ຊົມເຊີຍ ພົນລະເມືອງດີສາມາດຈັບໂຈນທີ່ພວມເລາະຊອກລັກເຄື່ອງຂອງປະຊາຊົນໄດ້ ຢູ່ເຂດບ້ານ ໜອງດາ-ເກົ້າລ້ຽວ

    0
    44

    ຊົມເຊີຍ ໃຜໆກໍເປັນຮີໂລ້ໄດ້! ເມື່ອມີພົນລະເມືອງດີສາມາດຈັບໂຈນໄດ້ ຢູ່ເຂດບ້ານ ໜອງດາ-ເກົ້າລ້ຽວ ທີ່ພວມເລາະຊອກລັກເຄື່ອງຂອງປະຊາຊົນ.

    ເຊົ້າມືດເວລາປະມານ 01:15 ໂມງ ຂອງວັນທີ 9 ຕຸລາ 2022 ນີ້, ມີພົນລະເມືອງດີສາມາດຈັບໂຈນໄດ້ ຢູ່ເຂດບ້ານ ໜອງດາ-ເກົ້າລ້ຽວ ເມືອງສີໂຄດຕະບອງ ນະຄອນຫລວງວຽງຈັນ, ທີ່ພວມເລາະຊອກລັກເຄື່ອງຂອງປະຊາຊົນເຂດບ້ານດັ່ງກ່າວ.

    ດັ່ງນັ້ນ, ພົນລະເມືອງດີກໍໄດ້ແຈ້ງທາງກອງຫລອນບ້ານມາເຮັດບົດບັນທຶກ ແລະ ກວດຄົ້ນຕົວຜູ້ກ່ຽວ ແລ້ວພົບຢາບ້າ 3 ເມັດ, ພ້ອມທັງຈັບຕົວໄປດຳເນີນຄະດີຕາມລະບຽບກົດໝາຍ.

    ເຫດການດັ່ງກ່າວກໍຂໍຊົມເຊີຍພົນລະເມືອງດີທີ່ສາມາດຈັບໂຈນໄດ້ບໍ່ໃຫ້ໄປກໍ່ເຫດລັກເຄື່ອງຂອງປະຊາຊົນ ອັນກໍ່ໃຫ້ເກີດມີປະກົດການຫຍໍ້ທໍ້ໃນສັງຄົມ. ພ້ອມນີ້ຂໍຝາກເຕືອນຜູ້ທີ່ທຽວທາງດັ່ງກ່າວໃຫ້ມີສະຕິລະມັດລະວັງຕົວ ເພື່ອຄວາມປອດໄພຂອງຊີວິດ ແລະ ຊັບສິນ.


    ຊົມເຊີຍ ພົນລະເມືອງດີສາມາດຈັບໂຈນທີ່ພວມເລາະຊອກລັກເຄື່ອງຂອງປະຊາຊົນໄດ້ ຢູ່ເຂດບ້ານ ໜອງດາ-ເກົ້າລ້ຽວ

    Cr: ສຸ້ຍ ປະເສີດ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.