ລົດບິນໄດ້ ຂອງຈີນ ທົດລອງການບິນສາທາລະນະຄັ້ງທຳອິດໃນດູໄບ

    0
    65

    “ລົດບິນໄດ້” ທີ່ສ້າງໂດຍບໍລິສັດຜະລິດລົດຍົນໄຟຟ້າຂອງຈີນ Xpeng ທົດລອງການບິນສາທາລະນະຄັ້ງທຳອິດ ໃນສະຫະລັດອາຣັບເອມິເຣດ (UAE). ຂະນະທີ່ບໍລິສັດກຳລັງດຳເນີນງານ ເພື່ອເປີດຕົວລົດບິນໄດ້ຄັນນີ້ໃນຕະຫລາດສາກົນ.

    ວັນທີ 12 ຕຸລາ 2022, ສຳນັກຂ່າວຣອຍເຕີລາຍງານວ່າ: X2 ຄື ອາກາດສະຍານບິນຂຶ້ນລົງແນວດິ່ງພະລັງງານໄຟຟ້າ (ອີວີໂທລ) ແບບ 2 ບ່ອນນັ່ງ ເຊິ່ງຍົກຕົວຂຶ້ນດ້ວຍໃບພັດທັງໝົດ 8 ໃບ.

    ທັງນີ້, ຖ້ຽວບິນທົດລອງແບບໄຮ້ຄົນຂັບ 90 ນາທີ ໄດ້ຮັບການອະທິບາຍໂດຍຜູ້ຜະລິດວ່າ: ເປັນ “ພື້ນຖານທີ່ສຳຄັນສຳລັບລົດບິນໄດ້ຮຸ້ນຕໍ່ໄປ”.

    “ພວກເຮົາກຳລັງດຳເນີນງານເທື່ອລະຂັ້ນຕອນເພື່ອເຂົ້າສູ່ຕະຫລາດສາກົນ” ທ່ານ ສິວ ໝິນກວນ ຜູ້ຈັດການທົ່ວໄປຂອງບໍລິສັດ ສ່ຽວເຜິງ ແອໂຣ ກ່າວ. “ພວກເຮົາເລືອກເມືອງດູໄບເປັນບ່ອນທຳອິດ ເພາະດູໄບເປັນເມືອງທີ່ມີນະວັດຕະກຳຫລາຍທີ່ສຸດໃນໂລກ”.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.