ຢູ 17 ລາວ ສ້າງປະຫວັດສາດຜ່ານເຂົ້າຮອບສຸດທ້າຍ ບານເຕະຊີງແຊັມອາຊີ 2023 ເປັນທີມສຸດທ້າຍ

    0
    76

    ພາຍຫຼັງທີ່ ວັນທີ 9 ຕຸລາ 2022 ເວລາ 20:30 ໂມງ ກຽກກິດສະຖານ ພົບ ລາວ ປາກົດວ່າ: ຢູ 17 ລາວ ບຽດເອົາຊະນະ 2-1 ເກັບເພີ່ມເປັນ 6 ຄະແນນ ແລະ ຢູ່ອັນດັບທີ 2 ທີ່ດີທີ່ສຸດອັນດັບທີ 6 ໃນປັດຈຸບັນ ເຊິ່ງເປັນພື້ນທີ່ສຸດທ້າຍໃນການເຂົ້າຮອບສຸດໄປແຂ່ງຂັນໃນປີ 2023 ທີ່ປະເທດອຸດສະເບກິດສະຖານ, ແຕ່ຍັງຕ້ອງລຸ້ນເບິ່ງຜົນຂອງອີກຄູ່ໜຶ່ງກໍຄື ອິຣັກ ພົບກັບ ໂອມານ (ແຂ່ງຂັນເວລາ 23 ໂມງ), ເຊິ່ງທີມຊາດລາວ ຕ້ອງລຸ້ນໃຫ້ ອິຣັກ ຊະນະ ໂອມານ ຫຼື ສະເໝີກັນ ຈິ່ງຈະເຮັດໃຫ້ ຢູ 17 ລາວ ສ້າງປະຫວັດສາດເຂົ້າໄປຫຼິ້ນຮອບສຸດທ້າຍໃນລາຍການນີ້ໄດ້.

    ແລະ ກໍເປັນໄປຕາມຄາດ ເມື່ອ ອິຣັກ ສະເໝີກັບ ໂອມານ 0-0 ເຮັດໃຫ້ຄະແນນສະເລ່ຍຂອງ ໂອມານ ມີພຽງ 1 ສົ່ງຜົນໃຫ້ ຢູ 17 ລາວ ສ້າງປະຫວັດສາດຜ່ານເຂົ້າໄປຮອບສຸຸດທ້າຍໃນປີ 2023 ທີ່ປະເທດອຸດສະເບກິດສະຖານ ເປັນທີມສຸດທ້າຍ

    ກ່ອນໜ້ານີ້ ທີມຊາດລາວ ໃນຮຸ່ນອາຍຸບໍ່ເກີນ 17 ປີລົງແຂ່ງຂັນບານເຕະຊີງແຊັມອາຊີ ຮອບຄັດເລືອກລາຍການ AFC U17 Asian Cup 2023 Qualifiers ( group I ) ທີ່ຈະຈັດຂື້ນໃນລະຫວ່າງ ວັນທີ 5 ຫາ 9 ຕຸລາ 2022 ທີ່ປະເທດ ກຽກກິດສະຖານ ໂດຍນັດທໍາອິດເກີດຂຶ້ນໃນຕອນແລງຂອງວັນທີ 5 ຕຸລາ 2022 ເສຍໃຫ້ ອີຣານ 0-3.

    ນົດທີ 2 ແຂ່ງຂັນໃນວັນທີ 7 ຕຸລາ 2022 ເວລາ 15:00 ໂມງ ( ກົງກັບເວລາ 16:00 ໂມງໃນປະເທດລາວ ) ຢູ 17 ລາວ ລົງສະໜາມພົບກັບ ຮົງກົງ ປາກົດວ່າ: ທີມຊາດລາວ ເອົາຊະນະໄປຂາດລອຍ 5-0 ໂດຍໃນເຄິ່ງເວລາທໍາອິດ ຈາກການຍິງຂອງ ສາຍຝັນ ແກ້ວຫານາມ ແລະ ຄໍາໝັ້ນ, ສ່ວນເຄິ່ງເວລາທີ 2 ທີມຊາດລາວ ຍັງບຸກຕໍ່ເນື່ອງໄດ້ອີກ 3 ປະຕູຈາກການຍິງຂອງ ສາຍຝົນ 1 ປະຕູ ແລະ ປີເຕີ ພັນທະວົງ 2 ປະຕູ ເອົາຊະນະ ຮົງກົງ 5-0 ເກັບ 3 ຄະແນນ ແລະ ມີລຸ້ນເຂົ້າຮອບຕໍ່ໄປຖ້າຫາກນັດສຸດທ້າຍຊະນະ ເຈົ້າພາບ ກຽກກິດສະຖານ.

    ຂ່າວ: Larh Creators ; ຮູບຈາກ: ສຕລ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.