທ່ານຮອງນາຍົກລັດຖະມົນຕີ ພ້ອມດ້ວຍຄະນະ ຍັງໄດ້ລົງຕິດຕາມຊຸກຍູ້ໂຄງການກໍ່ສ້າງເຂື່ອນນໍ້າງື່ມ 3 ຢູ່ເມືອງລ້ອງແຈ້ງ, ເຂດພັດທະນາຈຸດສຸມກຸ່ມບ້ານເມືອງອອມ, ໄດ້ໄປຊຸກຍູ້ການຜະລິດ ແລະ ການດຳເນີນທຸລະກິດຕົວຈິງ ຢູ່ໂຮງງານປຸງແຕ່ງຜະລິດກະສິກຳໄຊສົມບູນ, ຢູ່
    ເມືອງອານຸວົງ. ພ້ອມດຽວກັນນີ້ ທ່ານຮອງນາຍົກລັດຖະມົນຕີ ຍັງໄດ້ມອບທຶນສົມທົບຈໍານວນໜຶ່ງ ເພື່ອປະກອບສ່ວນເຂົ້າໃນກອງທຶນພັດທະນາເສດຖະກິດ-ສັງຄົມ ແລະ ລຶບລ້າງຄວາມທຸກຍາກຂອງເຂດພັດທະນາຈຸດສຸມບ້ານເມືອງອອມ ແລະ ແຂວງ ຕື່ມອີກ.
    ຂ່າວ-ພາບ: ກົມປະຊາສຳພັນ ຫສນຍ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.